നിതീഷ്​ കുമാറിന്‍റെ അംഗത്വം റദ്ദാക്കണമെന്ന വാദത്തെ എതിർത്ത്​ തെരഞ്ഞെടുപ്പ്​ കമീഷൻ സുപ്രീംകോടതിയിൽ

ന്യൂഡൽഹി: ബിഹാർ മുഖ്യമന്ത്രി നിതീഷ്​ കുമാറി​​​​െൻറ നിയമസഭാംഗത്വം റദ്ദാക്കണമെന്ന വാദത്തെ കേന്ദ്ര തെരഞ്ഞെടുപ്പ്​ കമീഷൻ സുപ്രീംകോടതിയിൽ എതിർത്തു. പരാതി അടിസ്​ഥാനമില്ലാത്തതാണെന്നും നിലനിൽക്കുന്നതല്ലെന്നും കോടതിയുടെ പ്രവർത്തനത്തെ ദുരുപയോഗപ്പെടുത്തുകയാണെന്നുമുള്ള വാദമുയർത്തിയാണ്​ ഒരു അഭിഭാഷകൻ സമർപ്പിച്ച പരാതിയിൽ തെരഞ്ഞെടുപ്പ്​ കമീഷൻ നിതീഷ്​ കുമാറിന്​ അനുകൂലമായ നിലപാടെടുത്തത്​​. 1991ൽ ബർ നിയോജകമണ്ഡലത്തിൽ നടന്ന ലോക്​സഭ തെരഞ്ഞെടുപ്പിനോടനുബന്ധിച്ച്​ പ്രാദേശിക കോൺഗ്രസ്​ നേതാവ്​ സീതാറാം സിങ് കൊല്ലപ്പെടുകയും നാലു​ പേർക്ക്​ പരിക്കേൽക്കുകയും ചെയ്​ത സംഭവത്തിൽ ക്രിമിനൽ കേസിൽപെട്ട​ നിതീഷ്​ കുമാർ ത​​​െൻറ പേരിലുള്ള ക്രിമിനൽ കേസിനെക്കുറിച്ചുള്ള വിവരം സത്യവാങ്​മൂലത്തിൽനിന്ന്​ മറച്ചു വെച്ചുവെന്ന്​ ചൂണ്ടിക്കാട്ടി അഭിഭാഷകനായ എം.എൽ. ശർമയാണ്​ ​കോടതിയെ സമീപിച്ചത്​​.

നിതീഷ്​കുമാർ 2012ലേതൊഴികെ 2004 മുതൽ ത​​​െൻറ പേരിൽ തീർപ്പാവാതെ കിടക്കുന്ന ക്രിമിനൽ കേസുകളുടെ വിവരങ്ങൾ വെളിപ്പെടുത്തിയിട്ടില്ലെന്നും പരാതിയിൽ കുറ്റപ്പെടുത്തുന്നു. എന്നാൽ, സ്​ഥാനാർഥി വിവരങ്ങൾ മറച്ചുവെച്ചതായോ തെറ്റായ വിവരങ്ങൾ നൽകിയതായോ തെളിവുണ്ടെങ്കിൽ വ്യക്തികൾക്ക്​ പൊലീസിനെ സമീപിച്ച്​ സ്​ഥാനാർഥിക്കെതിരെ നിയമനടപടി സ്വീകരിക്കാവുന്നതാണെന്ന്​ കമീഷൻ സുപ്രീംകോടതിയിൽ സമർപ്പിച്ച സത്യവാങ്​​മൂലത്തിൽ പറഞ്ഞു. പൊള്ളയായ വാദങ്ങളാണ്​ പരാതിക്കാര​േൻറത്​. പൗര​​​െൻറ മൗലികാവകാശങ്ങൾ സമർപ്പിക്കാനാണ്​ പരാതി നൽകുന്നതെന്ന്​ പറയുന്ന പരാതിക്കാരൻ പൗര​​​െൻറ ഏത്​ മൗലികാവകാശമാണ് ഹരജിയിലൂടെ​ സംരക്ഷിക്കപ്പെടേണ്ടതെന്ന്​  സൂചിപ്പിക്കുന്നില്ലെന്നും​  കമീഷ​ൻ വ്യക്തമാക്കി​.

തെരഞ്ഞെടുപ്പ്​ കമീഷൻ അന്വേഷണ ഏജൻസിയല്ല. ഏ​െതങ്കിലും സ്​ഥാനാർഥി സമർപ്പിക്കുന്ന വസ്​തുതകൾ ശരിയാണോ തെറ്റാണോ എന്ന്​ അന്വേഷണം നടത്തേണ്ട ഉത്തരവാദിത്തം കമീഷനില്ല. ഇത്തരത്തിൽ അനാവശ്യവും നീതിരഹിതവുമായ വിമർശനങ്ങൾ രാജ്യത്തിന്മേലും രാജ്യത്തെ തെരഞ്ഞെടുപ്പ്​ പ്രക്രിയയിലുമുള്ള പൗര​​​െൻറ ആത്മവിശ്വാസം ഇല്ലാതാക്കുമെന്നും കമീഷൻ പറഞ്ഞു. സുപ്രീംകോടതി 2017 സെപ്​റ്റംബർ 11ന്​ ശർമയുടെ പരാതിയിൽ കമീഷ​​​െൻറ മറുപടി തേടിയിരുന്നു. ഇതേ തുടർന്നാണ്​ കമീഷൻ സത്യവാങ്​മൂലം സമർപ്പിച്ചത്​. കേസിൽ സുപ്രീംകോടതി മാർച്ച്​ 19ന്​ വാദംകേൾക്കും.