അവസാനിക്കുന്നില്ല; ചോദ്യങ്ങൾ

അയോധ്യ വിഷയത്തിൽ ഹിന്ദുത്വവാദിയായ പ്രധാന കക്ഷിക്ക്​ -വിശ്വഹിന്ദു പരിഷത്ത്​​-അനുകൂലമായി ഉടമസ്​ഥാവകാശം സംബ ന്ധിച്ച്​ അന്തിമ വിധി സുപ്രീംകോടതി പുറപ്പെടുവിച്ചിരിക്കുന്നു. 2.77 ഏക്കർ ഭൂമിയിൽ, 470 വർഷത്തിലേറെയായി നിലനിന്ന ഒ രു പള്ളി, രാഷ്​ട്രീയ അരാജകത്വത്തിലൂടെയും അക്രമത്തിലൂടെയും കേട്ടുകേൾവിയില്ലാത്തവിധം പൊളിച്ച സംഭവം, അതി​​െൻ റ ഉടമസ്​ഥാവകാശം സംബന്ധിച്ച ഹിന്ദുത്വ അനുകൂല വിധിയേക്കാൾ രാജ്യത്തിനു​ മുന്നിൽ ഉയർത്തുന്ന ഒ​േട്ടറെ ചോദ്യങ്ങ ളുണ്ട്​. രാമവിഗ്രഹങ്ങൾ പള്ളിയിൽ സ്​ഥാപിച്ചത്​ നിയമവിരുദ്ധവും 1992ൽ പള്ളി തകർത്തത്​ നിയമസംഹിതയുടെ അസാധാരണമായ ല ംഘനവുമാ​െണന്ന്​ കോടതി അംഗീകരിച്ചിരിക്കുന്നു. എന്നാൽ, പള്ളി പൊളിച്ചതിന്​ ഉത്തരവാദികളായ ശക്തികൾ ഇപ്പോൾ പ്ര സ്​തുത ഭൂമിയുടെ നിയമാവകാശികളായി മാറി. ഗവൺമ​െൻറ്​ നിയമിക്കുന്ന ട്രസ്​റ്റിനായിരിക്കും ഇനി ഭൂമിയുടെ നിയന്ത്രണ ാധികാരം. പള്ളി പൊളിക്കാൻ ഗൂഢാലോചന നടത്തിയതിന്​ കുറ്റപത്രം സമർപ്പിക്കപ്പെട്ടവരായിരിക്കും സ്വാഭാവികമായും ട ്രസ്​റ്റിലേക്ക്​ ഗവൺമ​െൻറി​​െൻറയും ഭരണകക്ഷികളുടെയും മനസ്സുകളിലുണ്ടാവുക.

രാമനെന്ന ബിംബത്തിന്​ ചുറ്റും സൃഷ്​ടിക്ക​െ​പ്പട്ട നിർമിത ​െഎതിഹ്യവ​ും ആൾക്കൂട്ട അക്രമവും, ഭൂരിപക്ഷ വാദം, നിയമലംഘനം എന്നിവയെല്ലാം ഇഴചേർന്ന പ്രതികാര രാഷ്​ട്രീയം കഴിഞ്ഞ കാൽനൂറ്റാണ്ടിലേറെയായി അയോധ്യ എന്നതിന്​ ആലങ്കാരിക പദമായി മാറിയിരിക്കുന്നു. എല്ലാ പൗരന്മാർക്കും തുല്യതയെന്ന ജനാധിപത്യ ഭരണലക്ഷ്യത്തെ അട്ടിമറിക്കാനുള്ള രാഷ്​ട്രീയമാണ്​ ഇതിനു​ പിന്നിൽ. തുല്യതക്കു പകരം ഇന്ത്യയിലെ മതന്യൂനപക്ഷത്തിൽ തുടങ്ങി, പാർശ്വവത്​കൃത സമൂഹത്തെ അരക്ഷിതാവസ്​ഥയിൽ ജീവിക്കാൻ നിർബന്ധിതമാക്കുന്ന സ​മ്പ്രദായം കൊണ്ടുവരുകയാണ്​ ഇതിലൂടെ ലക്ഷ്യമിടുന്നത്​. ഇന്ത്യയുടെ ജനാധിപത്യ സ്​ഥാപനങ്ങൾ ശക്തിമത്തുള്ളതായിരുന്നെങ്കിൽ 1992 ഡിസംബർ ആറിന്​ ബാബരി മസ്​ജിദ്​ തകർത്ത രാഷ്​ട്രീയത്തെ കേവല ആദ്യഘട്ടം അവസാനിച്ചു എന്ന്​ രേഖപ്പെടുത്തുന്നതിനു​ പകരം എ​െന്നന്നേക്കുമായി അവസാനിച്ചുവെന്നാക്കുമായിരുന്നു. ജനാധിപത്യവാഴ്​ചയുടെ അന്തകനാകാനുള്ള ഇൗ രാഷ്​ട്രീയം അന്ത്യലക്ഷ്യത്തിലെത്തിയില്ലെങ്കിലും ദേശീയ മാധ്യമങ്ങളിലെ വലിയൊരു വിഭാഗത്തിന്​ പ്രോത്സാഹനം പകരുംവിധം പുതിയ ഉയരങ്ങൾ വെട്ടിപ്പിടിക്കുന്നതായി. ഇപ്പോഴതിന്​ സുപ്രീംകോടതിയും പിന്തുണയായി. കോടതിയുടെ പാകതയില്ലാത്ത ഇൗ നടപടി സംഘ്​പരിവാറിന്​ തങ്ങളുടെ മേലുള്ള ആൾക്കൂട്ടനീതിയെന്ന കളങ്കം കഴുകിക്കളയാനുള്ള അവസരവുമായി​. 370ാം വകുപ്പിനെ, കൊലചെയ്യാൻ എങ്ങനെ 370ാം വകുപ്പ്​ ഉപയോഗപ്പെടുത്തിയെന്ന്​ കഴിഞ്ഞ ആഗസ്​റ്റിൽ ബി.ജെ.പി നേതാക്കൾ വീമ്പുപറഞ്ഞിരുന്നു. ഇനി നീതിയെ കൊലചെയ്യാൻ നിയമം ഉപയോഗപ്പെടുത്താനായിരിക്കും അവർ ലക്ഷ്യമിടുക.
ഒരു സിവിൽ തർക്കത്തിൽ തീർപ്പുകൽപിക്കുക മാത്രമാണ്​ സുപ്രീംകോടതി ചെയ്​തതെന്ന്​ നമുക്ക്​ ഭാവിക്കാം. എന്നാൽ, ‘ലോകത്തിലെ പ്രധാന കേസുകളിലൊന്ന്​’ എന്ന്​ ബെഞ്ചിലെ ഒരു ജഡ്​ജി​തന്നെ വിശേഷിപ്പിച്ച കേസിൽ യാതൊരു ‘സിവിലും’ ഇല്ലെന്നതാണ്​ യാഥാർഥ്യം. ഇതിലേക്ക്​ നയിച്ച രാഷ്​ട്രീയത്തിൽനിന്ന്​ തർക്കത്തെ വേർതിരിച്ചുനിർത്താനാവില്ല.

