കോവിഡ്​ -19; രാജ്യത്ത്​ ​47പേർ, പ്രതിരോധ പ്രവർത്തനങ്ങൾ ഊർജിതം

ന്യൂഡൽഹി: യു.എസ്​ സന്ദർശനം കഴിഞ്ഞ്​ മടങ്ങിയെത്തിയ ബംഗളൂരു സ്വദേശിക്കുകൂടി കോവിഡ്​ -19 സ്​ഥിരീകരി​ച്ചതോടെ രാ ജ്യത്ത്​ വൈറസ്​ ബാധിതരുടെ എണ്ണം 47 ആയി. ഡൽഹി, ഉത്തർപ്രദേശ്​, ജമ്മു, പഞ്ചാബ് എന്നിവിടങ്ങളിൽ ഓരോരുത്തർക്കും പൂണെയ ിൽ രണ്ടുപേർക്കുമാണ്​ ​ൈവറസ്​ ബാധ പുതുതായി സ്​ഥിരീകരിച്ചത്. ദുബൈയിൽ നിന്നെത്തിയ സ്​ത്രീയും പുരുഷനുമാണ്​ പൂനെ യിൽ ​ചികിത്സയിലുള്ളത്​.

കേന്ദ്ര ആരോഗ്യമന്ത്രി ഡോ. ഹർഷവർധൻെറ നേതൃത്വത്തിൽ ഡൽഹി മുഖ്യമന്ത്രി അരവിന്ദ്​ ക െജ്​രിവാൾ, ഗവർണർ അനിൽ ബൈജാൽ എന്നിവരുമായി സ്​ഥിതിഗതികൾ വിലയിരുത്തുന്നതിനായി യോഗം വിളിച്ചിരുന്നു. അതി​നിടെ ഇന്ത്യയടക്കം 14 രാജ്യങ്ങളിലെ ജനങ്ങൾക്ക്​ ഖത്തർ യാത്രാവിലക്ക്​ ഏർപ്പെടുത്തി. മാർച്ച്​ മൂന്നിന്​ ശേഷം ഇറ്റലി, ഇറാൻ, ദക്ഷിണകൊറിയ, ജപ്പാൻ എന്നീ രാജ്യങ്ങളിലെ പൗരന്മാർക്ക്​ നൽകിയ വിസ റദ്ദാക്കി.

കൊറോണ വൈറസ്​ പടർന്ന​ു പിടിക്കുന്ന പശ്ചാത്തലത്തിൽ മ്യാൻമർ, ബംഗ്ലാദേശ്​ എന്നീ രാജ്യങ്ങളുമായി ബന്ധിപ്പിക്കുന്ന മിസോറാം ബോർഡർ താൽകാലികമായി അടച്ചിട്ടു. മ്യാൻമറുമായി 510 കിലോമീറ്റും ബംഗ്ലാദേശുമായി 318 കിലോമീറ്ററുമാണ്​ മിസോറാം അതിർത്തി പങ്കിടുന്നത്​.

ജമ്മുകശ്​മീരിൽ രണ്ടുപേർക്കുപുറമെ കഴിഞ്ഞദിവസം 63കാരിക്കും വൈറസ്​ ബാധ സ്​ഥിരീകരിച്ചിരുന്നു. ഇവർ മൂന്നുപേരും സർക്കാർ മെഡിക്കൽ കോളജ്​ ആശുപത്രിയിൽ നിരീക്ഷണത്തിലാണ്​.

തമിഴ്​നാട്ടിൽ 45 കാരന്​ ശനിയാഴ്​ച കൊറോണ ​ൈവറസ്​ ബാധ കണ്ടെത്തി. ചെന്നൈയിൽ നടത്തിയ പരിശോധനയിൽ കൊറോണ ബാധ സംശയിച്ചതിനെ തുടർന്ന്​ പുണെ വൈറോളജി ഇൻസ്​റ്റിറ്റ്യൂട്ടിലേക്ക്​ സാമ്പിളുകൾ പരിശോധനക്ക്​ അയക്കുകയായിരുന്നു. രോഗം സ്​ഥിരീകരിച്ചതോടെ ഇയാ​ളെ ആശുപത്രിയിലെത്തിച്ചു.

അമൃത്​സറിലെത്തിയ ഇറ്റാലിയൻ പൗരനും നേരത്തേ വൈറസ്​ ബാധ സ്​ഥിരീകരിച്ചിരുന്നു. അമൃത്​സർ വിമാനത്താവളത്തിൽനിന്നും ഇയാ​െള ആശുപത്രിയിൽ പ്രവേശിപ്പിക്കുകയായിരുന്നു. രാജ്യത്ത്​ കോവിഡ്​ 19 രോഗപരിശോധനക്കായി 52 ലബോറട്ടറികൾ പ്രവർത്തനം ആരംഭിച്ചതായി കേന്ദ്രമന്ത്രി അറിയിച്ചു. കൂടാതെ 57 ലബോറട്ടറികൾ കൂടി ഉടൻ പ്രവർത്തനസജ്ജമാക്കും.

LATEST VIDEO