വയനാട് ദുരന്തം: ഉറ്റവരെ നഷ്ടമായ വേദനയിൽ ബിഹാറിലെ ഭഗവാൻപൂർ ഗ്രാമം

കു​ന്ദ​മം​ഗ​ലം: ഒ​ട്ടേ​റെ പേ​രു​ടെ മ​ര​ണ​ത്തി​നും തി​രോ​ധാ​ന​ത്തി​നും കാ​ര​ണ​മാ​യ വ​യ​നാ​ട് മു​ണ്ട​ക്കൈ-​ചൂ​ര​ൽ​മ​ല ഉ​രു​ൾ​പൊ​ട്ട​ലി​ൽ ത​ങ്ങ​ളു​ടെ ഉ​റ്റ​വ​രെ ന​ഷ്ട​മാ​യ വേ​ദ​ന​യി​ൽ ബി​ഹാ​റി​ലെ വൈ​ശാ​ലി ജി​ല്ല​യി​ലെ ഭ​ഗ​വാ​ൻ​പൂ​ർ ഗ്രാ​മ​വും. മു​ണ്ട​ക്കൈ​യി​ലെ ഹാ​രി​സ​ൺ എ​സ്റ്റേ​റ്റി​ൽ ജോ​ലി​ചെ​യ്തി​രു​ന്ന ആ​റ് ഭ​ഗ​വാ​ൻ​പൂ​ർ സ്വ​ദേ​ശി​ക​ളാ​ണ് ദു​ര​ന്ത​ത്തി​ൽ അ​ക​പ്പെ​ട്ട​ത്. ഇ​തി​ൽ ഒ​രാ​ൾ​ക്ക് ജീ​വ​ൻ ന​ഷ്ട​മാ​വു​ക​യും ര​ണ്ടു​പേ​ർ പ​രി​ക്കു​ക​ളോ​ടെ ര​ക്ഷ​പ്പെ​ടു​ക​യും ചെ​യ്തു. മൂ​ന്നു​പേ​രെ ഇ​പ്പോ​ഴും ക​ണ്ടു​കി​ട്ടി​യി​ട്ടി​ല്ല. 45 വ​യ​സ്സു​കാ​രി ഫൂ​ൽ​കു​മാ​രി ദേ​വി​യു​ടെ മൃ​ത​ശ​രീ​ര​മാ​ണ് സം​ഭ​വ​സ്ഥ​ല​ത്തു​നി​ന്ന് ക​ണ്ടെ​ടു​ത്ത​ത്. ഉ​പേ​ന്ദ​ർ പാ​സ്വാ​ൻ, അ​രു​ൺ കു​മാ​ർ എ​ന്നി​വ​രാ​ണ് പ​രി​ക്കു​ക​ളോ​ടെ ര​ക്ഷ​പ്പെ​ട്ട് ഇ​പ്പോ​ൾ മേ​പ്പാ​ടി​യി​ലെ സ്വ​കാ​ര്യ മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലു​ള്ള​ത്. സാ​ദു പാ​സ്വാ​ൻ (47), ര​ഞ്ജി​ത് കു​മാ​ർ (22), ബി​ജി​ന​സ് പാ​സ്വാ​ൻ (40) എ​ന്നി​വ​രെ​യാ​ണ് ഇ​നി​യും ക​ണ്ടെ​ത്താ​നു​ള്ള​ത്.

മ​ര​ണ​പ്പെ​ട്ട ഫൂ​ൽ​കു​മാ​രി ദേ​വി​യു​ടെ മ​ക​ൻ രോ​സ​ൻ കു​മാ​ർ മു​ഖേ​ന​യാ​ണ് ദു​ര​ന്ത​വി​വ​രം ഗ്രാ​മ​വാ​സി​ക​ൾ അ​റി​യു​ന്ന​ത്. മ​രി​ച്ച അ​മ്മ​യു​ടെ അ​ന്ത്യ​ക​ർ​മ​ങ്ങ​ൾ​ക്കാ​യി സ്വ​ദേ​ശ​ത്തേ​ക്ക് മ​ട​ങ്ങാ​ൻ രോ​സ​ൻ കു​മാ​റി​ന് യാ​തൊ​രു നി​ർ​വാ​ഹ​വു​മി​ല്ലാ​യി​രു​ന്നു. ജീ​വി​താ​വ​സാ​നം സ്വ​ദേ​ശ​ത്തേ​ക്ക് മ​ട​ങ്ങ​ണ​മെ​ന്ന അ​മ്മ​യു​ടെ ആ​ഗ്ര​ഹം പൊ​ലി​ഞ്ഞെ​ങ്കി​ലും അ​ന്ത്യ​ക​ർ​മ​ങ്ങ​ളെ​ങ്കി​ലും നാ​ട്ടി​ലാ​ക്ക​ണ​മെ​ന്ന ചി​ന്ത​യി​ലാ​യി​രു​ന്നു അ​ദ്ദേ​ഹം.

