ബസവരാജ്​ ബൊമ്മൈയുടെ മുഖ്യമന്ത്രി പദവി: ബി.ജെ.പി ലക്ഷ്യം ലിംഗായത്തുകളെ അനുനയിപ്പിക്കൽ

ബംഗളൂരു: ലിംഗായത്ത്​ നേതാവായ ബി.എസ്​. യെദിയൂരപ്പയെ മുഖ്യമന്ത്രി സ്​ഥാനത്തുനിന്ന്​ പടിയിറക്കിയ നടപടിയിൽലിംഗായത്തുകൾക്കിടയിൽ രൂപപ്പെട്ട പ്രതിഷേധത്തെ തണുപ്പിക്കുകയാണ്​ ബസവരാജ്​ ബൊമ്മൈയെ മുഖ്യമന്ത്രിയാക്കിയതിലൂടെ ബി.ജെ.പി ലക്ഷ്യമിടുന്നത്​. ലിംഗായത്ത്​ നേതാവ്​ തന്നെ മുഖ്യമന്ത്രിസ്​ഥാനത്ത്​ വേണമെന്ന ആവശ്യം മഠാധിപതികൾ ഉയർത്തിയിരുന്നു.ഇൗ ആവശ്യം അംഗീകരിച്ചതോടെ പ്രതിഷേധങ്ങൾ തൽക്കാലം നിലക്കുമെന്നാണ്​ ബി.ജെ.പി നേതൃത്വത്തി​െൻറ പ്രതീക്ഷ.

യെദിയൂരപ്പയുടെ രാജിയോടെ സമുദായം വേദനിപ്പിക്കപ്പെ​െട്ടന്നും ബി.ജെ.പി നേതൃത്വത്തി​െൻറ നടപടി ഒരു വെല്ലുവിളിയായിഏറ്റെടുക്കുന്നെന്നുമാണ്​ മഠാധിപതികൾ കഴിഞ്ഞദിവസം പ്രതികരിച്ചത്​. പ്രായമാണ്​ യെദിയൂരപ്പക്ക്​ തടസ്സമായി പറയുന്നതെങ്കിൽ 2018ലെ നിയമസഭ തെരഞ്ഞെടുപ്പിൽ 75 കഴിഞ്ഞ അദ്ദേഹത്തെ മുഖ്യമന്ത്രി സ്​ഥാനാർഥിയായി പ്രഖ്യാപിച്ചതെന്തിനാ​െണന്ന്​ പ്രതിഷേധത്തിന്​ നേതൃത്വം നൽകിയ ബാലെഹൊസൂർ മഠാധിപതി ദിംഗലേശ്വര സ്വാമി ചോദിച്ചു.

ബി.ജെ.പി നടപടിക്കെതി​രെ 2023ലെ നിയമസഭ തെരഞ്ഞെടുപ്പിലും 2024ലെ ലോക്​സഭ തെരഞ്ഞെടുപ്പിലും പ്രതിഷേധം പ്രതിഫലിക്കണമെന്ന ആഹ്വാനവുമായി സാമൂഹികമാധ്യമങ്ങളിലടക്കം ലിംഗായത്ത്​ അണികൾ രംഗത്തെത്തിയിരുന്നു​. പ്രതിഷേധം മറ്റു തലങ്ങളിലേക്ക്​ നീങ്ങുന്നതിന്​ മുമ്പ്​ ലിംഗായത്തുകളിലെ സദർ വിഭാഗത്തിൽപെട്ട ബസവരാജ്​ ബൊമ്മൈയെ മുഖ്യമന്ത്രിയാക്കി അവരോധിക്കുകയായിരുന്നു.

യെദിയൂരപ്പയുടെ വിശ്വസ്​തനായ അനുയായിയാണ്​ ബൊമ്മൈ. ലിംഗായത്ത്​ മുഖ്യമന്ത്രിയായ വീരേന്ദ്ര പാട്ടീലിനെ മുൻ പ്രധാനമന്ത്രി രാജീവ്​ഗാന്ധി ഇടപെട്ട്​ മാറ്റിയത്​ കോൺഗ്രസിന്​ വൻ തിരിച്ചടിയായ മുൻ അനുഭവം കർണാടക രാഷ്​ട്രീയത്തിലുണ്ട്​. 1989ലെ നിയമസഭ തെരഞ്ഞെടുപ്പിൽ വീരേന്ദ്രപാട്ടീലിനെ മുൻനിർത്തി പ്രചാരണം നടത്തിയ കോൺഗ്രസ്​ 175 സീറ്റ്​ നേടി അധികാരത്തിലെത്തിയിരുന്നു.

