പൗരത്വ വിഷയത്തിലും കശ്​മീർ വിഷയത്തിലും എതിര്​; ബൈഡൻ മോദിക്ക്​ തലവേനയാകുമോ?

ന്യൂഡൽഹി: വൈറ്റ്​ ​ഹൗസിൽ നിന്നും 'ഉറ്റ സുഹൃത്തെന്ന്​' മോദി സ്വയം പ്രഖ്യാപിക്കുന്ന ഡോണൾഡ്​ ട്രംപ്​ മാറി ജോ ബൈഡൻ എത്തു​േമ്പാൾ കാര്യങ്ങൾ അത്ര ഗുണകരമാകാനിടയില്ല. പലപ്പോഴും ഇന്ത്യക്കെതിരെയുള്ള പരാമർശങ്ങളിലൂടെ വാർത്തകളിലിടം പിടിക്കാറുണ്ടെങ്കിലും മോദിയും ട്രംപും പരസ്​പരം പുകഴ്​ത്തുകയും ഉറ്റ സുഹൃത്തുക്കളാണെന്ന്​ പ്രഖ്യാപിക്കുകയും ചെയ്യാറുണ്ട്​.

​എന്നാൽ ജോ​ ബൈഡൻ മോദിയു​ടെ ഗിമ്മിക്കുകൾക്ക്​ ഒപ്പം നിൽക്കുമോ എന്ന്​ കണ്ടറിയണം. മോദി സർക്കാറിൻെറ നയങ്ങൾ​ക്കെതിരെ പലപ്പോഴും പരസ്യമായി രംഗത്തെത്തിയയാളാണ്​ ബൈഡൻ. ഡെമോക്രാറ്റിക്​ സ്ഥാനാർഥിയായിരിക്കവേ ബൈഡൻ സി.എ.എക്കും കശ്​മീർ വിഷയത്തിലും കേന്ദ്രസർക്കാറിനെതിരായി പരസ്യമായി രംഗത്തെത്തിയിരുന്നു.

കശ്​മീരിലെ ജനങ്ങളുടെ അവകാശങ്ങൾ പുനസ്ഥാപിക്കണമെന്ന്​ ബൈഡൻ ആവശ്യപ്പെട്ടിരുന്നു. അസമിലെ പൗരത്വ രജിസ്​റ്റർ നിരാശാജനകമാണെന്നും ബൈഡൻ പറഞ്ഞിരുന്നു. ട്രംപിനായി വോട്ട്​ ചോദിക്കാൻ മോദി തന്നെ നേരി​ട്ടെത്തിയെങ്കിലും ഏറ്റവുമധികം ഇന്ത്യക്കാരുള്ളള അഞ്ച്​ സംസ്ഥാനങ്ങളിൽ നാലിലും ജോ ബൈഡനായിരുന്നു വിജയം.

വൈസ്​ പ്രസിഡൻറ്​ കമല ഹാരിസിന്​ ഇന്ത്യൻ വേരുകളുണ്ടെങ്കിലും കേന്ദ്രസർക്കാറിനോടുള്ള എതിർപ്പ്​ തുറന്ന്​ പറഞ്ഞിരുന്നു. അമേരിക്കയിലെത്തിയ ഇന്ത്യൻ വിദേശ​ കാര്യമന്ത്രി ജയശങ്കറിനോട്​ കശ്മീർ വിഷയത്തിലെ അതൃപ്​തി കമല വ്യക്തമാക്കിയിരുന്നു. ഇന്ത്യയുമായി മികച്ച നയതന്ത്ര സ്ഥാപിക്കുമെന്ന്​ ബൈഡനും കമലയും പ്രഖ്യാപിച്ചിരുന്നെങ്കിലും വൈറ്റ്​ ഹൗസിലെ പുതിയ സാഹചര്യങ്ങൾ കേന്ദ്ര സർക്കാറിന്​ അത്ര ശുഭകരമാകില്ലെന്ന്​ അർത്ഥം.