ബിഹാറിൽ എൻ.ഡി.എ

വോ​ട്ടെണ്ണൽ പുരോഗമിക്കുന്നതിനിടെ ആഭ്യന്തര മന്ത്രി അമിത്​ ഷാ നിതീഷ്​ കുമാറുമായി ചർച്ച നടത്തി. ഇഞ്ചോടിഞ്ച്​ പോരാട്ടം നടക്കുന്നതിനിടെയാണ്​ നിതീഷുമായുള്ള ഷായുടെ ചർച്ച. നിലവിൽ പുറത്തുവന്ന ഫലങ്ങൾ പ്രകാരം ജെ.ഡി.യു​വിനേക്കാൾ കൂടുതൽ സീറ്റ്​ നേടിയിരിക്കുന്നത്​ ബി.ജെ.പിയാണ്​.

ജെ.ഡി.യു മൂന്നാം സ്ഥാനത്ത്

തെരഞ്ഞെടുപ്പ് ഫലപ്രഖ്യാപനം തുടരുമ്പോൾ നിതീഷ് കുമാറിൻെറ ജെ.ഡി.യു മൂന്നാം സ്ഥാനത്തേക്ക് തള്ളപ്പെട്ടു. 39 സീറ്റിലാണ് ജെ.ഡി(യു) മുന്നേറ്റമുള്ളത്. നിതീഷിനെ തറപറ്റിക്കുമെന്ന് പ്രഖ്യാപിച്ച് സഖ്യത്തിൽ നിൽക്കാതെ മത്സരിച്ച എൽ.ജെ.പിയുടെ ചിരാഗ് പാസ്വാന്‍റെ കുതന്ത്രം ഫലം കാണുന്നതായാണ് വിലയിരുത്തൽ.

ബിഹാർ തെരഞ്ഞെടുപ്പ്​ മാറ്റത്തിനുള്ള വഴിയൊരുക്കും -ശരത്​ പവാർ

ബിഹാർ തെരഞ്ഞെടുപ്പ്​ ഫലം മാറ്റമുണ്ടാക്കിയിെല്ലങ്കിലും മാറ്റത്തിനുള്ള വഴിയൊരുക്കുമെന്ന്​ എൻ.സി.പി അധ്യക്ഷൻ ശരത്​ പവാർ. കാമ്പയിനിൽ എന്താണ്​ കണ്ടത്​ ഒരു വശത്ത്​ ദീർഘകാലം ഗുജറാത്ത്​ മുഖ്യമന്ത്രിയും പിന്നീട്​ പ്രധാനമന്ത്രിയുമായ നരേന്ദ്രമോദിയും ബിഹാർ മുഖ്യമന്ത്രി നിതീഷ്​ കുമാറും എന്നാൽ മറുവശത്ത്​ പരിചയ സമ്പത്ത്​ കുറഞ്ഞ യുവാവായ തേജസ്വി യാദവുമാണെന്നും ശരത്​ പവാർ പറഞ്ഞു.

ഉവൈസി ബി.ജെ.പിക്ക്​ നേട്ടമുണ്ടാക്കിക്കൊടുക്കുന്നു -കോൺ​ഗ്രസ്

മഹാസഖ്യത്തി​െൻറ വോട്ടുകൾ ഭിന്നിപ്പിക്കുന്ന ഉവൈസിയുടെ പാർട്ടി, ബി.ജെ.പിയുടെ സഖ്യകക്ഷിയെപ്പോലെയാണെന്ന്​ ലോക്​സഭയിലെ കോൺഗ്രസ്​ നേതാവ്​ അധീർ രഞ്​ജൻ ചൗധരി കുറ്റപ്പെടുത്തി. കാര്യങ്ങളെ വലിയ അളവിൽ തങ്ങൾക്ക്​ ഉപകാരപ്പെടുന്ന രീതിയിലാക്കി മാറ്റാൻ ഉവൈസിയു​​െട പാർട്ടിയെ ബി.ജെ.പി ഉപയോഗപ്പെടുത്തുകയാണെന്ന്​ അദ്ദേഹം ആ​േരാപിച്ചു. 

