ബൈക്ക്​ അപകടത്തിൽ നിന്ന് തലനാരിഴക്ക്​​ കുഞ്ഞി​െൻറ രക്ഷപ്പെടൽ​-VIDEO

ബംഗളൂരു: തിരക്കേറിയ റോഡിലൂടെ കുടുംബം സഞ്ചരിച്ചുകൊണ്ടിരുന്ന ഇരുചക്രവാഹനാപകടത്തിൽ നിന്ന്​ കുഞ്ഞി​​​െൻറ അൽഭുതകരമായ രക്ഷപ്പെടൽ. നെലമംഗലത്തു നിന്ന്​ ബംഗളൂരുവിലേക്ക്​ പോവുകയായിരുന്ന മൂന്നംഗ കുടുംബം സഞ്ചരിച്ച ഇരുചക്ര വാഹനമാണ്​ അപകടത്തിൽ പെട്ടത്​. ഞായറാഴ്​ച വൈകുന്നേരം 3.30നായിരുന്നു​​ അപകടം​. 

കുടുംബം സഞ്ചരിച്ച ബൈക്ക്​ മ​െറ്റാരു ബൈക്കി​​​െൻറ പിന്നിൽ ഇടിച്ച് മാതാപിതാക്കൾ റോഡിൽ തെറിച്ചു വീണു. കുഞ്ഞുമായി 500 മീറ്ററോളം മുന്നോട്ടു കുതിച്ച ബൈക്ക്​ മറിഞ്ഞെങ്കിലും തലനാരിഴക്ക് അപകടം ഒഴിവാവുകയായിരുന്നു​​. 

ചെറിയ കുഞ്ഞിനെ ബൈക്കിനു മുമ്പിലും ഭാര്യയെ പിന്നിലുമിരുത്തി ഗൃഹനാഥൻ ഒാടിച്ച ബൈക്ക്​ മറ്റൊരു ബൈക്കിനെ മറികടക്കുന്നതിനിടെ അതിനു പിന്നിൽ ഇടിക്കുകയായിര​ുന്നു. ഇതോടെ ബൈക്കിനു പിന്നിലിരുന്ന സ്​ത്രീയും ബൈക്ക്​ ഒാടിച്ചു കൊണ്ടിരുന്നയാളും റോഡിലേക്ക്​ തെറിച്ചു വീണു. എന്നാൽ മുമ്പിലിരുത്തിയ കുഞ്ഞുമായി ബൈക്ക്​ മുന്നോട്ടു കുതിച്ചു. 

വാഹന തിരക്കേറിയ റോഡിലൂടെ അര കിലോമീറ്ററോളം മുന്നോട്ടു പോയ ബൈക്ക്​ ഒാടിക്കൊണ്ടിരിക്കുന്ന മറ്റ്​ വാഹനങ്ങൾക്ക്​ ഇടയിലൂടെ ​അൽഭുതകരമായി റോഡിനു വലതു ഭാഗത്തേക്ക്​ ഒഴിഞ്ഞു മാറി. വലിയ ചരക്കുലോറിയിൽ ഇടിക്കാതെ റോഡിനു വലതു ഭാഗത്ത്​ പുല്ലു നിറഞ്ഞ ഭാഗത്തേക്ക്​ വീഴുകയായിരുന്നു. 

അപകടം നടക്കുമ്പോൾ ഇവർ സഞ്ചരിച്ച ബൈക്കിനു പിന്നിലായി വന്ന കാറി​​​െൻറ ഡാഷ്​ ബോർഡി​​​െൻറ കാമറയിൽ അപകട ദൃശ്യങ്ങൾ പതിഞ്ഞു. ഇൗ ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുന്നുണ്ട്​.