ചികിത്സ ആവശ്യപ്പെട്ട്​ ചന്ദ്രശേഖർ ആസാദ്​ കോടതിയിൽ

ന്യൂഡൽഹി: ഡൽഹി ‘എയിംസി’ൽ ചികിത്സ ലഭ്യമാക്കണമെന്നാവശ്യപ്പെട്ട്​ ‘ഭീം ആർമി’ തലവൻ ചന്ദ്രശേഖർ ആസാദ്​ കോടതിയെ സ മീപിച്ചു. രക്തം കട്ടിയാകുന്ന ‘പോളിസൈതീമിയ’ എന്ന അസുഖമാണ്​ ആസാദിന്​. ദീർഘകാലമായി ‘എയിംസി’ലാണ്​ ചികിത്സ തേടുന്നത്​. ചികിത്സ ലഭ്യമാക്കാൻ ജയിൽ അധികൃതർക്കോ ഡൽഹി സർക്കാറിനോ നിർദേശം നൽകണമെന്നാണ്​ ഹരജിയിലെ ആവശ്യം. അടിയന്തര ചികിത്സ ലഭ്യമാക്കിയില്ലെങ്കിൽ, ഹൃദയാഘാതമുണ്ടാകാൻ സാധ്യതയുണ്ടെന്നും ഇതിൽ പറയുന്നു.

പൗരത്വ ഭേദഗതി നിയമത്തിനെതിരായി നടത്തിയ പ്രതിഷേധ പരിപാടികളെ തുടർന്നാണ്​ ആസാദിനെ അറസ്​റ്റ്​ ചെയ്​തത്​. തുടർന്ന്​ ഡിസംബർ 21ന്​​ ഡൽഹി കോടതി ആസാദി​െന ജുഡീഷ്യൽ കസ്​റ്റഡിയിൽ വിടുകയായിരുന്നു​.