1949നുശേഷം അയോധ്യ നിൽക്കുന്ന ഫൈസാബാദിലെ പ്രാദേശിക കോടതികളിലാണ്​ ബാബരി ഭൂമിയുടെ ഉടമസ്​ഥാവകാശം സംബന്ധിച്ച്​ ഒരു തരത്തിലല്ലെങ്കിൽ മറ്റൊരു തരത്തിലായി കേസ്​ നടന്നത്​. ലാൽ കൃഷ്​ണ അദ്വാനി, അടൽ ബിഹാരി വാജ്​പേയി, രാജീവ്​ ഗാന്ധി എന്നിവർക്കു​ പുറമെ ഇപ്പോൾ വിസ്​മരിക്ക​പ്പെട്ട വില്ലന്മാരായ വീർ ബഹാദൂർ സിങ്​​, അരുൺ നെഹ്​റു തുടങ്ങിയവരുടെ വിദ്വേഷരാഷ്​ട്രീയമാണ്​ 1980കളിൽ ബാബരി ഭൂമിതർക്കത്തെ ദേശീയ ശ്രദ്ധയിലേക്കു കൊണ്ടുവരുന്നത്​. 1992 ഡിസംബർ ആറിന്​ പള്ളി തകർക്കാൻ ബി.ജെ.പി നേതാക്കൾ ഗൂഢാലോചന നടത്തിയപ്പോൾ കോൺഗ്രസ്​ പ്രധാനമന്ത്രി നരസിംഹ റാവു കുറ്റകൃത്യത്തിന്​ മൗനാനുവാദവും നൽകി. ഇന്നത്തെ സുപ്രീംകോടതി ജഡ്​ജിമാരുടെ നടപടിയും മറ്റൊന്നല്ല. 27​ വർഷത്തിനുശേഷവും പള്ളി പൊളിക്കൽ കേസ്​ നിലനിൽക്കുന്നു. എല്ലാ തെളിവുകൾ രേഖ​െ​പ്പടുത്തിയിട്ടും വാദങ്ങൾ നടത്തിയിട്ടും കേസി​​െൻറ തീർപ്പ്​ അനിശ്ചിതത്വത്തിലാണ്​. അന്വേഷണ ഏജൻസി ^ദി സെൻട്രൽ ബ്യൂറോ ഒാഫ്​ ഇൻവെസ്​റ്റിഗേഷൻ-പന്ത്​ കരുതിക്കൂട്ടി താഴെയിട്ടുവെന്നത്​ പരസ്യമായ രഹസ്യമാണ്​.

1949ൽ അയോധ്യകേസ്​ പിറവിയെടുത്തതു മുതൽ വിവിധ രാഷ്​ട്രീയ കക്ഷികളുടെ സർക്കാറുകൾ കേന്ദ്രത്തിൽ അധികാരത്തിൽ വന്നിരുന്നുവെന്ന്​ നിയുക്ത ചീഫ്​ ജസ്​റ്റിസ്​ എസ്​.എ. ബോബ്​ഡെ ഇന്ത്യാ ടുഡേയുടെ അഭിമുഖത്തിൽ വിലയിരുത്തിയത്​ തീർത്തും ശരിയാണ്​. പുതിയ ചീഫ്​ ജസ്​റ്റിസായി നാമനിർദേശംചെയ്​ത ​ഉടനെയായിരുന്നു അഭിമുഖം. അയോധ്യയിലെ പക്ഷപാതപരമായ സമീപനം തുറന്നുസമ്മതിക്കുന്ന പാർട്ടിക്ക്​ അധികാരത്തിലേറിയപ്പോൾ രാജ്യത്ത്​ എന്തു​ സംഭവിക്കുമെന്ന്​ ആശങ്കപ്പെടാൻ ഒ​​േട്ടറെ കാരണങ്ങളാണ്​ മുന്നിലുള്ളത്​. ഇതിനോട്​ കൂട്ടിച്ചേർത്തു​ വായിക്കണം കേസ്​ അതിവേഗത്തിൽ പരിസമാപ്​തിയിലെത്തിയെന്നത്​. മുസ്​ലിം അഭയാർഥികളെ പുറന്തള്ളുന്നതിനു മാത്രമായ പൗരത്വനിയമത്തിന്​ കരട്​ ഇതിനകം നമുക്കുണ്ട്​. മുസ്​ലിം പുരുഷന്മാർ ഭാര്യമാരെ ഒഴിവാക്കുന്നത്​ കുറ്റകൃത്യമാക്കുന്നതിന്​ നിയമം പാസാക്കിയിട്ടുണ്ട്​. എന്നാൽ, മറ്റു​ മതങ്ങളിലെ പുരുഷന്മാർക്ക്​ ഇത്​ ബാധകമല്ല. ഇരുപക്ഷത്തിനും ജയിക്കാൻ വകയില്ലാത്തവിധമുള്ള വിധിയായിരിക്കും അഞ്ചംഗ ബെഞ്ച്​ പുറപ്പെടുവിക്കുക എന്നായിരുന്നു നിയമവിദഗ്​ധർ പ്രതീക്ഷിച്ചിരുന്നത്​. ക്ഷേത്രത്തിന്​ അനുകൂലമായ വിധി സംഘ്​പരിവാറി​​​െൻറ ആത്മവിശ്വാസം കൂട്ടാനാണ്​ വഴിയൊരുക്കുക. ഭരണകക്ഷി -ഗവൺമ​െൻറ്​- ബാബരി മസ്​ജിദ്​ നിലനിന്ന സ്​ഥലത്ത്​ രാമക്ഷേത്രം നിർമിക്കാൻ ബാധ്യസ്​ഥരാണെന്ന അവസ്​ഥ, സംഘ്​പരിവാറിന്​ പദ്ധതി അതിവേഗം പൂർത്തിയാക്കാൻ അവസരമൊരുക്കിയിരിക്കയാണ്​. ഉടമസ്​ഥാവകാശ തർക്കത്തിലെ കക്ഷികളിലൊന്നായ നിർമോഹി അഖാഡയുടെ ഒരു പ്രതിനിധിയെ ഉൾപ്പെടുത്തി ഒരു ബോർഡിനെ നിയമിക്കാൻ കോടതി ഗവൺമ​െൻറിനോട്​ വിധിയിലൂടെ ആവശ്യപ്പെട്ടിരിക്കയാണ്​. എന്നാൽ, 1992ൽ പള്ളി പൊളിച്ചതിന്​ ഉത്തരവാദികളായ സംഘടനകളെയോ വ്യക്തികളെയോ ഒഴിവാക്കണമെന്ന്​ ആവശ്യപ്പെടാൻപോലും കോടതി തയാറായില്ല.

സുന്നി വഖഫ്​ ബോർഡി​​െൻറ ആവശ്യം ശരിവെക്കാൻ സാധ്യതയുണ്ടെന്ന്​ വിധിക്കുമുമ്പ്​ ഊഹാപോഹം ഉണ്ടായിരുന്നപ്പോൾപോലും അതേ സ്​ഥലത്ത്​ ബാബരി മസ്​ജിദ്​ പുനർനിർമിക്കണമെന്ന ചോദ്യം ഉയർന്നിരുന്നില്ലെന്നതാണ്​ വാസ്​തവം. അവർ വിജയിച്ചിരുന്നെങ്കിൽ ഭൂമിക്കുവേണ്ടിയുള്ള അവകാശവാദം ഉപേക്ഷിക്കാൻ ശക്തമായ സമ്മർദം സുന്നി വഖഫ്​ ബോർഡിനും മറ്റു​ വാദികൾക്കും മുന്നിലുണ്ടാകുമായിരുന്നു.സുപ്രീംകോടതിയിൽ അന്തിമവാദത്തി​​െൻറ അവസാനഘട്ടത്തിൽ വഖഫ്​ ബോർഡ്​ ചെയർമാൻ വിവാദമായ ‘മധ്യസ്​ഥ’ നിർദേശത്തിൽ ഒപ്പുവെച്ചിരുന്നു. മറ്റൊരു മുസ്​ലിം ആരാധനാലയവും ഏറ്റെടുക്കില്ലെന്ന ഉറപ്പിൽ അലഹബാദ്​ ഹൈകോടതി വിധിക്കെതിരെ നൽകിയ അപ്പീൽ പിൻവലിക്കാമെന്ന കരാറിൽ ഒപ്പിടാനായിരുന്നു അദ്ദേഹം നിർബന്ധിതനായത്​. എന്നാൽ, കേസിലെ മറ്റു​ മുസ്​ലിം കക്ഷികൾ എതിരെ രംഗത്തുവന്നു. പ്രധാന ഹിന്ദുപക്ഷവാദി, വിശ്വഹിന്ദു പരിഷത്ത്​ അത്തരമൊരു കരാറിൽ ഒപ്പുവെക്കില്ലെന്നത്​ ഉറപ്പായിരുന്നു. ‘‘ലോകത്തെ ഏറ്റവും പ്രധാനപ്പെട്ട കേസുകളിലൊന്നായ’’ ബാബരി കേസ്​ മുന്നോട്ടുതന്നെ പോകുമെന്ന സൂചനയായിരുന്നു വിശ്വഹിന്ദു പരിഷത്തി​​െൻറ ഇൗ നിലപാട്​.

