ബംഗളൂരു ഓർഫനേജ് വിവാദം: ദേശീയ ബാലാവകാശ സംരക്ഷണ കമീഷൻ ചെയർമാനെതിരെ കേസ്

ബം​ഗ​ളൂ​രു: ബം​ഗ​ളൂ​രു​വി​ലെ അ​നാ​ഥാ​ല​യ​വു​മാ​യി ബ​ന്ധ​പ്പെ​ട്ട വി​വാ​ദ​ത്തി​ൽ ദേ​ശീ​യ ബാ​ലാ​വ​കാ​ശ സം​ര​ക്ഷ​ണ ക​മീ​ഷ​ൻ ചെ​യ​ർ​മാ​ൻ പ്രി​യ​ങ്ക് കാ​നൂം​ഗോ​ക്കെ​തി​രെ കേ​സെ​ടു​ത്തു. അ​നാ​ഥാ​ല​യ​ത്തി​ൽ അ​തി​ക്ര​മി​ച്ചു ക​യ​റു​ക​യും വി​ഡി​യോ പ​ക​ർ​ത്തി സ​മൂ​ഹ മാ​ധ്യ​മ​ത്തി​ൽ അ​പ​വാ​ദ​പ്ര​ചാ​ര​ണം ന​ട​ത്തു​ക​യും ചെ​യ്തെ​ന്ന ഓ​ർ​ഫ​നേ​ജ് അ​ധി​കൃ​ത​രു​ടെ പ​രാ​തി​യി​ൽ ഡി.​ജെ ഹ​ള്ളി പൊ​ലീ​സാ​ണ് കേ​സ് ര​ജി​സ്റ്റ​ർ ചെ​യ്ത​ത്. അ​നാ​ഥാ​ല​യ​ത്തി​ലെ കു​ട്ടി​ക​ൾ ‘മ​ധ്യ​കാ​ല താ​ലി​ബാ​ൻ ജീ​വി​തം’ ആ​ണ് ന​യി​ക്കു​ന്ന​തെ​ന്ന് പ്രി​യ​ങ്ക് കാ​നൂം​ഗോ ‘എ​ക്സി’​ൽ വി​ഡി​യോ പ​ങ്കു​വെ​ച്ച് ആ​രോ​പ​ണം ഉ​ന്ന​യി​ച്ചി​രു​ന്നു.

കാ​വ​ൽ ബൈ​ര​സാ​ന്ദ്ര​യി​ൽ ദാ​റു​ൽ ഉ​ലൂം സ​ഈ​ദി​യ്യ ട്ര​സ്റ്റി​ന് കീ​ഴി​ൽ പ്ര​വ​ർ​ത്തി​ക്കു​ന്ന ദാ​റു​ൽ ഉ​ലൂം സ​ഈ​ദി​യ്യ യ​തീം​ഖാ​ന​യു​മാ​യി ബ​ന്ധ​പ്പെ​ട്ടാ​ണ് വി​വാ​ദം. പ്രി​യ​ങ്ക് കാ​നൂം​ഗോ അ​ട​ങ്ങു​ന്ന സം​ഘം ക​ഴി​ഞ്ഞ ന​വം​ബ​ർ 19ന് ​ബം​ഗ​ളൂ​രു ഈ​സ്റ്റ് ജി​ല്ല ബാ​ല സം​ര​ക്ഷ​ണ ഓ​ഫി​സ​ർ​ക്കൊ​പ്പം അ​നാ​ഥാ​ല​യ​ത്തി​ൽ മി​ന്ന​ൽ സ​ന്ദ​ർ​ശ​നം ന​ട​ത്തി​യി​രു​ന്നു. സ​ന്ദ​ർ​ശ​ന​ത്തി​നി​ടെ സ്ഥാ​പ​ന​ത്തി​ലെ ദൃ​ശ്യ​ങ്ങ​ൾ വി​ഡി​യോ​യി​ൽ പ​ക​ർ​ത്തി ഗു​രു​ത​ര ആ​രോ​പ​ണ​ങ്ങ​ൾ സ​ഹി​തം ‘എ​ക്സി’​ൽ പ​ങ്കു​വെ​ക്കു​ക​യാ​യി​രു​ന്നു.

