ഭാരത് ജോഡോ യാത്രക്കിടെ നേതാക്കളുമായി പുഷ്-അപ് മത്സരത്തിൽ ഏർപ്പെട്ട് രാഹുൽ ഗാന്ധി; വിജയി ആരായിരിക്കും

കോൺഗ്രസ് പാർട്ടിയുടെ ഭാരത് ജോഡോ യാത്ര രണ്ടാം മാസത്തിലേക്ക് കടന്നിരിക്കുകയാണ്. പാർട്ടിയുടെ സമുന്നത നേതാവ് രാഹുൽ ഗാന്ധിയാണ് രാജ്യത്തുടനീളമുള്ള പദയാത്രക്ക് നേതൃത്വം നൽകുന്നത്. യാത്രയിലുടനീളം രാഹുൽ ഗാന്ധിയുടെ പ്രവർത്തനങ്ങൾ ഏറെ ശ്രദ്ധിക്ക​പ്പെടുകയും പ്രശംസിക്കപ്പെടുകയും ചെയ്തിരുന്നു.

നിലവിൽ കർണാടകയിലാണ് യാത്ര നടക്കുന്നത്. ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്ന ഫോട്ടോകളിൽ, ഭാരത് ജോഡോ മാർച്ചിന്റെ മധ്യത്തിൽ കോൺഗ്രസ് നേതാവ് രാഹുൽ ഗാന്ധി മറ്റ് നിരവധി പാർട്ടി നേതാക്കൾക്കൊപ്പം റോഡിൽ പുഷ്അപ് ചെയ്യുന്നത് കാണാം.

കോൺഗ്രസ് ജനറൽ സെക്രട്ടറി രൺദീപ് സുർജേവാലയാണ് പുഷ്അപ് ചെയ്യുന്ന ചിത്രങ്ങൾ പോസ്റ്റ് ചെയ്തത്. രാഹുൽ ഗാന്ധി, കർണാടക ഘടകം മേധാവി ഡി.കെ ശിവകുമാർ, പാർട്ടി ജനറൽ സെക്രട്ടറി കെ.സി വേണുഗോപാൽ, ഒരു കുട്ടി എന്നിവർ തമ്മിലായിരുന്നു പുഷ്അപ് മത്സരം.

സുർജേവാല പോസ്റ്റ് ചെയ്ത ഫോട്ടോക്ക് അടിക്കുറിപ്പ് നൽകി, "ഒന്ന് നിറഞ്ഞതും രണ്ട് പകുതിയും പുഷ്-അപുകൾ!" രാഹുൽ ഗാന്ധി തന്നെ വിജയിച്ചു. 75കാരനായ പാർട്ടി നേതാവ് സിദ്ധരാമയ്യക്കൊപ്പം രാഹുൽ ഗാന്ധി കൈകോർത്ത് ഓടുന്ന കാഴ്ചക്കും കർണാടക സാക്ഷിയായി.

കോൺഗ്രസ് അധ്യക്ഷ സോണിയ ഗാന്ധി ഭാരത് ജോഡോ യാത്രയിൽ പങ്കെടുത്ത സമയത്തിന്റെ ഒരു ചെറിയ ക്ലിപ്പും രാഹുൽ ഗാന്ധി പങ്കുവച്ചു. മാർച്ചിനിടെ അമ്മയുടെ ഷൂ ലേസ് കെട്ടാൻ രാഹുൽ ഗാന്ധി കുനിഞ്ഞുനിൽക്കുന്നത് അതിൽ കാണാം.