അയോധ്യയിൽ പള്ളി നിർമിക്കാൻ അഞ്ച്​ ഏക്കർ സ്​ഥലം നൽകാൻ ഗവൺമ​െൻറിനോട്​ സുപ്രീം​േകാടതി ആവശ്യ​പ്പെട്ടിട്ടുണ്ട്​. കേസി​​െൻറ പ്രാധാന്യം കേവലം പള്ളി ലഭിക്കുക എന്നതിലൊതുങ്ങുന്നതല്ലെന്ന്​ വിസ്​മരിക്കുന്നതായി ഇൗ നടപടി. ഇന്ത്യയിലാർക്കെങ്കിലും ഒരു വ്യക്തിയെയോ സമുദായത്തെയോ ഒഴിപ്പിക്കാൻ അക്രമമാർഗം സ്വീകരിക്കാൻ അനുവാദമുണ്ടോ എന്നതാണ്​ കാതലായ പ്രശ്​നം. സങ്കടകരമെന്നു​ പറയ​െട്ട, ഇൗ ഒഴിപ്പിക്കലിന്​ ‘നഷ്​ടപരിഹാര’മായ അഞ്ച്​ ഏക്കർ സ്​ഥലം അനുവദിച്ചപ്പോൾ, ഒഴിപ്പിക്കാൻ അക്രമം നടത്തിയവർക്ക്​ അവർ ചെയ്​ത കുറ്റത്തി​​െൻറ ഗുണഫലം അനുഭവിക്കാനാണ്​ അവസരമൊരുക്കിയത്​. സാധ്യതകളുടെ വിശ്വാസത്തിൽ ഭൂമി ഹിന്ദുപക്ഷത്തിന്​ നൽകുന്നുവെന്നുള്ള വിലയിരുത്തൽ പരിതാപകരമാണ്​. ഹിന്ദുത്വ സംഘടനകൾ അവകാശവാദം ഉന്നയിക്കുന്ന മറ്റു​ പള്ളികളുടെ കാര്യത്തിലും ഇൗ യുക്തി കടന്നുവന്നുകൂടെന്നില്ല.
ഉടമസ്​ഥാവകാശത്തിന്​ കോടതി കാട്ടിയ പ്രാമുഖ്യവും തീർപ്പിലേക്കുള്ള അതിവേഗവും പ​േക്ഷ പള്ളി പൊളിക്കൽ കേസിന്​ വിധിയിൽ ഇടംനൽകാത്തത്​ എന്തുകൊണ്ടെന്ന സംശയം അവശേഷിപ്പിക്കുന്നു. ഇന്ത്യാ ടുഡേ അഭിമുഖത്തിൽ നിയുക്ത ചീഫ്​ ജസ്​റ്റിസ്​ സ്​ഥലത്തർക്കമെന്നതിനോട്​ ​േയാജിക്കുന്നു. കെട്ടിടം പ്രശ്​നങ്ങളിലൊന്നാണ്​. എന്നാൽ, കെട്ടിടത്തി​​െൻറ അവശേഷിപ്പുപോലും ഇപ്പോഴില്ലെന്നായിരുന്നു പറയാനുണ്ടായിരുന്നത്​.സുപ്രീംകോടതി വിധിയുടെ പ്രധാന ഫലം കൊയ്​തതാരാണോ, അവരാണ്​ പള്ളി പൊളിച്ച കുറ്റകൃത്യത്തിലെ പ്രധാന ​പ്രതികൾ. അയോധ്യ കേസ്​ ലോകത്തിലെ പ്രധാന കേസുകളിലൊന്നാണെങ്കിൽ അതിനു​ കാരണം അതുമായി ബന്ധപ്പെട്ടുണ്ടായ അക്രമമാണ്​. ഇൗ കേസ്​ തീർപ്പുകൽപിച്ചു​ എന്ന അവകാശവാദം പൊളിക്കൽ ആക്രമണത്തിന്​ ഉത്തരവാദികളായവരെ ശിക്ഷിക്കാതെ ശരിയാകുമോ?

(‘ദി വയർ’ സ്​ഥാപക എഡിറ്ററാണ്​ ലേഖകൻ)