ഭാരത് ബയോടെകിന്‍റെ കുട്ടികൾക്കുള്ള കോവിഡ് വാക്സിന് അനുമതി

ന്യൂഡൽഹി: ഭാരത് ബയോടെകിന്‍റെ കുട്ടികൾക്കുള്ള കോവിഡ് വാക്സിന് അനുമതി നൽകി. 12 മുതൽ 18 വയസ്സ് വരെ പ്രായമുള്ള കുട്ടികളിലാണ് കോവാക്സിൻ അടിയന്തര ഉപയോഗത്തിന് ഡ്രഗ് കൺട്രോളർ ജനറൽ ഓഫ് ഇന്ത്യ (ഡി.സി.ജി.ഐ) അനുമതി നൽകിയത്.

രണ്ട് ഡോസ് വാക്സിനാണ് കുട്ടികൾക്ക് നൽകുക. നേരത്തെ, കുട്ടികളിൽ ഉപയോഗിക്കാനായി സൈഡസ് കാഡില‍യുടെ സൈകോവ് -ഡിക്ക് ഡി.സി.ജി.ഐ അനുമതി നൽകിയിരുന്നു. സൈകോവ് -ഡി മൂന്നു ഡോസാണ്.