കേസ​േന്വഷണത്തിനായി ബംഗാളിലെത്തിയ ബിഹാർ പൊലീസ്​ ഉദ്യോഗസ്ഥനെ നാട്ടുകാർ തല്ലിക്കൊന്നു

കൊൽക്കത്ത: കേസന്വേഷണത്തിനായി പശ്​ചിമ ബംഗാളിലെത്തിയ ബിഹാർ പൊലീസ്​ ഉദ്യേഗസ്ഥനെ ജനം തല്ലിക്കൊന്നു. സ്​റ്റേഷൻ ഹൗസ്​ ഓഫീസറായ അശ്വാനി കുമാറാണ്​ കൊല്ലപ്പെട്ടത്​. ശനിയാഴ്ച രാവിലെയാണ്​ സംഭവം.

വാഹനമോഷ്​ടാക്കളുടെ രഹസ്യസ​ങ്കേതത്തിൽ റെയ്​ഡ്​ നടത്തുന്നതിനിടെയായിരുന്നു ആക്രമണം. ഉത്തർ ദിൻജാപൂർ ഏരിയയിൽ ഗോലപോകാർ ​പൊലീസ്​ സ്​റ്റേഷൻ പരിധിയിലെ ഗ്രാമത്തിലാണ്​ ആക്രമണമുണ്ടായത്​. സംഭവുമായി ബന്ധപ്പെട്ട്​ ഒരാളെ അറസ്റ്റ്​ ചെയ്​തിട്ടുണ്ടെന്നാണ്​ റിപ്പോർട്ട്​.

കല്ലുകളും വടിയുമായാണ്​ പൊലീസുകാരനെ ആക്രമിച്ചതെന്നും ബംഗാൾ പൊലീസ്​ സഹായിച്ചില്ലെന്നും ബിഹാർ പൊലീസ്​ പുറത്തിറക്കിയ പ്രസ്​താവനയിൽ ആരോപിച്ചു.