സ്ത്രീകൾ ഓടിച്ച സ്കൂട്ടറിൽ ഓട്ടോറിക്ഷ തട്ടി; ഡ്രൈവറെ മർദിച്ച് അബോധാവസ്ഥയിലാക്കി
text_fieldsഭോപ്പാൽ: മധ്യപ്രദേശിലെ ജബൽപൂരിൽ ഓട്ടോറിക്ഷ ഡ്രൈവറെ റോഡിലിട്ട് ഇരുമ്പ് പാളികൾ കൊണ്ട് ക്രൂരമായി മർദിക്കുന്നതിെൻറ ദൃശ്യങ്ങൾ പുറത്ത്. സ്ത്രീകൾ ഓടിച്ച സ്കൂട്ടറിൽ ഓട്ടോറിഷ ഇടിച്ചതിനെ തുടർന്ന് ബന്ധുക്കളായ യുവാക്കൾ റിക്ഷ ൈഡ്രവറെ റോഡിലിട്ട് അബോധാവസ്ഥയിലാകുന്നതു വരെ തല്ലുകയായിരുന്നു. മർദനത്തിൽ നട്ടെല്ല് തകർന്ന ഡ്രൈവർ ആശുപത്രിയിൽ ചികിത്സയിലാണ്.
ഞായറാഴ്ചയാണ് വൈകീട്ട് അധാർത്തൽ പൊലീസ് സ്റ്റേഷൻ പരിധിയിലാണ് സംഭവം നടന്നത്. അജിത് വിശ്വകർമ്മ എന്നയാൾ ഓടിച്ച ഓട്ടോറിക്ഷയിൽ രണ്ട് സ്ത്രീകൾ സഞ്ചരിക്കുകയായിരുന്ന സ്കൂട്ടറിൽ ഇടിക്കുകയായിരുന്നു. അപകടത്തിൽ സ്ത്രീകൾക്ക് നിസാര പരിക്കുകൾ പറ്റിയിരുന്നനു. അപകടം നടന്നത് അറിയിച്ചയുടൻ സ്ത്രീകളുടെ പരിചയക്കാർ കാറിൽ സംഭവ സ്ഥലത്തെത്തുകയും ഓട്ടോറിക്ഷ ഡ്രൈവറെ റോഡിലേക്ക് വലിച്ചിട്ട് മർദിക്കുകയുമായിരുന്നു.
ഓട്ടോഡ്രൈവറെ പ്രതികൾ റോഡിലിട്ട് ഇരുമ്പുപാളികൾ കൊണ്ട് ക്രൂരമായി മർദിക്കുന്നതിെൻറ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുന്നുണ്ട്. വിഡിയോയിൽ പ്രതികളായ അഭിഷേക് ദുബെ, ചന്ദൻ സിങ് എന്നിവർ ഡ്രൈവർ അബോധാവസ്ഥയിലാകുന്നതുവരെ ഇരുമ്പ് പ്ലേറ്റുകൾ ഉപയോഗിച്ച് മർദിക്കുന്നത് കാണാം. സംഭഭവത്തിൽ കൊലപാതകശ്രമത്തിന് ഇരുവരെയും പൊലീസ് അറസ്റ്റു ചെയ്തു.
അശ്രദ്ധയോടെ വാഹനമോടിച്ചതിന് ഓട്ടോ ഡ്രൈവർക്കെതിരെയും പൊലീസ് കേസ് രജിസ്റ്റർ ചെയ്തിട്ടുണ്ട്.
MP horror: जबलपुर में टक्कर के बाद ऑटो ड्राइवर की बेरहमी से पिटाई, बेहोश होने पर भी मारते रहे गुंडे pic.twitter.com/FvKurPPZSq
— India TV (@indiatvnews) October 13, 2020
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.