ബംഗളൂരുവിൽ ലോറിയിൽ ആംബുലൻസ് ഇടിച്ച് നാലു മരണം

ബംഗളൂരു: പാർക്ക് ചെയ്തിരുന്ന ലോറിയിൽ ആംബുലൻസ് ഇടിച്ച് നാലു പേർ മരിച്ചു. ഒരാൾ പരിക്കേറ്റു. ബംഗളൂരു ഹൊസൂർ റോഡിലാണ് അപകടം നടന്നത്.

തൃച്ചിയിൽ നിന്ന് വന്ന ആംബുലൻസിലെ യാത്രക്കാരാണ് മരിച്ചത്. പരിക്കേറ്റ ഡ്രൈവർ ആശുപത്രിയിൽ ചികിത്സയിലാണ്.

ശനിയാഴ്ച ഹൂബ്ലി ദേശീയപാത 63ൽ ഉണ്ടായ വാഹനാപകടത്തിൽ മുംബൈയിൽ നിന്നുള്ള ആറു വിനോദ സഞ്ചാരികൾ മരണപ്പെട്ടിരുന്നു. 10 പേർക്ക് ഗുരുതര പരിക്കേറ്റിരുന്നു.