ഫലം രാത്രിയോടെ പ്രഖ്യാപിക്കും -തെരഞ്ഞെടുപ്പ്​ കമീഷൻ

ബിഹാർ തെരഞ്ഞെടുപ്പി​െൻറ പൂർണമായ ഫലം രാത്രിയോടെ മാത്രമേ പുറത്തു വരുവെന്ന സൂചനകൾ നൽകി തെരഞ്ഞെടുപ്പ്​ കമീഷൻ. കോവിഡ്​ ചട്ടങ്ങൾ പൂർണമായും പാലിച്ചാണ്​ വോ​ട്ടെണ്ണൽ പുരോഗമിക്കുന്നതെന്നും കമ്മീഷൻ അറിയിച്ചു.

നിതീഷ് കുമാർ 24 കാരറ്റ് സ്വർണം പോസ്റ്ററുകളുമായി ജെ.ഡി.യു

വോട്ടെണ്ണൽ തുടങ്ങിയപ്പോൾ മൗനം തുടർന്ന ജെ.ഡി.യു ആഘോഷങ്ങൾക്കുള്ള ഒരുക്കങ്ങളുമായി രം​ഗത്ത്. മുഖ്യമന്ത്രിയായി വീണ്ടും തെരഞ്ഞെടുക്കപ്പെട്ട നിതീഷ്കുമാറിന് അഭിനന്ദനങ്ങൾ, അദ്ദേഹം 24 കാരറ്റ് സ്വർണമാണെന്നും ചൂണ്ടിക്കാട്ടുന്ന പോസ്റ്ററുകൾ ജെ.ഡി.യും ഒാഫീസിന് മുന്നിൽ ഉയർന്നു. 

എല്ലാ ജില്ലകളിൽ നിന്നും നല്ല വാർത്തകൾ വന്ന്കൊണ്ടിരിക്കുന്നു -ആർ.ജെ.ഡി

എൻ.ഡി.എ മുന്നേറ്റം തുടരുമ്പോഴും ശുഭപ്രതീക്ഷയിൽ ആർ.ജെ.ഡി. കുറേ വോട്ടുകൾ ഇനിയും എണ്ണാനുണ്ടെന്നും പല ജില്ലകളിൽ നിന്നും നല്ല വാർത്തകളാണ് വന്ന് കൊണ്ടിരിക്കുന്നതെന്നും ആർ.ജെ.ഡി ട്വീറ്റ് ചെയ്തു.

മൂന്ന് സീറ്റിൽ ബി.ജെ.പി, ഒരു സീറ്റിൽ ജെ.ഡി.യു വിജ‍യിച്ചു

ദർബാംഗ മേഖലയിലെ നാല് നിയമസഭാ സീറ്റിൽ മൂന്നു സീറ്റിൽ ബി.ജെ.പിയും ഒരു സീറ്റിൽ ജെ.ഡി.യുവും ജയിച്ചു. ബി.ജെ.പി സ്ഥാനാർഥികളായ സഞ്ജയ് സരോഗി(ദർബാംഗ സിറ്റി), ജിവീഷ് കുമാർ (ഝലേ), മുരാരി മോഹൻ (കേവാതി) എന്നിവരാണ് വിജയിച്ചത്. ജെ.ഡി.യും സ്ഥാനാർഥി വിനയ് ചൗധരി ബേനിപൂരിൽ നിന്നാണ് ജയിച്ചത്. 

തെരഞ്ഞെടുപ്പ് ഫലം വൈകും

വോ​ട്ടെണ്ണൽ പൂർത്തിയാകാൻ രാത്രിയാകുമെന്ന് തെരഞ്ഞെടുപ്പ്​ കമീഷൻ അറിയിപ്പ്. കോവിഡ്​ ​സാഹചര്യവും പ്രോ​ട്ടോ​ക്കോൾ നിയന്ത്രണങ്ങളുമുള്ളതിനാലാണ്​ വോ​ട്ടെണ്ണൽ വൈകുന്നതെന്നും തെരഞ്ഞെടുപ്പ് കമീഷൻ വാർത്താ സമ്മേളനത്തിലൂടെ അറിയിച്ചു 

ഹിന്ദുസ്ഥാനി അവാം മോർച്ച നേതാവും മുൻ മുഖ്യമന്ത്രിയുമായ ജിതൻ റാം മഞ്ചി ഇമാംഗഞ്ചിൽ മുന്നേറുന്നു. ആർ.ജെ.ഡി സ്ഥാനാർഥി ഉദയ് നാരായൺ ചൗധരി തൊട്ടു പിന്നിൽ.