ബിഹാറിൽ പട്ടികജാതി വിഭാഗക്കാർക്ക്​ സ്​ഥാനക്കയറ്റത്തിന്​ സംവരണം പ്രഖ്യാപിച്ചു

പട്​ന: ബിഹാർ സർക്കാർ സംസ്​ഥാനത്ത്​ പട്ടിക ജാതി/വിഭാഗക്കാർക്ക്​ ജോലിയിൽ സ്​ഥാനക്കയറ്റത്തിന്​ സംവരണം പ്രഖ്യാപിച്ചു. മെയ്​17നും ജൂൺ അഞ്ചിനുമായി പ്രത്യേക റിട്ട്​ ഹരജിയിൻമേലുണ്ടായ സുപ്രീംകോടതി വിധിയുടെ ചുവടു പിടിച്ചാണ്​ സർക്കാർ നടപടി. 

എന്നിരുന്നാലും സുപ്രീംകോടതിയുടെ ഇനിയുള്ള ഉത്തരവി​​​​െൻറ അടിസ്​ഥാനത്തിൽ മാത്രമേ സ്​ഥാനക്കയറ്റം അനുവദിക്കുകയുള്ളു എന്നും സർക്കാർ വിജ്ഞാപനം പുറപ്പെടുവിച്ചിട്ടുണ്ട്​.  ഉന്നത സർക്കാർ ഉദ്യോഗസ്​ഥരും സെക്രട്ടറി ജനറൽ, സെക്രട്ടറിതല ഉദ്യോഗസ്​ഥരുമടങ്ങുന്ന ഏഴംഗ സമിതിയുടെ ശിപാർശ പ്രകാരമാണ്​ സംവരണം നടപ്പാക്കുന്നത്​. 

ജൂൺ 27നാണ്​ സമിതിക്കു രൂപം നൽകിയത്​. സ്​ഥാനക്കയറ്റത്തിന്​​ സംവരണത്തിനുള്ള വിശദമായ മാർഗ നിർദേശങ്ങളും സർക്കാർ പുറത്തിറക്കിയിട്ടുണ്ട്​.