ബംഗളൂരു-മൈസൂരു പാത: ടോൾ ഒഴിവാക്കാൻ അതിബുദ്ധി, അപകടവഴി

ബം​ഗ​ളൂ​രു: ബം​ഗ​ളൂ​രു-​മൈ​സൂ​രു പാ​ത​യി​ലെ ടോ​ളി​ൽ​നി​ന്ന് ര​ക്ഷ​പ്പെ​ടാ​നാ​യി വാ​ഹ​ന​ഡ്രൈ​വ​ർ​മാ​ർ കാ​ണി​ക്കു​ന്ന അ​തി​ബു​ദ്ധി അ​പ​ക​ട​ക്കെ​ണി​യാ​കു​ന്നു. നി​ർ​മി​ത ബു​ദ്ധി, സ്പീ​ഡ് റ​ഡാ​ർ ഗ​ൺ കാ​മ​റ​ക​ളു​ടെ സ​ഹാ​യ​ത്തോ​ടെ പാ​ത​യി​ൽ ട്രാ​ഫി​ക് പൊ​ലീ​സ് വ​ൻ സു​ര​ക്ഷാ​ന​ട​പ​ടി​ക​ളാ​ണ് സ്വീ​ക​രി​ക്കു​ന്ന​ത്. ടോ​ൾ ഒ​ഴി​വാ​ക്കാ​നാ​യി സ​ർ​വി​സ് റോ​ഡി​ൽ നി​ന്ന് വാ​ഹ​ന​ങ്ങ​ൾ വ​ൺ​വേ തെ​റ്റി​ച്ച് പ്ര​ധാ​ന പാ​ത​യി​ലേ​ക്കു ക​യ​റു​ക​യാ​ണ്. ഇ​ത് അ​പ​ക​ട​ങ്ങ​ൾ​ക്കി​ട​യാ​ക്കു​ന്നു.

ബി​ഡ​ദി ക​ണ​മി​ണി​ക്കെ, ശേ​ഷ​ഗി​രി​ഹ​ള്ളി, ശ്രീ​രം​ഗ​പ​ട്ട​ണ ഗ​ണ​ങ്കൂ​ർ എ​ന്നി​വി​ട​ങ്ങ​ളി​ലെ ടോ​ൾ പ്ലാ​സ​ക​ൾ ഒ​ഴി​വാ​ക്കാ​ൻ വേ​ണ്ടി​യാ​ണ് സ​ർ​വി​സ് റോ​ഡു​ക​ളി​ലൂ​ടെ വാ​ഹ​ന​ങ്ങ​ൾ വ​ൺ​വേ ലം​ഘി​ച്ച് പ്ര​വേ​ശി​ക്കു​ന്ന​ത്. ആ​റു​വ​രി പ്ര​ധാ​ന​പാ​ത​യി​ൽ ഇ​രു​ച​ക്ര​വാ​ഹ​ന​ങ്ങ​ൾ, ഓ​ട്ടോ, ട്രാ​ക്ട​ർ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ എ​ന്നി​വ​ക്ക് ആ​ഗ​സ്റ്റ് ഒ​ന്നു​മു​ത​ൽ നി​രോ​ധ​നം ഏ​ർ​പ്പെ​ടു​ത്തി​യി​ട്ടു​ണ്ട്. ഇ​തോ​ടെ ഈ ​വാ​ഹ​ന​ങ്ങ​ൾ സ​ർ​വി​സ് റോ​ഡു​ക​ൾ വ​ഴി​യാ​ണു ക​ട​ത്തി​വി​ടു​ന്ന​ത്. ബി​ഡ​ദി, രാ​മ​ന​ഗ​ര, ച​ന്ന​പ​ട്ട​ണ, മ​ദ്ദൂ​ർ, മ​ണ്ഡ്യ, ശ്രീ​രം​ഗ​പ​ട്ട​ണ എ​ന്നി​വി​ട​ങ്ങ​ളി​ലാ​ണ് സ​ർ​വി​സ് റോ​ഡി​ൽ​നി​ന്ന് പ്ര​ധാ​ന പാ​ത​യി​ലേ​ക്ക് പ്ര​വേ​ശി​ക്കാ​ൻ ഇ​ട​വ​ഴി​യു​ള്ള​ത്.

ടൗ​ൺ വ​ഴി ക​ട​ന്നു​പോ​കു​ന്ന ഓ​ർ​ഡി​ന​റി ക​ർ​ണാ​ട​ക ആ​ർ.​ടി.​സി ബ​സു​ക​ളും സ്വ​കാ​ര്യ ബ​സു​ക​ളും സ​ർ​വി​സ് റോ​ഡി​ൽ​നി​ന്ന് പ്ര​ധാ​ന പാ​ത​യി​ലേ​ക്ക് പ്ര​വേ​ശി​ക്കു​ന്നു​ണ്ട്. സ​ർ​വി​സ് റോ​ഡി​ലൂ​ടെ തെ​റ്റാ​യ ദി​ശ​യി​ൽ സ​ർ​വി​സ് ന​ട​ത്തു​ന്ന ക​ർ​ണാ​ട​ക ആ​ർ.​ടി.​സി ബ​സു​ക​ളു​ടെ വി​ഡി​യോ ദൃ​ശ്യ​ങ്ങ​ൾ ക​ഴി​ഞ്ഞ ദി​വ​സം പ്ര​ച​രി​ച്ചി​രു​ന്നു. ഇ​തോ​ടെ ജീ​വ​ന​ക്കാ​ർ​ക്ക് അ​ധി​കൃ​ത​ർ താ​ക്കീ​ത് ന​ൽ​കി​യി​രു​ന്നു. അ​തേ​സ​മ​യം, മേ​യ്, ജൂ​ൺ മാ​സ​ങ്ങ​ളു​മാ​യി താ​ര​ത​മ്യം​ചെ​യ്യു​മ്പോ​ൾ ക​ഴി​ഞ്ഞ ജൂ​ലൈ മാ​സ​ത്തി​ൽ പാ​ത​യി​ൽ അ​പ​ക​ട​ങ്ങ​ൾ മൂ​ന്നി​ലൊ​ന്നാ​യി കു​റ​ഞ്ഞി​ട്ടു​ണ്ട്.

