പശുഇറച്ചി  കഴിച്ചുവെന്ന്​ ആരോപണം; ബിഹാറിൽ മുസ്​ലിംകൾക്ക്​ മർദനം

പട്​ന: പശുഇറച്ചി കഴിച്ചുവെന്ന്​ ആരോപിച്ച്​ ബിഹാറിൽ  മുസ്​ലിംകൾക്ക് നേരെ മർദനം. വെസ്​റ്റ്​ ചംബാരൻ ജില്ലയിലെ ദുമരയിലാണ്​ സംഭവം.മുഹമ്മദ്​ ശഹാബുദീൻ എന്നയാളെയാണ്​ പശുവിനെ കൊന്ന്​ ഇറച്ചി ഭക്ഷിച്ചുവെന്ന്​ ആരോപിച്ച്​ അമ്പതോളം വരുന്ന ആൾകുട്ടം മർദിച്ചത്​. ഇയാളുടെ അയൽവാസികളെയും സംഘം മർദിച്ചു.

 വിശ്വഹിന്ദ്​ പരിഷത്തി​​െൻറ പ്രവർത്തകരാണ് ആക്രമണത്തിന്​ പിന്നിൽ. ഭാരത്​ മാതാ കീ ജയ്​ എന്ന്​ അലറി വിളിച്ച്​കൊണ്ട്​ ശഹാബുദീ​​െൻറ വീട്ടിലെത്തിയ സംഘം ബീഫ്​ കഴിച്ചുവെന്ന്​ ആരോപിച്ച്​ മർദനം ആരംഭിക്കുകയായിരുന്നു. പിന്നീട്​ പൊലീസെത്തിയാണ്​ ഇയാളെ രക്ഷിച്ചത്​. സംഭവ സ്ഥലത്തെത്തിയ പൊലീസിന്​ നേരെയും കല്ലേറുണ്ടായി. 

ശഹാബുദീന്​ പുറമേ നാല്​ പേർക്ക്​ കൂടി മർദനത്തിൽ പരിക്കേറ്റു. ഇവർ ആശുപത്രിയിൽ ചികിൽസയിലാണ്​.  മതവികാരം വ്രണപ്പെടുത്തിയതുമായി ബന്ധപ്പെട്ട്​ ഏഴ്​ പേർക്കെതിരെ കേസെടുത്തതായി പൊലീസ്​ അറിയിച്ചു. എന്നാൽ മർദനം സംബന്ധിച്ച പരാതികളൊന്നും കിട്ടിയിട്ടില്ലെന്നും അവർ വ്യക്​തമാക്കി.