എ​ന്നാ​ൽ കൈ​യി​ലു​ള്ള സ​മ്പാ​ദ്യ​വും വ​സ്തു​ക്ക​ളും ദു​ര​ന്ത​ത്തി​ൽ ന​ഷ്ട​പ്പെ​ട്ട​തോ​ടെ ഇ​തി​ന് സാ​ധി​ക്കു​മോ എ​ന്ന ആ​ശ​ങ്ക​യി​ലാ​യി​രു​ന്നു. ഈ ​സാ​ഹ​ച​ര്യം അ​റി​ഞ്ഞ ബി​ഹാ​റി​ലെ വൈ​ശാ​ലി എം.​എ​ൽ.​എ സി​ദ്ധാ​ർ​ത്ഥ് പ​ട്ടേ​ൽ ബി​ഹാ​ർ മ​ർ​ക​സി​ലെ സാ​ബി​ത്ത് നൂ​റാ​നി​യു​മാ​യി ബ​ന്ധ​പ്പെ​ട്ടു. വ​യ​നാ​ട് സ്വ​ദേ​ശി​യാ​യ സാ​ബി​ത്ത് നൂ​റാ​നി വി​ഷ​യം ദു​ര​ന്ത​മു​ഖ​ത്ത് സ​ജീ​വ​മാ​യ എ​സ്.​വൈ.​എ​സ് സാ​ന്ത്വ​നം പ്ര​വ​ർ​ത്ത​ക​രു​ടെ​യും മ​ർ​ക​സ് ഡ​യ​റ​ക്ട​ർ സി.​പി. ഉ​ബൈ​ദു​ല്ല സ​ഖാ​ഫി​യു​ടെ​യും ശ്ര​ദ്ധ​യി​ൽ​പെ​ടു​ത്തി. ഇ​തേ​തു​ട​ർ​ന്ന് സാ​ന്ത്വ​നം പ്ര​വ​ർ​ത്ത​ക​ർ രോ​സ​ൻ കു​മാ​റി​നെ ക​ണ്ടെ​ത്തി ചൂ​ര​ൽ​മ​ല​യി​ലെ സാ​ന്ത്വ​നം ക്യാ​മ്പ് ഓ​ഫി​സി​ൽ എ​ത്തി​ച്ചു. തു​ട​ർ​ന്നു ന​ട​ന്ന അ​ന്വേ​ഷ​ണ​ത്തി​ലാ​ണ് സ്വ​കാ​ര്യ മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലു​ള്ള ര​ണ്ടു​പേ​രെ ക​ണ്ടെ​ത്തു​ന്ന​ത്.

കാ​ണാ​താ​യ​വ​രു​ടെ വി​വ​ര​ങ്ങ​ളും ഫോ​ട്ടോ​യും ശേ​ഖ​രി​ച്ച സാ​ന്ത്വ​നം പ്ര​വ​ർ​ത്ത​ക​ർ അ​മ്മ​യു​ടെ അ​ന്ത്യ​ക​ർ​മ​ങ്ങ​ൾ​ക്കാ​യി ബി​ഹാ​റി​ലേ​ക്ക് മ​ട​ങ്ങാ​ൻ രോ​സ​ൻ കു​മാ​റി​ന് വി​മാ​ന ടി​ക്ക​റ്റും അ​ടി​യ​ന്ത​ര സ​ഹാ​യ​വും ന​ൽ​കി. നാ​ട്ടി​ലെ​ത്തി​യ രോ​സ​ൻ കു​മാ​റി​ൽ​നി​ന്ന് ദു​ര​ന്ത​ത്തി​ന്റെ ഭീ​ക​ര​ദൃ​ശ്യം അ​റി​ഞ്ഞ കാ​ണാ​താ​യ​വ​രു​ടെ ബ​ന്ധു​ക്ക​ൾ ത​ങ്ങ​ളു​ടെ പ്രി​യ​പ്പെ​ട്ട​വ​രു​ടെ മൃ​ത​ദേ​ഹ​മെ​ങ്കി​ലും അ​ന്ത്യ​ക​ർ​മ​ങ്ങ​ൾ​ക്കാ​യി ക​ണ്ടു​കി​ട്ടി​യെ​ങ്കി​ൽ എ​ന്ന പ്രാ​ർ​ഥ​ന​യി​ലാ​ണ്. കു​ടും​ബ​ങ്ങ​ളു​ടെ അ​ത്താ​ണി​യാ​യി​രു​ന്ന​വ​രു​ടെ വി​യോ​ഗ​ത്തി​ൽ ഉ​ള്ളു​ല​യു​ന്ന സ​ങ്ക​ട​ത്തി​ൽ ക​ഴി​യു​ന്ന ദ​രി​ദ്ര​രാ​യ ഗ്രാ​മ​വാ​സി​ക​ളു​ടെ വേ​ദ​ന​യും സ​ഹാ​യ​ത്തി​നാ​യു​ള്ള അ​ഭ്യ​ർ​ഥ​ന​യും ന​ന്മ​യു​ള്ള കേ​ര​ളം കേ​ൾ​ക്കു​മെ​ന്ന പ്ര​തീ​ക്ഷ​യി​ലാ​ണി​വ​ർ.