ബാബാ സിദ്ദീഖി: ബോളിവുഡ്​ താരങ്ങളുടെ തോഴൻ

മും​ബൈ: താ​ര​നി​ബി​ഡ​മാ​യ നോ​മ്പു​തു​റ​ക​ളു​ടെ സം​ഘാ​ട​ന​ത്തി​ലൂ​ടെ​യാ​ണ്​ കഴിഞ്ഞ ദിവസം കൊല്ലപ്പെട്ട ബാ​ബാ സി​ദ്ദീ​ഖി ജ​ന​മ​ന​സ്സു​ക​ളി​ലെ​ത്തു​ന്ന​ത്. രാ​ഷ്ട്രീ​യ, സി​നി​മ, വ്യ​വ​സാ​യ മേ​ഖ​ല​ക​ളി​ലെ വ​മ്പ​ന്മാ​രെ​ല്ലാ​മെ​ത്തു​ന്ന ഇ​ഫ്​​താ​ർ പാ​ർ​ട്ടി. 2013ലെ ​ഇ​ഫ്​​താ​ർ പാ​ർ​ട്ടി​യാ​ണ്​ അ​തി​ൽ പ്ര​ശ​സ്തം. പ​ര​സ്പ​രം ഉ​ട​ക്കി​നി​ൽ​ക്കു​ക​യാ​യി​രു​ന്ന ബോ​ളി​വു​ഡി​ന്റെ ഖാ​ന്മാ​ർ സ​ൽ​മാ​ന്റെ​യും ഷാ​റൂ​ഖി​ന്റെ​യും പി​ണ​ക്കം തീ​ർ​ത്ത നോ​മ്പു​തു​റ​യാ​യി​രു​ന്നു അ​ത്. ഇ​രു ഖാ​ന്മാ​രു​ടെ​യും ആ​രാ​ധ​ക​രു​ടെ ഇ​ഷ്ട​ക്കാ​ര​നു​മാ​യി സി​ദ്ദീ​ഖി.

ബി​ഹാ​റി​ൽ​നി​ന്ന് കു​ടി​യേ​റി​യ ബി​സി​ന​സ്​ കു​ടും​ബ​ത്തി​ലെ ബാ​ബ സി​ദ്ദീ​ഖി എ​ന്ന സി​യാ​വു​ദ്ദീ​ൻ സി​ദ്ദീ​ഖി​ക്ക്​ കോ​ൺ​ഗ്ര​സ്​ ആ​യി​രു​ന്നു രാ​ഷ്ട്രീ​യ ത​ട്ട​കം. വി​ദ്യാ​ർ​ഥി​കാ​ലം തൊ​ട്ട്​ ചെ​റു​പ​ദ​വി​ക​ളി​ലൂ​ടെ യൂ​ത്ത്​ കോ​ൺ​ഗ്ര​സ്​ മും​ബൈ അ​ധ്യ​ക്ഷ​നോ​ള​മെ​ത്തി. 1992ൽ ​മും​ബൈ ന​ഗ​ര​സ​ഭാം​ഗ​വു​മാ​യി.

ആ ​കാ​ല​ത്ത്​ കോ​ൺ​ഗ്ര​സ്​ എം.​പി​യും ബോ​ളി​വു​ഡ്​ താ​ര​വു​മാ​യി​രു​ന്ന സു​നി​ൽ ദ​ത്തു​മാ​യു​ള്ള ബ​ന്ധ​മാ​ണ് സി​ദ്ദീ​ഖി​യു​ടെ രാ​ഷ്ട്രീ​യ-​ബോ​ളി​വു​ഡ്​ ബ​ന്ധ​ങ്ങ​ൾ​ക്ക്​ വ​ഴി​തു​റ​ന്ന​ത്. 1999 മു​ത​ൽ 2009 വ​രെ മൂ​ന്നു​ത​വ​ണ ബാ​ന്ദ്ര വെ​സ്റ്റി​ലെ എം.​എ​ൽ.​എ ആ​യി. കോ​ൺ​ഗ്ര​സ്​-​എ​ൻ.​സി.​പി സ​ഖ്യ ഭ​ര​ണ​കാ​ല​ത്ത്​ 2004ലാ​ണ്​ ഭ​ക്ഷ്യവി​ത​ര​ണ സ​ഹ​മ​ന്ത്രി​യാ​കു​ന്ന​ത്.