ദേ​ശീ​യ മ​നു​ഷ്യാ​വ​കാ​ശ ക​മീ​ഷ​ൻ അം​ഗ​ങ്ങ​ളാ​ണെ​ന്ന് പ​റ​ഞ്ഞാ​ണ് സം​ഘം അ​നാ​ഥാ​ല​യ​ത്തി​ൽ അ​തി​ക്ര​മി​ച്ച് ക​ട​ന്ന​തെ​ന്നും അ​വി​ട​ത്തെ വി​ദ്യാ​ർ​ഥി​ക​ളു​ടെ ജീ​വി​ത​ത്തെ താ​ലി​ബാ​നു​മാ​യി താ​ര​ത​മ്യ​പ്പെ​ടു​ത്തി അ​പ​വാ​ദം പ്ര​ച​രി​പ്പി​ച്ചെ​ന്നും യ​തീം​ഖാ​ന സെ​ക്ര​ട്ട​റി അ​ഷ്റ​ഫ് ഖാ​ൻ പ​രാ​തി​യി​ൽ ചൂ​ണ്ടി​ക്കാ​ട്ടി. പ​രാ​തി​യു​ടെ അ​ടി​സ്ഥാ​ന​ത്തി​ൽ ന​വം​ബ​ർ 21നാ​ണ് ​പ്രി​യ​ങ്കി​നെ​തി​രെ കേ​സെ​ടു​ത്ത​ത്. ഇ​ന്ത്യ​ൻ ശി​ക്ഷ നി​യ​മ​ത്തി​ലെ 34 (സം​ഘം​ചേ​ർ​ന്നു​ള്ള പ്ര​വൃ​ത്തി), 447 (കു​റ്റ​ക​ര​മാ​യ കൈ​യേ​റ്റം), 448 (വീ​ട്ടി​ൽ അ​തി​ക്ര​മി​ച്ചു ക​യ​റ​ൽ), 295 എ (​മ​ത​ത്തെ​യോ മ​ത​വി​ശ്വാ​സ​​ത്തെ​യോ അ​പ​മാ​നി​ക്കു​ന്ന​തി​ലൂ​ടെ മ​ത​വി​കാ​ര​ത്തെ വ്ര​ണ​പ്പെ​ടു​ത്ത​ണ​മെ​ന്ന ഉ​ദ്ദേ​ശ്യ​ത്തോ​ടെ പ്ര​വ​ർ​ത്തി​ക്ക​ൽ) തു​ട​ങ്ങി​യ വ​കു​പ്പു​ക​ൾ ചു​മ​ത്തി​യാ​ണ് കേ​സെ​ടു​ത്ത​തെ​ന്ന് മു​തി​ർ​ന്ന പൊ​ലീ​സ് ഉ​ദ്യോ​ഗ​സ്ഥ​ൻ അ​റി​യി​ച്ചു.

