ഭാരത് ബന്ദ് ചിലയിടങ്ങളിൽ; ബിഹാറിൽ ലാത്തിച്ചാർജ്

ന്യൂ​ഡ​ൽ​ഹി: പ​ട്ടി​ക ജാ​തി പ​ട്ടി​ക വ​ർ​ഗ സം​വ​ര​ണ​ത്തി​ൽ ഉ​പ​സം​വ​ര​ണ​ത്തി​ന് സം​സ്ഥാ​ന​ങ്ങ​ള്‍ക്ക് തീ​രു​മാ​ന​മെ​ടു​ക്കാ​മെ​ന്ന സു​പ്രീം​കോ​ട​തി വി​ധി​ക്കെ​തി​രെ ദ​ലി​ത് സം​ഘ​ട​ന​ക​ൾ ആ​ഹ്വാ​നം ചെ​യ്ത ഭാ​ര​ത് ബ​ന്ദ് രാ​ജ്യ​ത്തി​ന്റെ ചി​ല ഭാ​ഗ​ങ്ങ​ളി​ൽ ജ​ന​ജീ​വി​ത​ത്തെ ബാ​ധി​ക്കു​ക​യും ബി​ഹാ​റി​ൽ ലാ​ത്തി​ച്ചാ​ർ​ജി​ൽ ക​ലാ​ശി​ക്കു​ക​യും ചെ​യ്തു. റി​സ​ർ​വേ​ഷ​ൻ ബ​ച്ചാ​വോ സം​ഘ​ര്‍ഷ് സ​മി​തി​യു​ടെ നേ​തൃ​ത്വ​ത്തി​ലാ​ണ് ബു​ധ​നാ​ഴ്ച ഭാ​ര​ത് ബ​ന്ദി​ന് ആ​ഹ്വാ​നം ചെ​യ്ത​ത്. ബി​ഹാ​റി​ലെ ലാ​ത്തി​ച്ചാ​ർ​ജി​​നെ​തി​രെ ഭീം ​ആ​ർ​മി നേ​താ​വും ലോ​ക്സ​ഭാ എം.​പി​യു​മാ​യ ച​ന്ദ്ര​ശേ​ഖ​ർ ആ​സാ​ദും അ​നു​യാ​യി​ക​ളും ജ​ന്ത​ർ മ​ന്ത​റി​ൽ പ്ര​തി​ഷേ​ധി​ച്ചു. ത​ങ്ങ​ളു​ടെ അ​വ​കാ​ശ​ങ്ങ​ളി​ൽ തൊ​ട്ടാ​ൽ നോ​ക്കി​യി​രി​ക്കി​ല്ലെ​ന്ന് സ​ർ​ക്കാ​റി​നെ​യും കോ​ട​തി​യെ​യും ഓ​ർ​മി​പ്പി​ക്കു​ന്ന​താ​ണ് ബു​ധ​നാ​ഴ്ച തെ​രു​വി​ൽ പ്ര​തി​ഷേ​ധി​ച്ചി​റ​ങ്ങി​യ ജ​ന​ക്കൂ​ട്ട​മെ​ന്ന് ച​ന്ദ്ര​ശേ​ഖ​ർ ആ​സാ​ദ് പ​റ​ഞ്ഞു. കാ​ലം ഏ​റെ മാ​റി​യെ​ന്ന് സ​ർ​ക്കാ​റും കോ​ട​തി​യും ഓ​ർ​ക്ക​ണ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ബി​ഹാ​റി​ൽ എ​ൻ.​ഡി.​എ ഘ​ട​ക​ക​ക്ഷി​യാ​യ ചി​രാ​ഗ് പാ​സ്വാ​ന്റെ ലോ​ക് ജ​ൻ​ശ​ക്തി പാ​ർ​ട്ടി (രാം ​വി​ലാ​സ്) പി​ന്തു​ണ​ച്ച ഭാ​ര​ത് ബ​ന്ദി​നെ ജ​ന​താ​ദ​ൾ യു ​ന​യി​ക്കു​ന്ന എ​ൻ.​ഡി.​എ സ​ർ​ക്കാ​ർ പൊ​ലീ​സി​നെ ഉ​പ​യോ​ഗി​ച്ച് നേ​രി​ട്ടു. പ​ട്ന​യി​ൽ ദേ​ശീ​യ​പാ​ത ത​ട​ഞ്ഞ പ്ര​തി​ഷേ​ധ​ക്കാ​ർ​ക്ക് നേ​രെ പൊ​ലീ​സ് ലാ​ത്തി​ച്ചാ​ർ​ജ് ന​ട​ത്തി. ധ​ർ​ഭം​ഗ​യി​ലും ബ​ക്സ​റി​ലും പ്ര​തി​ഷേ​ധ​ക്കാ​ർ ട്രെ​യി​ൻ ത​ട​ഞ്ഞു. രാ​ജ​സ്ഥാ​നി​ലെ ബി​ക്കാ​നീ​ർ ജി​ല്ല​യി​ൽ ഹ​ർ​ത്താ​ലി​ന് സ​മാ​ന​മാ​യ സാ​ഹ​ച​ര്യ​മു​ണ്ടാ​യി. ശ​ക്ത​മാ​യ പൊ​ലീ​സ് സ​ന്നാ​ഹം പ്ര​ദേ​ശ​ത്ത് ഒ​രു​ക്കി​യി​രു​ന്നു .