ശിക്ഷ വിധിക്കാൻ വിശ്വസനീയ മരണമൊഴി മാത്രം മതിയെന്ന് സുപ്രീംകോടതി

ന്യൂ​ഡ​ൽ​ഹി: കോ​ട​തി​ക്ക് വി​ശ്വ​സി​ക്കാ​വു​ന്ന മ​ര​ണ​മൊ​ഴി പ്ര​തി​യു​ടെ ശി​ക്ഷ വി​ധി​ക്കാ​ൻ ആ​ശ്ര​യി​ക്കാ​മെ​ന്ന് സു​പ്രീം​കോ​ട​തി. 22 വ​ർ​ഷം മു​മ്പ് മ​ഹാ​രാ​ഷ്ട്ര​യി​​ലെ ബീ​ഡ് ജി​ല്ല​യി​ൽ ന​ട​ന്ന കൊ​ല​യു​മാ​യി ബ​ന്ധ​പ്പെ​ട്ട കേ​സി​ലാ​ണ് കോ​ട​തി നി​രീ​ക്ഷ​ണം. പൊ​ലീ​സ് കോ​ൺ​സ്റ്റ​ബി​ളാ​യ ഭാ​ര്യ​യെ​ കൊ​ന്ന കേ​സി​ൽ വി​മു​ക്ത ഭ​ട​നാ​യ ഭ​ർ​ത്താ​വി​നു​ള്ള ശി​ക്ഷ കോ​ട​തി ശ​രി​വെ​ച്ചു.

മ​ര​ണ​മൊ​ഴി സ​സൂ​ക്ഷ്മം വി​ല​യി​രു​ത്ത​ണം. അ​ത് ആ​രും പ​റ​ഞ്ഞു​പ​ഠി​പ്പി​ച്ച​ത​ല്ലെ​ന്ന് വ്യ​ക്ത​മാ​ക​ണം. വി​ശ്വ​സ​നീ​യ​മാ​ണെ​ന്ന് ബോ​ധ്യ​പ്പെ​ട​ണം. അ​ങ്ങ​നെ വ​ന്നാ​ൽ മ​റ്റു തെ​ളി​വു​ക​ളൊ​ന്നു​മി​ല്ലെ​ങ്കി​ലും ശി​ക്ഷ വി​ധി​ക്കാ​മെ​ന്ന് ജ​സ്റ്റി​സു​മാ​രാ​യ അ​ഭ​യ് എ​സ്. ഓ​ക, ഉ​ജ്ജ​ൽ ഭു​യാ​ൻ എ​ന്നി​വ​രു​ടെ ബെ​ഞ്ച് അ​ഭി​പ്രാ​യ​പ്പെ​ട്ടു.

കേ​സ് പ​രി​ഗ​ണി​ക്ക​വെ, കൊ​ല്ല​പ്പെ​ട്ട സ്ത്രീ​യു​ടെ ഭ​ർ​ത്താ​വും ഭ​ർ​തൃ​സ​ഹോ​ദ​ര​നും ഭ​ർ​ത്താ​വി​ന്റെ വീ​ട്ടു​കാ​രും അ​വ​രെ ക്രൂ​ര​ത​ക്കി​ര​യാ​ക്കി​യെ​ന്ന് പ്രോ​സി​ക്യൂ​ഷ​ൻ വാ​ദി​ച്ചു.

കൊ​ല ന​ട​ന്ന ദി​വ​സം ഭ​ർ​ത്താ​വും സ​ഹോ​ദ​ര​നും സ്ത്രീ​യെ മ​ർ​ദി​ച്ച് കെ​ട്ടി​യി​ട്ടു. തു​ട​ർ​ന്ന് ഭ​ർ​തൃ​സ​ഹോ​ദ​ര​ൻ മ​ണ്ണെ​ണ്ണ​യും തീ​പ്പെ​ട്ടി​യു​മാ​യി വ​ന്നു. ഭ​ർ​ത്താ​വ് തീ​കൊ​ളു​ത്തി. സ്ത്രീ​ക്ക് ഗു​രു​ത​ര പൊ​ള്ള​ലേ​റ്റു. അ​യ​ൽ​ക്കാ​രാ​ണ് ആ​ശു​പ​ത്രി​യി​ൽ എ​ത്തി​ച്ച​ത്. അ​വി​ടെ വെ​ച്ച് മ​ര​ണ​മൊ​ഴി രേ​ഖ​പ്പെ​ടു​ത്തി. പൊ​ലീ​സ് കേ​സു​മെ​ടു​ത്തു. 2008ൽ ​വി​ചാ​ര​ണ കോ​ട​തി ഭ​ർ​ത്താ​വി​ന് ജീ​വ​പ​ര്യ​ന്തം ത​ട​വ് വി​ധി​ച്ചു. ഇ​ത് ബോം​ബെ ഹൈ​കോ​ട​തി ശ​രി​വെ​ച്ചു. തു​ട​ർ​ന്നാ​ണ് ഭ​ർ​ത്താ​വ് സു​പ്രീം​കോ​ട​തി​യി​ലെ​ത്തി​യ​ത്.

2016ൽ ​സു​പ്രീം​കോ​ട​തി ഇ​യാ​ൾ​ക്ക് ജാ​മ്യം ന​ൽ​കി. ഇ​തി​ന​കം ഒ​മ്പ​തു​കൊ​ല്ലം ശി​ക്ഷ​യ​നു​ഭ​വി​ച്ചു എ​ന്ന കാ​ര​ണ​മാ​ണ് കോ​ട​തി അ​ന്നു പ​റ​ഞ്ഞ​ത്. എ​ന്നാ​ൽ, മ​ര​ണ​മൊ​ഴി കൃ​ത്യ​മാ​യി വി​ല​യി​രു​ത്തി​യെ​ന്നും പ്ര​തി കു​റ്റ​ക്കാ​ര​നാ​ണെ​ന്ന് വ്യ​ക്ത​മാ​യെ​ന്നും സു​പ്രീം​കോ​ട​തി വ്യ​ക്ത​മാ​ക്കി. ശി​ക്ഷ പൂ​ർ​ത്തി​യാ​ക്കാ​ൻ പ്ര​തി ര​ണ്ടാ​ഴ്ച​ക്കു​ള്ളി​ൽ വി​ചാ​ര​ണ കോ​ട​തി മു​മ്പാ​കെ കീ​ഴ​ട​ങ്ങ​ണ​മെ​ന്ന് ഉ​ത്ത​ര​വി​ടു​ക​യും ചെ​യ്തു.