ബിഹാറിലെ അഭയകേന്ദ്രത്തി​ൽ ലൈംഗിക പീഡനത്തിന്​ ഇരയായത്​ 34 പെൺകുട്ടികൾ

പാട്​ന: ബിഹാറിലെ മുസഫർപൂരിൽ സംസ്​ഥാന സർക്കാറി​​​​​​െൻറ കീഴിലുള്ള അഭയകേന്ദ്രത്തിൽ 34 പെൺകുട്ടികൾ ലൈംഗിക പീഡിനത്തിനിരയായെന്ന്​ പുതിയ മെഡിക്കൽ റിപ്പോർട്ട്​. 44 അന്തേവാസികളിൽ 21 പേർ ​ൈലംഗിക പീഡനത്തിനരയായെന്ന്​​ നേരത്തെ സ്​ഥിരീകരിച്ചിരുന്നു. പുതിയ റിപ്പോർട്ടിലാണ്​ 34 പെൺകുട്ടികൾ പീഡനത്തിനിരയായിട്ടുണ്ടെന്ന്​ വ്യക്​തമായത്​. സംഭവത്തിൽ പ്രതികളായ 11പേരിൽ 10 പേരെയും പൊലീസ്​ അറസ്​റ്റ്​ ചെയ്​തിട്ടുണ്ട്​. 

അന്തേവാസികളായ പെൺകുട്ടികളെ അഭയ​േ​​കന്ദ്രം ജീവനക്കാരും രാഷ്​ട്രീയക്കാരും ലൈംഗികമായി പീഡിപ്പിച്ചു​െവന്നാണ്​ കേസ്​. ലൈംഗിക ബന്ധത്തിനു വിസമ്മതിച്ച പെൺകുട്ടിയെ ബലാത്​സംഗത്തിനിരയാക്കി കത്തിച്ച്​ മൃതദേഹം അഭയകേന്ദ്രത്തി​​​െൻറ മുറ്റത്ത്​ കുഴിച്ചുമൂടിയെന്നും മൊഴിയുണ്ടായിരുന്നു. സംഭവം നേരത്തെ അറിഞ്ഞിട്ടും പുറത്തറിയിക്കാതെ സർക്കാർ മൂടിവെച്ചുവെന്ന്​ ആരോപണമുയർന്നിരുന്നു.  പീഡനത്തിനിരയായ പെൺകുട്ടികളുമായി അഭിമുഖം നടത്തി ടാറ്റ ഇൻസ്​റ്റിറ്റ്യൂട്​ ഒാഫ്​ സോഷ്യൽ സയൻസ്​ റിപ്പോർട്ട്​ പ്രസിദ്ധീകരിച്ചതോടെയാണ്​ സംഭവം പുറത്തറിഞ്ഞത്​.

സംഭവം വിവാദമായതോടെ അന്വേഷണത്തിന്​ ഉത്തരവിട്ട സർക്കാർ വ്യാഴാഴ്​ച കേസന്വേഷണം സി.ബി.​െഎക്ക്​ കൈമാറുകയും ചെയ്​തു. ബലാത്​സംഗത്തിനിരയാക്കി മർദിച്ച്​ കൊന്ന്​ കത്തിച്ച ശേഷം അഭയ​േ​കന്ദ്രത്തി​​​​​​െൻറ മുറ്റത്തു തന്നെ കുഴിച്ചു മൂടിയ മൃതദേഹം കഴിഞ്ഞ തിങ്കളാഴ്​ച പൊലീസ്​ പുറത്തെടുത്തിരുന്നു. സംഭവം വിവാദമാതയതോടെ അഭയ​േകന്ദ്രത്തിൽ കഴിയുന്ന 44 പെൺകുട്ടികളിൽ 14പേരെ മധുബനിയിലെ കേന്ദ്രത്തിലേക്കും 14 പേരെ മൊകാമയിലേക്കും 16പേരെ പാട്​നയിലേക്കും മാറ്റിയിരുന്നു.