യുവാക്കൾ ഒാൺലൈൻ പ്രചാരണങ്ങളിൽ വീഴരുതെന്ന്​ അമിത്​ഷാ

ന്യൂഡൽഹി: ബി.ജെ.പിക്കെതിരായ ഒാൺലൈൻ പ്രചാരണങ്ങളിൽ വീണുപോകരുതെന്ന്​ യുവാക്കളോട്​ പാർട്ടി അധ്യക്ഷൻ അമിത്​ഷായുടെ ആഹ്വാനം.  ഗുജറാത്ത്​ സർക്കാറി​​െൻറവികസന അവകാശ വാദങ്ങൾക്കെിതിരെ സാമൂഹിക മാധ്യമങ്ങളിലെ കാമ്പയിൻ സംബന്ധിച്ച്​ രാഷ്​ട്രീയ യുദ്ധം അ​രങ്ങേറുന്നതിനിടെയാണ്​ അമിത്​ഷായുടെ മുന്നറിയിപ്പ്​. പദിതർ ക്വാട്ട പ്രക്ഷോഭകർ കോൺഗ്രസുമായി അടുത്തിരിക്കുന്നുവെന്നും അതിൽ ശ്രദ്ധപതിപ്പിക്കണ​െമന്നും അമിത്​ഷാ പറഞ്ഞു. അഹമ്മദാബാദിൽ സംഘടിപ്പിച്ച ചടങ്ങിൽ യുവാക്കളോട്​ സംസാരിക്കുകയായിരുന്നു അദ്ദേഹം.  

ഗുജറാത്തി​​െൻറ രാഷ്​ട്രീയ ചരിത്രം 1995ന്​ മുമ്പും ശേഷവും എന്ന്​ രണ്ടായി തിരിച്ചു​െകാണ്ട്​ അമിത്​ഷാ  വിവരിച്ചു. 1995ലാണ്​ ബി.ജെ.പി ആദ്യമായി ഗുജറാത്തിൽ അധികാരത്തിലെത്തിയത്​. കോൺഗ്രസ്​ ഭരണത്തിൽ നിരന്തരം നിരോധനാജ്​ഞകളായിരുന്നു. ബി.ജെ.പി അധികാരത്തിലെത്തിയതോടെയാണ്​ ഇതിന്​ അയവ്​ വന്നത്​. ഉൾഗ്രാമങ്ങളിൽ വൈദ്യുതിയും വിദ്യാഭ്യാസവും ഇല്ലാത്തതും അഴിമതിയും കോൺഗ്രസ്​ ഭരണത്തി​​െൻറ പ്രതിഫലമയിരുന്നു.  

ബി.ജെ.പി സർക്കാർ അധികാരത്തിലെത്തിയപ്പോഴാണ്​ വിദ്യാഭ്യാസം, റോഡുകൾ, തൊഴിൽ, ആദിവാസി വികസനം, ​ഉൗർ​േജ്ജാത്​പാദനം, അടിസ്​ഥാന സൗകര്യങ്ങൾ എന്നിവയിൽ വികസനം ഉണ്ടായതെന്നും അദ്ദേഹം പറഞ്ഞു. ഇതെല്ലാം ബി.ജെ.പി വെബ്​ സൈറ്റിൽ അപ്​ലോഡ്​ ചെയ്​തിട്ടുണ്ട്​. യുവാക്കൾ ഇവ പങ്കുവെക്കുകയാണ്​ വേണ്ടതെന്നും അ​ദ്ദേഹം കൂട്ടിച്ചേർത്തു. 
ബി.ജെ.പി വിരുദ്ധചേരികളുടെ സാമൂഹിക മാധ്യമ പ്രചരണങ്ങളിൽ യുവാക്കൾ വീഴരുത്​. പകരം മനസർപ്പിച്ച്​ ജോലി ചെയ്യുക. വാട്​സ്​ ആപ്പ്​ സന്ദേശങ്ങളിലൂടെ ​വഴിതെറ്റി പോകാതെ പ്രവർത്തിക്കണമെന്നും അദ്ദേഹം ഒാർമിപ്പിച്ചു.