1990ൽ ആരോഗ്യകാരണങ്ങൾ പറഞ്ഞ്​ വീരേന്ദ്രപാട്ടീലിനെ രാജീവ്​ ഗാന്ധി മാറ്റിയതോടെ ലിംഗായത്തുകൾ ഇടഞ്ഞു. 1994ലെ തെരഞ്ഞെടുപ്പിൽ കോൺഗ്രസ്​ 34 സീറ്റിലൊതുങ്ങി. ലിംഗായത്ത്​ വോട്ട്​ ജനതാപാർട്ടിയിലേക്കും പിന്നീട്​ ബി.ജെ.പിയിലേക്കും മാറി.കർണാടകയിൽ ബി.ജെ.പിയുടെ ഗതി നിർണയിച്ച സംഭവം കൂടിയായിരുന്നു അത്​.

കർണാടകയിൽ 500 ഒാളം മഠങ്ങളുള്ള ലിംഗായത്ത്​ സമുദായത്തിന്​ കീഴിൽ നൂറുകണക്കിന്​ വിദ്യാഭ്യാസ സ്​ഥാപനങ്ങളാണുള്ളത്​.സംസ്​ഥാനത്തെ ജനസംഖ്യയിൽ 17 ശതമാനം വരുന്ന ഇൗ സമുദായം രാഷ്​ട്രീയ വിധി തീരുമാനിക്കുന്നതിൽ നിർണായകമാണ്​. 2013ലെ നിയമസഭ തെര​െഞ്ഞടുപ്പിൽ ബി.ജെ.പി ഇതനുഭവിച്ചതുമാണ്​. യെദിയൂരപ്പ കർണാടക ജനത പക്ഷ (കെ.ജെ.പി) രൂപവത്​കരിച്ച്​ ബി.ജെ.പിക്കെതിരെ തെരഞ്ഞെടുപ്പിൽ മത്സരിച്ചപ്പോൾ ക്ഷീണം ബി.ജെ.പിക്കായിരുന്നു. 2008ൽ 110 സീറ്റ്​ നേടിയ ബി.ജെ.പി 2013ൽ 40 സീറ്റിലൊതുങ്ങി. ലിംഗായത്ത്​ നേതാക്കളടക്കം സമ്മർദം ചെലുത്തിയാണ്​ 2014ൽ യെദിയൂരപ്പയെ ബി.ജെ.പിയിൽ തിരിച്ചെത്തിച്ചത്​.

ലിംഗായത്തിനെ പ്രത്യേക മതമായി അംഗീകരിക്കണമെന്നാവശ്യപ്പെട്ട്​ 2017ൽ മഠാധിപതികൾ പ്രക്ഷോഭവുമായി തെരുവിലിറങ്ങിയിരുന്നു. സിദ്ധരാമയ്യയുടെ നേതൃത്വത്തിലുള്ള അന്നത്തെ കോൺഗ്രസ്​ സർക്കാർ നിർദേശം മോദി സർക്കാറിന്​ സമർപ്പിച്ചെങ്കിലും കേന്ദ്രം അനുമതി നൽകിയില്ല. ഇൗ പ്രതിഷേധം തണുപ്പിക്കാൻ കഴിഞ്ഞവർഷം വീരശൈവ ലിംഗായത്ത്​ വികസന കോർപറേഷൻ രൂപവത്​കരിച്ച യെദിയൂരപ്പ 500 കോടിയാണ്​ പ്രവർത്തനത്തിനായി അനുവദിച്ചത്​. ബിദറിലെ ബസവ കല്യാണിൽ പുതിയ അനുഭവ മണ്​ഡപ നിർമിക്കാൻ 200 കോടിയും അനുവദിച്ചു. മറ്റൊരു ലിംഗായത്ത്​ നേതാവിനെ മുഖ്യമന്ത്രിയാക്കിയാലും യെദിയൂരപ്പയോളം വരില്ലെന്ന്​ മഠാധിപതികൾ ചൂണ്ടിക്കാട്ടുന്നു.