ബിഹാറിൽ കൂട്ട ബലാത്സംഗത്തിനിരയായ ദലിത്​ പെൺകുട്ടി ആത്മഹത്യ ചെയ്​തു

പട്​ന: ഉത്തർപ്രദേശിലെ ഹാഥറസിൽ 20കാരി കൂട്ട ബലാത്സംഗത്തിനിരയായി കൊല്ലപ്പെട്ടതുമായി ബന്ധപ്പെട്ട്​ രാജ്യത്ത്​ പ്രതിഷേധങ്ങൾ ആളിക്കത്തുന്നതിനിടെ ബിഹാറിൽ നിന്ന്​ മറ്റൊരു ദുരന്ത വാർത്ത. കൂട്ട ബലാത്സംഗത്തിനിരയായതിനെ തുടർന്ന് ദലിത്​ പെൺകുട്ടി​ ആത്മഹത്യ ചെയ്​തു. ഗയ ജില്ലയിൽ നിന്നുള്ള കൗമാരക്കാരിയാണ്​ ജീവനൊടുക്കിയത്​. വെള്ളിയാഴ്​ച പെൺകുട്ടിയെ നാല്​ പേർ ചേർന്ന്​ ബലാത്സംഗം ചെയ്​തെന്നാണ്​ പരാതി.

മകളെ നാല്​ പേർ ചേർന്ന്​ ബലാത്സംഗം ചെയ്​തതായി പെൺകുട്ടിയു​െട രക്ഷിതാക്കൾ പരാതി നൽകിയതായി പൊലീസ്​ ഉദ്യോഗസ്ഥർ പറഞ്ഞു. രാഹുൽ കുമാർ, ചിന്തു ക​ുമാർ​, ചന്ദൻ കുമാർ എന്നീ പേരുകൾ സഹിതമാണ്​ പരാതി നൽകിയത്​. നാലാമനെ തിരിച്ചറിഞ്ഞിട്ടില്ലെന്നും പൊലീസ്​ പറഞ്ഞു.​

മൃതദേഹത്തി​െൻറ രാസപരിശോധന ഗയ മെഡിക്കൽ കോളജിൽ പൂർത്തിയായതായാണ്​ വിവരം. അതിൻെറ ഫലത്തിന്​ വേണ്ടി കാത്തിരിക്കുകയാ​​ണ്​.

ഉത്തർപ്രദേശിലെ ഹാഥറസിൽ ദലിത്​ പെൺക​ുട്ടി ബലാത്സംഗത്തിനിരയായി കൊല്ലപ്പെട്ടത്​ രാജ്യവ്യാപകമായ പ്രതിഷേധത്തിനിടയാക്കിയിരുന്നു. കേസെടുക്കാൻ താമസം വരുത്തുകയും അർധരാത്രി രക്ഷിതാക്കളെ പോലും തടഞ്ഞ്​ നിർത്തി മൃതദേഹം സംസ്​കരിക്കരിക്കുകയും ചെയ്​ത പൊലീസ്​ നടപടികൾ വലിയ ജന​േരാഷമാണ്​ ക്ഷണിച്ചു വരുത്തിയത്​.