ബസവരാജ്​ ബൊമ്മൈ: കോൺഗ്രസിൻെറ പടിവാതിലിൽനിന്ന്​ ബി.ജെ.പിയിൽ ചേക്കേറിയ ജനതാദൾ നേതാവ്​

ബംഗളൂരു: സോഷ്യലിസ്​റ്റ്​ നേതാവായിരുന്ന ബസവരാജ്​ ബൊമ്മൈ മുമ്പ്​ ജെ.ഡി-യു വി​െട്ടത്തിയത്​ കോൺഗ്രസി​െൻറ പടിവാതിലിൽ. തെരഞ്ഞെടുപ്പിൽ മത്സരിക്കാനുള്ള അവസരം നിഷേധിച്ചതോടെയാണ്​ ബി.ജെ.പിയിൽ ചേക്കേറിയത്​. പിന്നീട്​ ബി.എസ്​. യെദിയൂരപ്പയുടെ അനുയായി മാറിയ അദ്ദേഹം ബി.ജെ.പി നേതാക്കളിൽ മൃദുസമീപനവും പുരോഗമന മുഖവുമുള്ള നേതാവെന്ന പേരെടുത്തു. ബി.ജെ.പിയിൽ ചേർന്ന്​ 13 വർഷത്തിന്​ ശേഷം കർണാടകയുടെ മുഖ്യമന്ത്രിയാവു​കയും ചെയ്​തു.

ജനതാപരിവാർ നേതാവായ പിതാവ്​ എസ്​.ആർ. ബൊമ്മൈ മുഖ്യമന്ത്രിയായിരുന്നപ്പോഴും 33 ാം വയസ്സുവരെ രാഷ്​ട്രീയത്തിൽ നിന്നു വിട്ടുനിൽക്കുകയായിരുന്നു ബസവരാജ്​ ബൊമ്മൈ. 1993ൽ യൂത്ത്​​ ജനതാദളി​െൻറ വൻ റാലി കർണാടകയിൽ സംഘടിപ്പിച്ചാണ്​ ബസവരാജ്​ രാഷ്​ട്രീയ അരങ്ങേറ്റം നടത്തുന്നത്​. പിന്നീട്​ ജനതാദൾ ജനറൽ ​െസക്രട്ടറിയായ അദ്ദേഹം, 1997 ൽ മുൻ മുഖ്യമന്ത്രി ജെ.എച്ച്​. പ​േട്ടലി​െൻറ പൊളിറ്റിക്കൽ സെക്രട്ടറിയായി. അക്കാലത്ത്​ എച്ച്​.ഡി. ദേവഗൗഡ, സിദ്ധരാമയ്യ അടക്കമുള്ള മുതിർന്ന നേതാക്കൾക്കൊപ്പം പ്രവർത്തിച്ച പരിചയവും അദ്ദേഹത്തിനുണ്ട്​. ജനതാദൾ പിളർന്നതോടെ ജനതാദൾ യുനൈറ്റഡിൽ​ ചേർന്നു​.

2008 ലെ നിയമസഭ തെരഞ്ഞെടുപ്പിന്​ മുമ്പ്​ ജെ.ഡി^യു വിടു​േമ്പാൾ കോൺഗ്രസായിരുന്നു പ്രഥമ ലക്ഷ്യം. ധാർവാഡ്​ റൂറലിൽനിന്ന്​ മത്സരിക്കാൻ ആഗ്രഹിച്ച ബൊമ്മൈ ടിക്കറ്റിനായി കോൺഗ്രസിനെ സമീപിച്ചു. ഡൽഹിയിൽ ഒാസ്​കാർ ഫെർണാണ്ടസ്​ അടക്കമുള്ള നേതാക്കളുമായി കൂടിക്കാഴ്​ച നടത്തിയെങ്കിലും ഫലമുണ്ടായില്ല. അന്ന്​ കർണാടക കോൺഗ്രസ്​ അധ്യക്ഷനായിരുന്ന മല്ലികാർജുന ഖാർഗെ തടസ്സം നിന്നു.

എന്നാൽ, ഹാ​േവരിയിലെ ഷിഗ്ഗോണിൽനിന്ന്​ മത്സരിക്കാൻ സീറ്റ്​ നൽകി ബി.എസ്​. യെദിയൂരപ്പ ബി.ജെ.പിക്കൊപ്പം കൂട്ടി. യെദിയൂരപ്പയുടെ വിശ്വസ്​തനായിരുന്നെങ്കിലും 2012ൽ യെദിയൂരപ്പ ബി.ജെ.പി വിട്ട്​ കർണാടക ജനത പക്ഷ (കെ.ജെ.പി) രൂപവത്​കരിച്ചപ്പോൾ ബൊമ്മൈ പാർട്ടി വിട്ടില്ല. 2013ലെ തെര​െഞ്ഞടുപ്പ്​ തോൽവിക്കുപിന്നാലെ യെദിയൂരപ്പയെ തിരിച്ചെത്തിക്കാൻ ബി.ജെ.പി നടത്തിയ നീക്കങ്ങൾക്ക്​ നേതൃത്വം നൽകിയ അദ്ദേഹം തിരിച്ചെത്തിയ യെദിയൂരപ്പയുടെ വലംകൈയായി തുടർന്നു. ഉമാഭാരതിയുടെ നേതൃത്വത്തിൽ നടന്ന 1994ലെ ഹുബ്ബള്ളി ഇൗദ്​ഗാഹ്​ ​ൈമതാൻ കലാപത്തി​െൻറ മുറിവുണക്കാൻ പരിശ്രമിച്ച പഴയ ജനതാപരിവാർ നേതാവ്​ കുറ്റാരോപിതരുടെ പാളയത്തിലെ നായകനായി മുഖ്യമന്ത്രി പദത്തിലൂടെ മാറുന്നതും ചരി​ത്രത്തി​െൻറ വൈരുധ്യം.