നിത അംബാനിയെ വിസിറ്റിങ്​ പ്രൊഫസറാക്കാൻ ബനാറസ്​ ഹിന്ദു യൂനിവേഴ്​സിറ്റി; പ്രതിഷേധവുമായി വിദ്യാർഥികൾ

ലഖ്​നോ: റിലയൻസ്​ ഇൻഡസ്​ട്രീസ്​ എക്​സിക്യൂട്ടീവ്​ ഡയറക്​ടർ നിത അംബാനിയെ വിസിറ്റിങ്​ പ്രൊഫസറാക്കാനുള്ള ബനാറസ്​ ഹിന്ദു യൂനിവേഴ്​സിറ്റിയുടെ തീരുമാനത്തിനെതിരെ വിദ്യാർഥി പ്രതിഷേധം. 40ഓളം വരുന്ന വിദ്യാർഥികൾ യൂനിവേഴ്​സിറ്റി വൈസ്​ ചാൻസിലർ രാകേഷ്​ ഭട്ട്​നഗറിന്‍റെ വീടിന്​ മുന്നിൽ പ്രതിഷേധവുമായെത്തി.

വുമൻ സ്റ്റഡീസ്​ ആൻഡ്​ ഡെവലപ്​മെന്‍റ്​ പഠനവിഭാഗത്തിലാണ്​ യൂനിവേഴ്​സിറ്റി നിത അംബാനിയെ വിസിറ്റിങ്​ പ്രൊഫസറാക്കാൻ തീരുമാനിച്ചത്​. സ്വാധീനമുള്ള വനിതയെന്ന നിലയിലാണ്​ അവരെ പ്രൊഫസറാക്കുന്നതെന്നാണ്​ യൂനിവേഴ്​സിറ്റി വിശദീകരണം​.

വനിത സംരംഭകയാണ്​ നിത അംബാനി. അവർ അവരുടെ അനുഭവങ്ങൾ പങ്കുവെക്കുന്നത്​ വിദ്യാർഥികൾക്ക്​ ഗുണകരമാവും. അതിനാലാണ്​ അവരെ വിസിറ്റിങ്​ പ്രൊഫസറാക്കാനുള്ള ശിപാർശ അയച്ച​െതന്ന്​ യൂനിവേഴ്​സിറ്റി അധികൃതർ അറിയിച്ചു.