അയോധ്യ: കാര്യങ്ങൾ ​നടത്തേണ്ടത്​ സർക്കാരല്ല, രാമക്ഷേത്ര ട്രസ്​റ്റ്​

ന്യൂഡൽഹി: അയോധ്യയിലെ രാമക്ഷേത്ര നിർമാണം കേന്ദ്ര​, ഉത്തർപ്രദേശ്​ സർക്കാറുകൾ ഏറ്റെടുക്കുന്നതിനെതിരെ സി.പി.എം. ഇത്​ സുപ്രീംകോടതി വിധിയുടെ ലംഘനമാണെന്നും കാര്യങ്ങൾ തീരുമാനിക്കേണ്ടത്​ രാമക്ഷേത്ര ട്രസ്​റ്റ്​ ആണെന്നും സി.പി.എം പോളിറ്റ്​ബ്യൂറോ പ്രതികരിച്ചു. ​

അയോധ്യതർക്കം ഉഭയകക്ഷി സമ്മതത്തോടെയോ കോടതിവിധിയിലൂടെയോ പരിഹരിക്കണമെന്ന നിലപാടാണ്​ സി.പി.എമ്മിനുള്ളത്​. ക്ഷേത്രത്തി​െൻറ നിർമാണ ചുമതല ഏറ്റെടുക്കേണ്ടത്​ രാമക്ഷേത്ര ട്രസ്റ്റാണെന്നാണ്​ സുപ്രീംകോടതി നിർദേശം. 1992 ഡിസംബർ ആറിന്​ ബാബ്​രി മസ്​ജിദ്​ തകർത്തതിനെ ക്രിമിനൽ കുറ്റമായി കോടതി അപലപിച്ചിരുന്നു. ഇതിൽ കുറ്റക്കാരെ ശിക്ഷിക്കുന്നതിന്​ പകരം തകർച്ചക്ക്​ മുൻകാലപ്രാബല്യത്തോടെ നിയമസാധുത നൽകുന്ന വിധം​ കേന്ദ്ര-സംസ്ഥാന സർക്കാരുകൾ പ്രവർത്തിക്കരുത്​.

രാജ്യമെമ്പാടും കോവിഡ്​ പടർന്നുപിടിക്കുകയാണ്​. മതപരമായ ചടങ്ങുകളിൽ ​േകാവിഡ്​ പ്രോ​ട്ടോക്കോൾ പാലിക്കണമെന്ന്​ കേന്ദ്ര മന്ത്രിസഭയു​െട നിർദേശമുണ്ട്​. ഭരണഘടനാമൂല്യങ്ങളും മതേതരത്വവും നീതിയും ഉയർത്തിപ്പിടിക്കണം. കോവിഡ്​ പ്രതിരോധിക്കാനുള്ള നടപടിക്രമങ്ങൾ പാലിക്കണമെന്നും വിഭജന രാഷ്​ട്രീയത്തിനായി മത വികാരങ്ങളെ ദുര​​ുപയോഗം ചെയ്യുന്നതിനെ തടുക്കണമെന്നും സി.പി.എം പ്രസ്​താവനയിലൂടെ ആവശ്യപ്പെട്ടു.