ഭോപാൽ ഏറ്റുമുട്ടൽ: ദുരൂഹ​മെന്ന്​ കോൺഗ്രസും എ.എ.പിയും

ഭോപാൽ: ​ഭോപാലിൽ ജയിൽ ചാടിയവരെ ഏറ്റുമുട്ടലിലൂടെ വധിച്ച സംഭവത്തിൽ സംശയം പ്രകടിപ്പിച്ച്​ കോൺഗ്രസും ആം ആദ്​മി പാർട്ടിയും​.  ഭോപാൽ സെൻട്രൽ ജയിലിൽ നിന്ന്​രക്ഷപെട്ട എട്ട്​ പ്രതികളെ മണിക്കൂറുകൾക്കകം ​ഏറ്റുമുട്ടലിലൂടെ കൊലപ്പെടുത്തുകയായിരുന്നെന്ന്​ മധ്യ​പ്രദേശ്​ പൊലീസ്​ അറിയിച്ചു. ഇക്കാര്യത്തിൽ സംശയവും ദുരൂഹതയും പ്രകടിപ്പിച്ച്​ കോൺഗ്രസും ആം ആദ്​മി പാർട്ടിയുമാണ്​ രംഗത്തെത്തിയത്​.

‘അവർ ജയിൽ ചാടിയതാണോ അതോമുൻകുട്ടി തയാറാക്കിയ പദ്ധതിപ്രകാരം അവരെ പോകാൻ അനുവദിച്ചതാണോ’ എന്ന്​ കോൺഗ്രസ്​ ജനറൽ സെക്രട്ടറി ദിഗ്​വിജയ്​ സിങ്​ ട്വീറ്റ്​ ചെയ്​തു. ഇതേക്കുറിച്ച്​ അന്വേഷിക്കണമെന്നും ദിഗ്​വിജയ്​ സിങ്​ ആവശ്യപ്പെട്ടു.

ജയിൽ ചാടിയ എല്ലാവരും ഒ​േരസ്ഥലത്ത്​ വെച്ച്​ കൊല്ലപ്പെട്ടത്​ എങ്ങനെയാണെന്ന്​ ആം ആദ്​മി പാർട്ടി എം.എൽ.എ അൽക്ക ലാംബ ചോദിച്ചു. ജയിൽപുള്ളികൾ രക്ഷപെട്ടത്​ എങ്ങനെയാണ്​ എന്നതിനെക്കുറിച്ച്​ ജുഡീഷ്യൽ അന്വേഷണം വേണമെന്ന്​ കോൺഗ്രസ്​ നേതാവ്​ കമൽനാഥും ആവ​ശ്യപ്പെട്ടു.

തിങ്കളാഴ്​ച പുലർച്ചെ മൂന്നു മണിയോടെയാണ്​ വിചാരണ തടവുകാരായ എട്ട്​ പ്രതികൾ ജയിൽ ചാടിയത്. ഡ്യൂട്ടിയിലുണ്ടായിരുന്ന ഗാർഡിനെ കൊലപ്പെടുത്തിയ ശേഷം പ്രതികൾ കടന്നു കളയുകയായിരുന്നു. ജയിൽ ചാടിയ പ്രതികളെ മണിക്കൂറുകൾക്കകം പൊലീസ്​ ഏറ്റുമുട്ടലിൽ കൊലപ്പെടുത്തി. ഭോപ്പാലിന്‍റെ അതിർത്തി ഗ്രാമമായ എയിൻത്കെടിയിൽ വെച്ചാണ്​ പൊലീസും ഭീകരവിരുദ്ധ സ്ക്വാഡും സംയുക്തമായി നടത്തിയ ഏറ്റുമുട്ടലിൽ ഇവരെ കൊല്ലപ്പെടുത്തിയത്​.

Correct me if I am wrong. The SIMI members who were killed were undertrials, not even convicted yet. Right? How did they become terrorists?

— Sushant Singh (@SushantSin) October 31, 2016

This SIMI #encounter story of undertrials who are being described as "terrorists" is as believable as Gujarat growth model!

— Swati Chaturvedi (@bainjal) October 31, 2016

Episode ends within hours, leaving host of Qns. Jail escape to all dead.https://t.co/LRiMlyO4RQ #SIMI #Encounter #MadhyaPradesh #Bhopal

— Shams Ur RehmanAlavi (@indscribe) October 31, 2016