ബംഗാളി നടി മോഷണത്തിന് പിടിയിൽ

കൊൽക്കത്ത: പ്രശസ്ത ബംഗാളി നടിയും ടെലിവിഷൻ താരവുമായ രൂപ ദത്ത മോഷണത്തിന് പിടിയിൽ. കൊൽക്കത്ത പുസ്തകോത്സവ വേദിയിലാണ് സംഭവം. ചവറ്റുകുട്ടയിലേക്ക് രൂപ ദത്ത ഒരു പഴ്സ് എറിയുന്നത് കണ്ടാണ് പൊലീസ് ഇവരെ ചോദ്യം ചെയ്തത്. സംശയാസ്പദ മറുപടികളെ തുടർന്ന് നടത്തിയ പരിശോധനയിൽ ഇവരിൽ നിന്ന് 75,000 രൂപയും നിരവധി പഴ്സുകളും കണ്ടെത്തി.

നടിയെ അറസ്റ്റ് ചെയ്ത പൊലീസ് കുറ്റകൃത്യത്തിൽ കൂടുതൽ പേർക്ക് പങ്കുണ്ടോ എന്ന് അന്വേഷണം ആരംഭിച്ചിട്ടുണ്ട്. സംവിധായകൻ അനുരാഗ് കശ്യപിനെതിരെ വ്യാജ പീഡന ആരോപണം ഉന്നയിച്ച്​ നേരത്തെ രൂപ ദത്ത വാർത്തകളിൽ നിറഞ്ഞിരുന്നു.