സ്വകാര്യഭാഗത്ത്​ എയർ കംപ്രസർ തിരുകിക്കയറ്റി 'ചങ്ങാതിമാർ'; കുടൽ തകർന്ന്​ യുവാവ്​ ഗുരുതരാവസ്​ഥയിൽ

ലഖ്​നോ: എല്ലാ പരിധിയും വിട്ട്​ ചങ്ങാതിമാർ നടത്തിയ ആഭാസം തകർത്തത്​ യുവാവി​െൻറ ജീവിതം. തമാശക്കെന്ന പേരിൽ രണ്ടു സുഹൃത്തുക്കൾ ചേർന്ന്​ നിർബന്ധിച്ച്​ സ്വകാര്യ ഭാഗത്തുകൂടി എയർ കംപ്രസർ തിരുകിക്കയറ്റി കാറ്റടിച്ചതോടെ​ യുവാവി​െൻറ ആന്തര ഭാഗം ​െപാട്ടിത്തെറിക്കുകയായിരുന്നു. ഗാസിയാബാദ്​ സ്വദേശിയായ സന്ദീപ്​ കുമാറിനുനേരെയായിരുന്നു അങ്കിത്​, ഗൗതം എന്നിവരുടെ ആക്രമണം. കുടൽ തകർന്ന്​ ചികിത്സയിലുള്ള യുവാവി​െൻറ സ്​ഥിതി അതിഗുരുതരമാണെന്ന്​ റിപ്പോർട്ടുകൾ പറയുന്നു. ചെറുകുടലും വൻകുടലി​െൻറ ഭാഗവും തകർന്നിട്ടുണ്ട്​. ആറു മാസത്തെ ചികിത്സ കൊണ്ടേ ഇത്​ ഭേദമാക്കാനാകൂ എന്നാണ്​ ഡോക്​ടർമാർ പറയുന്നത്​.

അങ്കിതിനെയും ഗൗതമിനെയും പൊലീസ്​ അറസ്​റ്റ്​ ചെയ്​തിട്ടുണ്ട്​. നോയ്​ഡ സെക്​ടർ 63ലെ സ്​ഥാപനത്തിൽ ജോലിക്കാരാണ്​ മൂന്നുപേരും.

നേരത്തെ മഞ്ഞപ്പിത്തം ബാധിച്ച്​ ഏറെയായി ചികിത്സയിലായിരുന്നു. ചൊവ്വാഴ്​ച വൈകുന്നേരം ജോലിക്കായി പുറപ്പെട്ടതായിരുന്നു. അവിടെയെത്തിയ ശേഷമാണ്​ കൂടെയുള്ളവർ വേലയൊപ്പിച്ചത്​. സ്വകാര്യഭാഗത്ത്​ എയർ കംപ്രസർ പൈപ്​ തിരുകിക്കയറ്റി കാറ്റ്​ അടിക്കുകയായിരുന്നു. രക്ഷപ്പെടാൻ ശ്രമിച്ചെങ്കിലും ഇരുവരും പിടിച്ചുവെച്ച്​ ആക്രമണം തുടർന്നു. അതിനിടെ ഛർദിക്കുകയായിരുന്നു.