ഹോട്ടലിൽ മുറിയെടുക്കാൻ മൂന്നുവയസുകാരിയെ തട്ടികൊണ്ടുപോയി; കമിതാക്കൾ അറസ്റ്റിൽ
text_fieldsഫത്തേപുർ: ഉത്തർപ്രദേശിൽ മൂന്നുവയസുകാരിയെ തട്ടികൊണ്ടുപോയ കേസിൽ കുട്ടിയുടെ അടുത്ത ബന്ധുവും കാമുകനും അറസ്റ്റിൽ. യു.പിയിലെ ഫത്തേപുരിലാണ് സംഭവം.
20കാരിയായ നിഷു ദ്വിവേദിയും കാമുകനും വിവാഹം കഴിക്കുന്നതിനായി ഒളിച്ചോടുകയായിരുന്നു. പഞ്ചാബിെല ജലന്ദറിലേക്കാണ് ഇരുവരും കടന്നത്. നിഷുവിനൊപ്പം വീട്ടിലെ മൂന്നുവയസായ കുട്ടിയെയും കാണാതാകുകയായിരുന്നു. തുടർന്ന് മാതാപിതാക്കൾ പൊലീസിൽ പരാതി നൽകുകയായിരുന്നു.
തുടർന്ന് നടത്തിയ അന്വേഷണത്തിൽ പൊലീസ് നിഷുവിനും കാമുകർ നവ്ദീപ് സിങ് എന്ന ഗിന്നിക്കും ഒപ്പം കുട്ടിയെ കണ്ടെത്തിയത്. ഇരുവരെയും പൊലീസ് അറസ്റ്റ് ചെയ്തു. കുട്ടിയെ മാതാപിതാക്കൾക്ക് കൈമാറി.
തുടർന്ന് നടത്തിയ ചോദ്യം ചെയ്യലിൽ വിവാഹം കഴിക്കുന്നതിനായി പഞ്ചാബിലേക്ക് ഒളിച്ചോടുകയായിരുന്നുവെന്ന് ഇരുവരും മൊഴി നൽകി. കുടുംബമെന്ന് തെറ്റിദ്ധരിപ്പിച്ച് ഹോട്ടലിൽ മുറിയെടുക്കാനായാണ് ഇവർ കുട്ടിയെയും കൂട്ടികൊണ്ടുപോയത്. കുട്ടിയെ ഉപദ്രവിക്കാൻ ഉദ്ദേശമില്ലായിരുന്നുവെന്നും നിഷു പൊലീസിന് നൽകിയ മൊഴിയിൽ പറയുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.