എ.​ഐ കാ​മ​റ​ക​ള​ട​ക്കം അ​മി​ത​വേ​ഗം പി​ടി​ക്കു​ന്ന​തി​നാ​ലാ​ണ് വാ​ഹ​ന​ങ്ങ​ൾ വേ​ഗ​പ​രി​ധി പാ​ലി​ക്കു​ന്ന​ത്. ഇ​തി​നാ​ൽ അ​പ​ക​ട​ങ്ങ​ൾ കു​റ​യു​ന്നു​വെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ജൂ​ലൈ മാ​സ​ത്തി​ലെ അ​പ​ക​ട​ങ്ങ​ളി​ൽ എ​ട്ടു​പേ​രാ​ണ് മ​രി​ച്ച​ത്. മേ​യി​ൽ ഇ​ത് 29 പേ​രും ജൂ​ണി​ൽ 28 പേ​രു​മാ​യി​രു​ന്നു. പാ​ത​യി​ലെ വേ​ഗ​പ​രി​ധി 80-100 കി​ലോ​മീ​റ്റ​റാ​യി നി​ജ​പ്പെ​ടു​ത്തി​യാ​ണ് എ.​ഐ കാ​മ​റ​ക​ൾ സ്ഥാ​പി​ച്ച​ത്. ഈ ​പ​രി​ധി ലം​ഘി​ക്കു​ന്ന വാ​ഹ​ന ഉ​ട​മ​ക​ളെ ടോ​ൾ പ്ലാ​സ​ക​ളി​ൽ പി​ടി​കൂ​ടി​യാ​ണ് ട്രാ​ഫി​ക് പൊ​ലീ​സ് പി​ഴ ഈ​ടാ​ക്കു​ന്ന​ത്.

8480 കോ​ടി രൂ​പ ചെ​ല​വി​ട്ട് ന​വീ​ക​രി​ച്ച​ 118 കി​ലോ​മീ​റ്റ​റു​ള്ള പാ​ത ക​ഴി​ഞ്ഞ മാ​ർ​ച്ച് 12നാ​ണ് പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഉ​ദ്ഘാ​ട​നം ചെ​യ്ത​ത്. എ​ക്സ്പ്ര​സ് വേ​ക​ളി​ലെ കൂ​ടി​യ വേ​ഗ​പ​രി​ധി 120 കി​ലോ​മീ​റ്റ​റാ​ണ്. എ​ന്നാ​ൽ, ബം​ഗ​ളൂ​രു-​മൈ​സൂ​രു പാ​ത​യു​ടെ സൗ​ക​ര്യ​ങ്ങ​ൾ എ​ക്സ്പ്ര​സ് വേ​ക്ക് സ​മാ​ന​മാ​ണെ​ങ്കി​ലും അ​ത് ദേ​ശീ​യ​പാ​ത​യാ​ണെ​ന്നും വേ​ഗ​പ​രി​ധി 80 മു​ത​ൽ 100 കി​ലോ​മീ​റ്റ​ർ ആ​ണെ​ന്നും ഈ​യ​ടു​ത്ത് ദേ​ശീ​യ​പാ​ത അ​തോ​റി​റ്റി വി​ശ​ദീ​ക​രി​ച്ചി​രു​ന്നു. ദേ​ശീ​യ​പാ​ത അ​തോ​റി​റ്റി​യു​ടെ കീ​ഴി​ൽ പ്ര​വേ​ശ​ന നി​യ​ന്ത്ര​ണ​മു​ള്ള എ​ൻ.​എ​ച്ച് 275 ആ​ണ് ഈ ​പാ​ത​യെ​ന്നും 100 കി​ലോ​മീ​റ്റ​റി​ന് മു​ക​ളി​ൽ പോ​യാ​ൽ പി​ഴ ഉ​റ​പ്പാ​ണെ​ന്നും എ.​ഡി.​ജി.​പി (ട്രാ​ഫി​ക് ആ​ൻ​ഡ് റോ​ഡ് സേ​ഫ്റ്റി) അ​ലോ​ക് കു​മാ​റും പ​റ​യു​ന്നു. പാ​ത​യി​ൽ കൂ​ടു​ത​ൽ കാ​മ​റ​ക​ൾ സ്ഥാ​പി​ക്കു​ന്നു​മു​ണ്ട്.