'ബിഹാറി ഗുണ്ട' പരാമർശം: തൃണമൂലിന്​ ഹിന്ദി സംസാരിക്കുന്നവരോട്​ അലർജിയാണെന്ന്​ ബി.ജെ.പി എം.പി

ന്യൂഡൽഹി: തൃണമൂൽ കോൺഗ്രസിന്​ ഹിന്ദി സംസാരിക്കുന്നവരെ കാണു​​േമ്പാൾ അലർജിയാണെന്ന്​ ബി.ജെ.പി എം.പി നിഷികാന്ത്​ ദുബെ. ബിഹാറി ഗുണ്ടയെന്ന പരാമർശത്തിൽ തൃണമൂൽ എം.പി മഹുവ മൊയിത്ര മാപ്പ്​ പറയണയെന്നും ദുബെ ആവശ്യപ്പെട്ടു.

കഴിഞ്ഞ ദിവസം പാർലമെന്‍ററി സ്റ്റാന്‍ഡിങ്​ കമ്മിറ്റി യോഗത്തിനിടെ തന്നെ മൊയിത്ര ബിഹാറി ഗുണ്ടയെന്ന്​ വിളിച്ചുവെന്നാണ്​ ദുബെയുടെ ആരോപണം. ഹിന്ദി സംസാരിക്കുന്ന മുഴുവൻ പേരെയും അപമാനിക്കുകയാണ്​ തൃണമൂൽ കോൺഗ്രസ്​ എം.പി ചെയ്​തിരിക്കുന്നത്​.

ഉത്തരേന്ത്യക്കാർക്കെതിരെ മോശം ഭാഷയാണ്​ നിങ്ങളുടെ എം.പിമാർ പ്രയോഗിച്ചിരിക്കുന്നതെന്ന്​ മമത ബാനർജിയെ ഓർമിപ്പിക്കുകയാണെന്നും​ ദുബെ പറഞ്ഞു. ട്വിറ്ററിലൂടെയാണ്​ ദു​ബെയുടെ പരാമർശം.