എ​ന്നാ​ൽ, ക​ർ​ണാ​ട​ക സ​ർ​ക്കാ​ർ ഉ​ദ്യോ​ഗ​സ്ഥ​ർ​ക്കൊ​പ്പ​മാ​ണ് താ​ൻ അ​നാ​ഥാ​ല​യം സ​ന്ദ​ർ​ശി​ച്ച​തെ​ന്നും എ​ന്നി​ട്ടും ത​നി​ക്കെ​തി​രെ കൈ​യേ​റ്റ​ത്തി​ന് കേ​​സെ​ടു​ത്ത​താ​യും പ്രി​യ​ങ്ക് കാ​നൂം​ഗോ പ്ര​തി​ക​രി​ച്ചു. ആ​രെ​ങ്കി​ലും കു​ട്ടി​ക​ളെ നി​യ​മ​വി​രു​ദ്ധ​മാ​യി താ​മ​സി​പ്പി​ച്ചി​ട്ടു​ണ്ടെ​ങ്കി​ൽ ഇ​നി​യും പ​രി​ശോ​ധ​ന ന​ട​ത്തു​മെ​ന്നും അ​ദ്ദേ​ഹം വ്യ​ക്ത​മാ​ക്കി. അ​നാ​ഥാ​ല​യ അ​ധി​കൃ​ത​ർ​ക്കെ​തി​രെ കേ​സ് ര​ജി​സ്റ്റ​ർ ചെ​യ്യ​ണ​മെ​ന്ന് പ്രി​യ​ങ്ക് ക​ർ​ണാ​ട​ക ചീ​ഫ് സെ​ക്ര​ട്ട​റി​യോ​ട് ക​ത്തി​ൽ ആ​വ​ശ്യ​പ്പെ​ട്ടി​രു​ന്നു. 2015ലെ ​ജു​വ​നൈ​ൽ ജ​സ്റ്റി​സ് ആ​ക്ട് പ്ര​കാ​രം അ​നാ​ഥാ​ല​യം ര​ജി​സ്റ്റ​ർ ചെ​യ്തി​ട്ടി​ല്ലെ​ന്നും നി​യ​മ​പ്ര​കാ​ര​മു​ള്ള അ​ടി​സ്ഥാ​ന സൗ​ക​ര്യ​ങ്ങ​ൾ കു​ട്ടി​ക​ൾ​ക്കാ​യി ഒ​രു​ക്കി​യി​ട്ടി​ല്ലെ​ന്നും ആ​രോ​പി​ച്ചി​രു​ന്നു.

100 ച​തു​ര​ശ്ര അ​ടി വീ​ത​മു​ള്ള അ​ഞ്ച് മു​റി​ക​ളി​ലാ​യി എ​ട്ട് കു​ട്ടി​ക​ളെ വീ​തം താ​മ​സി​പ്പി​ച്ചി​രു​ന്ന​താ​യും 16 കു​ട്ടി​ക​ൾ​ക്കാ​യി ഇ​ട​നാ​ഴി​യി​ൽ ക​ട്ടി​ലു​ക​ൾ സ​ജ്ജീ​ക​രി​ച്ചി​രു​ന്ന​താ​യും 150 വി​ദ്യാ​ർ​ഥി​ക​ൾ ര​ണ്ടു വ​ലി​യ ഹാ​ളു​ക​ളി​ലാ​യി ക​ഴി​ഞ്ഞി​രു​ന്ന​താ​യും അ​ദ്ദേ​ഹം ചൂ​ണ്ടി​ക്കാ​ട്ടി. കു​ട്ടി​ക​ളെ സ്കൂ​ളി​ലേ​ക്ക് അ​യ​ക്കാ​ത്ത​ത് മൗ​ലി​കാ​വ​കാ​ശ ലം​ഘ​ന​മാ​ണ്. ക​ളി​ക്കാ​നു​ള്ള ഉ​പ​ക​ര​ണ​ങ്ങ​ളോ വി​നോ​ദ​ത്തി​നാ​യി ടി.​വി അ​ട​ക്ക​മു​ള്ള സൗ​ക​ര്യ​ങ്ങ​ളോ ഏ​ർ​പ്പെ​ടു​ത്തി​യി​രു​ന്നി​ല്ല. 2015ലെ ​ജു​വ​നൈ​ൽ ജ​സ്റ്റി​സ് ആ​ക്ടി​ന്റെ 75ാം വ​കു​പ്പു പ്ര​കാ​ര​മു​ള്ള ലം​ഘ​ന​ങ്ങ​ളാ​ണ് അ​നാ​ഥാ​ല​യ​ത്തി​ൽ ക​ണ്ട​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി​യി​രു​ന്നു. ക​ത്ത് ല​ഭി​ച്ച് ഒ​രാ​ഴ്ച​ക്ക​കം വി​ഷ​യ​ത്തി​ൽ ന​ട​പ​ടി സ്വീ​ക​രി​ക്ക​ണ​മെ​ന്നാ​യി​രു​ന്നു ക​ർ​ണാ​ട​ക ചീ​ഫ് ​സെ​ക്ര​ട്ട​റി​യോ​ടു​ള്ള നി​ർ​ദേ​ശം.

