പി.ബി. സലീമിന് ബംഗാൾ മുഖ്യമന്ത്രിയുടെ മെഡൽ

മൂവാറ്റുപുഴ: മികച്ച പൊതുസേവനത്തിനുള്ള പശ്ചിമബംഗാൾ മുഖ്യമന്ത്രിയുടെ മെഡൽ മൂവാറ്റുപുഴ സ്വദേശിയായ ഐ.എ.എസ് ഉദ്യോഗസ്ഥൻ ഡോ. പി.ബി. സലീമിന്. മുഖ്യമന്ത്രി മമത ബാനർജിയുടെ ഓഫിസിലെ പ്ലാനിങ് ആൻഡ് മോണിറ്ററിങ് സെക്രട്ടറിയും ബംഗാൾ ഊർജവികസന കോർപറേഷൻ ലിമിറ്റഡ് സി.എം.ഡിയുമാണ് സലീം.

സ്വാതന്ത്ര്യദിനാഘോഷ പരിപാടിയിൽ മുഖ്യമന്ത്രി മെഡൽ നൽകി. ബംഗാൾ കേഡർ ഐ.എ.എസ് ഓഫിസറായ സലീം നേരത്തേ കോഴിക്കോട്, കണ്ണൂർ ജില്ലകളിലെ കലക്ടറായി പ്രവർത്തിച്ചിട്ടുണ്ട്.