വക്കാലത്തിനെതിരെ പ്രമേയം പാസാക്കുന്നത്​ നിയമവിരുദ്ധം -സുപ്രീംകോടതി

ന്യൂഡൽഹി: ഹീനമായ കുറ്റകൃത്യങ്ങളിൽ പ്രതികളാക്കപ്പെടുന്നവരു​െട വക്കാലത്ത്​ ഏറ്റെടുക്കുന്നതിനെതിരെ ബാർ കൗൺസിലുകൾ പ്രമേയം പാസാക്ക​ുന്നത്​ നിയമവിരുദ്ധമാണെന്ന്​ സുപ്രീംകോടതി. ഡൽഹിയിലെ റയാൻ സ്​കൂൾ വടക്കൻ മേഖല മേധാവി ഫ്രാൻസിസ്​ തോമസ്​ സമർപ്പിച്ച ഹരജിയിലാണ്​ സുപ്രീംകോടതി നിലപാട്​ വ്യക്​തമാക്കിയത്​. സോഹനയിലെയും ഗുഡ്​ഗാവിലെയും ബാർ കൗൺസിലുകൾ റയാൻ സ്​കൂൾ ​േകസിലെ പ്രതിയുടെ വക്കാലത്തെടുക്കി​െല്ലന്ന്​ പ്രമേയം പാസാക്കിയതിനെ തുടർന്ന്​ കേസ്​ ഡൽഹിയിലേക്ക്​ മാറ്റാൻ തോമസ്​ സുപ്രീംകോടതിയിൽ നൽകിയ അപേക്ഷയിലാണ്​ ഉത്തരവ്​. 

ഏത്​ കുറ്റകൃത്യം ചെയ്​ത പ്രതിക്കും സ്വന്തം ഇഷ്​ടപ്രകാരം അഭിഭാഷകനെ വെക്കാനുള്ള അവകാശമുണ്ടെന്ന്​ ചീഫ്​ ജസ്​റ്റിസ്​ ദീപക്​ മിശ്ര അധ്യക്ഷനായ ബെഞ്ച്​ ഒാർമിപ്പിച്ചു. നീതിയുമായി ബന്ധപ്പെട്ട അടിസ്​ഥാന ആശയങ്ങളൊന്നും ഇത്തരത്തിൽ ഏതെങ്കിലും പ്രമേയം പാസാക്കുന്നതിന്​ അനുമതി നൽകുന്നില്ല. കുട്ടികൾക്കെതിരായ ലൈംഗിക കുറ്റകൃത്യങ്ങളിലും അജ്​മൽ കസബിനെ പോലുള്ളവർക്കെതിരായ തീവ്രവാദ കേസ​ുകളിലും സമാനമായ സംഭവങ്ങളുണ്ടായിട്ടുണ്ട്​.