2014ൽ ​ബി.​ജെ.​പി​യി​ലെ ആ​ശി​ഷ്​ സേ​ലാ​റി​നോ​ട്​ തോ​റ്റു. ചേ​രി പു​ന​ർ നി​ർ​മാ​ണ പ​ദ്ധ​തി​യാ​യ എ​സ്.​ആ​ർ.​എ​യു​മാ​യി ബ​ന്ധ​പ്പെ​ട്ട്​ ഇ.​ഡി അ​ന്വേ​ഷ​ണം നേ​രി​ട്ടു. 48 വ​ർ​ഷ​ത്തെ കോ​ൺ​ഗ്ര​സ്​ ബ​ന്ധം ഉ​പേ​ക്ഷി​ച്ച്​ ക​ഴി​ഞ്ഞ ഫെ​ബ്രു​വ​രി​യി​ലാ​ണ്​ അ​ജി​ത്​ പ​വാ​ർ പ​ക്ഷ​ത്തേ​ക്ക്​ പോ​യ​ത്. രാ​ഷ്ട്രീ​യ​ജീ​വി​തം ബി​ഹാ​റി​ലേ​ക്ക്​ പ​റി​ച്ചു​ന​ടാ​നു​ള്ള വി​ഫ​ല​ശ്ര​മ​ത്തി​ന്​ ശേ​ഷ​മാ​ണ്​ അ​ജി​ത്​ പ​ക്ഷ​ത്തേ​ക്ക്​ പോ​കാ​ൻ തീ​രു​മാ​നി​ച്ച​തെ​ന്ന്​ പ​റ​യ​പ്പെ​ടു​ന്നു.

ഡൽഹി പൊലീസ് മുംബൈയിലേക്ക്

ന്യൂ​ഡ​ൽ​ഹി: ബാ​ബാ സി​ദ്ദീ​ഖി​യു​ടെ കൊ​ല​പാ​ത​ക കേ​സ് അ​ന്വേ​ഷ​ണ​ത്തി​ൽ മും​ബൈ പൊ​ലീ​സി​നെ സ​ഹാ​യി​ക്കാ​ൻ ഡ​ൽ​ഹി പൊ​ലീ​സ് പ്ര​ത്യേ​ക സം​ഘ​ത്തെ അ​യ​ക്കും. ഡ​ൽ​ഹി സ്​​പെ​ഷ​ൽ സെ​ല്ലി​ലെ അ​ഞ്ച് അം​ഗ​ങ്ങ​ൾ അ​ട​ങ്ങു​ന്ന സം​ഘ​മാ​ണ് മും​ബൈ പൊ​ലീ​സി​നെ സ​ഹാ​യി​ക്കാ​ൻ പോ​കു​ന്ന​ത്. ഡ​ൽ​ഹി ജ​യി​ലി​ൽ ക​ഴി​യു​ന്ന കു​പ്ര​സി​ദ്ധ ഗു​ണ്ടാ ത​ല​വ​ൻ ലോ​റ​ൻ​സ് ബി​ഷ്ണോ​യി​ക്ക് കൊ​ല​പാ​ത​ക​ത്തി​ൽ പ​ങ്കു​​ണ്ടെ​ന്ന റി​പ്പോ​ർ​ട്ടി​നെ തു​ട​ർ​ന്നാ​ണ് ഡ​ൽ​ഹി പൊ​ലീ​സും അ​ന്വേ​ഷ​ണ​ത്തി​ന്റെ ഭാ​ഗ​മാ​കു​ന്ന​ത്.