ജമ്മുകാശ്മീരിലെ ആറ് ജില്ലകളിൽ മഞ്ഞിടിച്ചിലിന് സാധ്യത
text_fieldsശ്രീനഗർ: ജമ്മുകാശ്മീരിലെ ആറ് ജില്ലകളിൽ മഞ്ഞിടിച്ചിൽ മുന്നറിയിപ്പ്. ജമ്മുകാശ്മീരിലെ ഡിസാസ്റ്റർ മാനേജ്മെന്റ് അതോറിറ്റി (ജെ.കെ.ഡി.എം.എ) ആറ് ജില്ലകളിൽ അടുത്ത 24 മണിക്കൂറിനുള്ളിൽ മഞ്ഞിടിച്ചിലുണ്ടാകുമെന്നാണ് മുന്നറിയിപ്പ് നൽകിയത്.
ഡോഡ, കിഷ്ത്വാർ, പൂഞ്ച്, റംബാൻ, ഗന്ദർബൽ, കുപ്വാര ജില്ലകളിലാണ് മഞ്ഞിടിച്ചിലുണ്ടാകുക. ഈ പ്രദേശങ്ങളിൽ താമസിക്കുന്നവരോട് മുൻകരുതലെടുക്കാൻ ആവശ്യപ്പെട്ടിട്ടുണ്ട്. മഞ്ഞിടിച്ചിലുണ്ടാകാൻ സാധ്യതയുള്ള പ്രദേശങ്ങളിലേക്ക് ഇനിയൊരു ഉത്തരവുണ്ടാകുന്നതുവരെ ഇറങ്ങുന്നത് ഒഴിവാക്കണമെന്നും ഡിസാസ്റ്റർ മാനേജ്മെന്റ് അതോറിറ്റി നിർദേശിച്ചു.
ഈ ഫെബ്രുവരിയിൽ ഗുൽമാർഗിലുണ്ടായ മഞ്ഞിടിച്ചിലിൽ രണ്ട് വിദേശികൾ മരിച്ചിരുന്നു. അപകടസ്ഥലത്ത് കുടുങ്ങിയ 19 വിനോദ സഞ്ചാരികളെയും രണ്ട് പ്രാദേശിക ഗൈഡുകളെയും രക്ഷപ്പെടുത്തി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.