നീറ്റ്: ചോദ്യക്കടലാസുകൾ ഒത്തുനോക്കാനൊരുങ്ങി പൊലീസ്

പ​ട്ന: നീ​റ്റ് പ​രീ​ക്ഷ​യു​ടെ യ​ഥാ​ർ​ഥ ചോ​ദ്യ​ക്ക​ട​ലാ​സും പ​ട്ന​യി​ലെ ഒ​രു ഫ്ലാ​റ്റി​ൽ നി​ന്ന് ല​ഭി​ച്ച ചോ​ർ​ന്ന ചോ​ദ്യ​ക്ക​ട​ലാ​സും ഒ​ത്തു​നോ​ക്കാ​നൊ​രു​ങ്ങി ബി​ഹാ​ർ പൊ​ലീ​സി​ന്റെ സാ​മ്പ​ത്തി​ക കു​റ്റാ​ന്വേ​ഷ​ണ വി​ഭാ​ഗം. അ​റ​സ്റ്റി​ലാ​യ പ്ര​തി​ക​ളെ നു​ണ​പ​രി​ശോ​ധ​ന​ക്ക് വി​ധേ​യ​മാ​ക്കാ​നു​ള്ള സാ​ധ്യ​ത​ക​ളും അ​ന്വേ​ഷ​ണ സം​ഘം പ​രി​ശോ​ധി​ക്കു​ന്നു. ​

അ​റ​സ്റ്റി​ലാ​യ ചി​ല പ്ര​തി​ക​ൾ പ​ര​സ്പ​ര വി​രു​ദ്ധ​മാ​യ മൊ​ഴി​ക​ൾ ന​ൽ​കു​ക​യും മൊ​ഴി മാ​റ്റു​ക​യും ചെ​യ്യു​ന്ന​താ​യി ​ഉ​ദ്യോ​ഗ​സ്ഥ​ർ പ​റ​ഞ്ഞു. തു​ട​ർ​ന്നാ​ണ് നു​ണ​പ​രി​ശോ​ധ​ന സാ​ധ്യ​ത തേ​ടു​ന്ന​ത്. ചോ​ദ്യ​ക്ക​ട​ലാ​സ് ചോ​ർ​ച്ച​യു​മാ​യി ബ​ന്ധ​​പ്പെ​ട്ട് ക​ള്ള​പ്പ​ണം വെ​ളു​പ്പി​ക്ക​ൽ ന​ട​ന്നോ​യെ​ന്ന് എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റും (ഇ.​ഡി) അ​ന്വേ​ഷി​ക്കും.

കേ​സ​ന്വേ​ഷ​ണ​ത്തി​ന്റെ ഭാ​ഗ​മാ​യി പ​രീ​ക്ഷ ന​ട​ത്തി​പ്പു​കാ​രാ​യ നാ​ഷ​ന​ൽ ടെ​സ്റ്റി​ങ് ഏ​ജ​ൻ​സി​യോ​ട് (എ​ൻ.​ടി.​എ) യ​ഥാ​ർ​ഥ ചോ​ദ്യ​ക്ക​ട​ലാ​സു​ക​ൾ ന​ൽ​കാ​ൻ ബി​ഹാ​ർ പൊ​ലീ​സ് ആ​വ​ശ്യ​പ്പെ​ട്ടി​രു​ന്നു. ഇ​ത് ല​ഭി​ച്ച​താ​യും പ​ട്‌​ന​യി​ലെ ഒ​രു ഫ്ലാ​റ്റി​ൽ നി​ന്ന് പി​ടി​ച്ചെ​ടു​ത്ത ഭാ​ഗി​ക​മാ​യി ക​ത്തി​പ്പോ​യ ചോ​ദ്യ​ക്ക​ട​ലാ​സു​മാ​യി ഒ​ത്തു​നോ​ക്കു​മെ​ന്നും പൊ​ലീ​സ് അ​റി​യി​ച്ചു. രേ​ഖ​ക​ളു​ടെ ഫോ​റ​ൻ​സി​ക് പ​രി​ശോ​ധ​ന​യും ന​ട​ത്തും.

കേ​സി​ൽ ക​ള്ള​പ്പ​ണം വെ​ളു​പ്പി​ക്ക​ൽ ത​ട​യ​ൽ നി​യ​മ​പ്ര​കാ​രം ഇ.​ഡി കേ​സെ​ടു​ക്കു​ക​യാ​ണെ​ങ്കി​ൽ പ്ര​തി​ക​ളു​ടെ സ്വ​ത്ത് ക​ണ്ടു​കെ​ട്ടാ​നു​ള്ള ന​ട​പ​ടി തു​ട​ങ്ങും. സാ​മ്പ​ത്തി​ക കു​റ്റാ​ന്വേ​ഷ​ണ വി​ഭാ​ഗ​ത്തി​ലെ ഉ​ന്ന​ത ഉ​ദ്യോ​ഗ​സ്ഥ​ർ അ​ന്വേ​ഷ​ണ​ത്തി​ന്റെ ഭാ​ഗ​മാ​യി ഡ​ൽ​ഹി​യി​ലേ​ക്ക് പു​റ​പ്പെ​ട്ടി​ട്ടു​ണ്ട്. ​

കേ​ന്ദ്ര വി​ദ്യാ​ഭ്യാ​സ വ​കു​പ്പി​ലെ ഉ​ന്ന​ത​രു​മാ​യി സം​ഘം ച​ർ​ച്ച ന​ട​ത്തും. പ​രീ​ക്ഷ​യി​ൽ ഗു​രു​ത​ര​മാ​യ കു​റ്റ​കൃ​ത്യ​ങ്ങ​ൾ ന​ട​ന്നി​ട്ടു​ണ്ടെ​ന്നും പേ​പ്പ​ർ ചോ​ർ​ന്നെ​ന്ന് തോ​ന്നു​ന്ന​താ​യും ബി​ഹാ​ർ മു​ൻ ഡി.​ജി.​പി അ​ഭ​യാ​ന​ന്ദ് വാ​ർ​ത്ത ഏ​ജ​ൻ​സി​യോ​ട് പ​റ​ഞ്ഞു.