ശ്രീകൃഷ്​ണന്‍റെ വെണ്ണമോഷണം കഥ ഉദ്ധരിച്ച്​ മധുരപലഹാരങ്ങൾ മോഷ്​ടിച്ച കുട്ടിയെ കുറ്റവിമുക്തനാക്കി കോടതി

പട്​ന: ബിഹാറിൽ മധുരപലഹാരങ്ങൾ മോഷ്​ടിച്ചതിന്​ അറസ്റ്റിലായ കുട്ടിയെ കുറ്റവിമുക്തനാക്കിയത്​ ശ്രീകൃഷ്​ണന്‍റെ​ 'വെണ്ണമോഷണം' കഥ ഉദ്ധരിച്ച്​. ബിഹാർ ജുവനൈൽ ജസ്റ്റിസ്​ ബോർഡ്​ ജഡ്​ജ്​ മാൻവേന്ദ്ര മി​ശ്രയുടേതാണ്​ രസകരമായ വിധി.

നളന്ദ ജില്ലയിലെ ഹർനൗട്ട്​ പ്രദേശത്താണ്​ സംഭവം. ​പ്രദേശ​ത്തെ ഒരു സ്​ത്രീ സെപ്​റ്റംബർ ഏഴിന്​ കുട്ടി ഫ്രിഡ്​ജിൽ നിന്ന്​ മധുരപലഹാരങ്ങൾ മോഷ്​ടിക്കുകയും തന്‍റെ മൊബൈൽ ഫോൺ എടുത്തുവെന്നുംപൊലീസിൽ പരാതി നൽകുകയായിരുന്നു. തുടർന്ന്​ കുട്ടിയെ ജുവനൈൽ കോടതി​യിൽ ഹാജരാക്കി.

ശ്രീകൃഷ്​ണന്‍റെ വെണ്ണമോഷണം ഒരു കുസൃതിയായി കണക്കാക്കു​േമ്പാൾ ഭക്ഷണമില്ലാതിരുന്ന സമയത്ത്​ കുട്ടി മധുരപലഹാരങ്ങൾ മോഷ്​ടിച്ചതിനെ ഒരു ക്രിമിനൽ കുറ്റകൃത്യമായി കണക്കാക്കാൻ കഴിയില്ലെന്ന്​ കോടതി പറഞ്ഞു.ശ്രീകൃഷ്​ണന്‍റെ കഥ ഉദ്ധരിച്ച വിധി സമൂഹത്തിൽ ഇരട്ടത്താപ്പായി കണക്കാക്കരുതെന്നും കോടതി നിർദേശിച്ചു.

സ്വന്തം കുട്ടി പഴ്​സിൽനിന്ന്​ പണം മോഷ്​ടിച്ചുവെന്ന്​ ആരെങ്കിലും പരാതി നൽകുകയും ജയിലിൽ അടക്കുകയും ചെയ്യുമോ​െയന്നും പരാതിക്കാരിയായ സ്​ത്രീയുടെ അഭിഭാഷകനോട്​ ജഡ്​ജി ആരാഞ്ഞു.

തനിക്ക്​ വിശന്നിട്ടാണ്​ പലഹാരങ്ങൾ എടുത്തുകഴിച്ചതെന്ന്​ കുട്ടി​ കോടതിയിൽ ​മൊഴി നൽകിയിരുന്നു. കൂടാതെ മൊബൈലിൽ ഗെയിം കളിക്കുന്നതിന്​ എടുത്തതാണെന്നും കുട്ടി പറഞ്ഞു. കുട്ടിയു​ടെ പിതാവ്​ കിടപ്പുരോഗിയും അമ്മ മാനസികപ്രശ്​നമുള്ളയാളുമാണ്​. ഇതേ തുടർന്ന്​ കുട്ടിയുടെ ചുമതല അമ്മാവനെ ഏൽപ്പിച്ചു. കൂടാതെ കുട്ടിയു​െട വിദ്യാഭ്യാസവും മറ്റ്​ ആവശ്യങ്ങളും ഭോജ്​പൂർ ​ശിശു സംരക്ഷണ വകുപ്പിനോട്​ ഏറ്റെടുക്കാനും കോടതി നിർ​േദശിച്ചു.