തെ​റ്റാ​യ വി​വ​ര​ങ്ങ​ൾ പ്ര​ച​രി​പ്പി​ച്ച് മ​ത​വി​ദ്വേ​ഷം പ​ര​ത്താ​നാ​ണ് ദേ​ശീ​യ ബാ​ലാ​വ​കാ​ശ സം​ര​ക്ഷ​ണ ക​മീ​ഷ​ൻ ചെ​യ​ർ​മാ​ൻ ശ്ര​മി​ച്ച​തെ​ന്ന് അ​നാ​ഥാ​ല​യ അ​ധി​കൃ​ത​ർ ന​ൽ​കി​യ പ​രാ​തി​യി​ൽ കു​റ്റ​പ്പെ​ടു​ത്തി. മ​നു​ഷ്യാ​വ​കാ​ശ ക​മീ​ഷ​ൻ അം​ഗ​മാ​ണെ​ന്ന് പ​റ​ഞ്ഞ് വ​ന്ന അ​ദ്ദേ​ഹം അ​നാ​ഥാ​ല​യം മു​ഴു​വ​ൻ പ​രി​ശോ​ധി​ച്ചു. ഉ​ച്ച​ഭ​ക്ഷ​ണം ക​ഴി​ഞ്ഞ് കു​ട്ടി​ക​ൾ കി​ട​ന്നു​റ​ങ്ങു​ന്ന സ​മ​യ​മാ​യി​രു​ന്നു അ​ത്. സൗ​ക​ര്യ​ങ്ങ​ളി​ൽ സം​തൃ​പ്തി ​പ്ര​ക​ടി​പ്പി​ച്ച അ​ദ്ദേ​ഹം വി​ക​സ​ന​ത്തി​ന് ആ​വ​ശ്യ​മാ​യ ഫ​ണ്ട് അ​നു​വ​ദി​ക്കാ​മെ​ന്നും പ​റ​ഞ്ഞു.

കോ​വി​ഡ് കാ​ല​ത്ത് മാ​താ​പി​താ​ക്ക​ൾ ന​ഷ്ട​​പ്പെ​ട്ട 60 കു​ട്ടി​ക​ളെ ഈ ​അ​നാ​ഥാ​ല​യ​ത്തി​ൽ സം​ര​ക്ഷി​ക്കു​ന്ന​താ​യി ത​ങ്ങ​ൾ അ​ദ്ദേ​ഹ​ത്തെ അ​റി​യി​ച്ച​താ​യും അ​നാ​ഥാ​ല​യ സെ​ക്ര​ട്ട​റി അ​ഷ്റ​ഫ് ഖാ​ൻ പ​റ​ഞ്ഞു. പൊ​തു​ജ​ന​ങ്ങ​ളി​ൽ​നി​ന്നു​ള്ള ഫ​ണ്ട് ഉ​പ​യോ​ഗി​ച്ചാ​ണ് 200ഓ​ളം വി​ദ്യാ​ർ​ഥി​ക​ളെ സം​ര​ക്ഷി​ക്കു​ന്ന​തെ​ന്നും 1980 മു​ത​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​ത്തെ കു​റി​ച്ച് ഇ​തു​വ​രെ ഒ​രു പ​രാ​തി​യും ഉ​യ​ർ​ന്നി​ട്ടി​ല്ലെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.