മതപരിവർത്തന നിരോധന നിയമത്തിനൊരുങ്ങി കർണാടക​; ബിഷപ്പുമാർ മുഖ്യമന്ത്രിയെ സന്ദർശിച്ചു

ബംഗളൂരു: കർണാടകയിൽ മത പരിവർത്തന നിരോധന നിയമം നടപ്പാക്കാനൊരുങ്ങുന്നുവെന്ന വാർത്തകൾക്കിടെ കത്തോലിക്ക ബിഷപ്പുമാരുടെ സംഘം മുഖ്യമന്ത്രി ബസവരാജ്​​ ബൊമ്മെയെ സന്ദർശിച്ചു. മതപരിവർത്തനം തടയുന്ന നിയമത്തിലുള്ള ആശങ്കകളും അഭിപ്രായങ്ങളും അറിയിക്കാനാണ്​ സന്ദർശനം.

സന്ദർശനത്തിൽ മറ്റു വിഷയങ്ങളും ചർച്ചയായിട്ടുണ്ട്​. സംസ്ഥാനത്ത്​ നിർബന്ധിത മത പരിവർത്തനം നടത്തുന്നുവെന്ന വാർത്തകളെ ബാംഗ്ലൂർ ആർച്​ ബിഷപ്പ്​ റെവനനന്‍റ്​ പീറ്റർ മെക്കഡോ നിഷേധിച്ചു. ഓരോ ബിഷപ്പുമാരുടെ കീഴിലും നൂറുകണക്കിന്​ സ്​കൂളുകളും കോളജുകളും ആശുപത്രികളും നടത്തുന്നുണ്ടെന്നും ഒരു വിദ്യാർഥിയോട്​ പോലും മതം മാറാൻ നിർദേശിട്ടി​ല്ലെന്നും ആർച്ച്​ ബിഷപ്പ്​ പറഞ്ഞു. ​

തന്‍റെ അമ്മയെ ക്രിസ്​ത്യൻ മിഷണറിമാർ മതം മാറ്റിയെന്ന്​ ആരോപിച്ച്​ ബി.ജെ.പി എം.എൽ.എ ഗൂലിഹട്ടി ശേഖർ രംഗത്തെത്തിയിരുന്നു​. തന്‍റെ അമ്മയെ ബ്രയിൻ വാഷ്​ ചെയ്​ത്​ ക്രിസ്​ത്യാനിയാക്കിയെന്നാണ്​ ഹൊസദുഗ എം.എൽ.എ കൂടിയായ ഗൂലിഹട്ടി ശേഖറി​ൈന്‍റ ആരോപണം.

''ക്രിസ്​ത്യൻ മിഷണറിമാർ ഹൊസദുർഗ നിയമസഭ മണ്ഡലത്തിൽ വ്യാപകമായി മതം മാറ്റം നടത്തുകയാണ്​. അവർ 18000 മുതൽ 20000 ഹിന്ദുക്കളെ വരെ ക്രിസ്​ത്യാനികളാക്കി. അവർ തന്‍റെ അമ്മയെ വരെ മതം മാറ്റി. അവർ ഇപ്പോൾ നെറ്റിയിൽ കുങ്കുമം ചാർത്താൻ വിസമ്മതിക്കുകയാണ്​. എന്‍റെ അമ്മയുടെ മൊബൈൽ റിങ്​ടോൺ വരെ ക്രിസ്​ത്യൻ പ്രാർഥന ഗീതമാക്കി. ഇപ്പോൾ വീട്ടിൽ പൂജ നടത്താൻ വരെ പ്രയാസമാണ്​. അമ്മയോടെന്തെങ്കിലും പറഞ്ഞാൽ അവർ ജീവിതം അവസാനിപ്പിക്കുമെന്ന്​ പറയുകയാണ്'' -ശേഖർ ആരോപിച്ചു.

ഇതിന്​ പിന്നാലെ മത പരിവർത്തന നിയന്ത്രണ ബിൽ പാസാക്കാ​െനാരുങ്ങുകയാണ്​ കർണാടകയെന്ന്​ വാർത്തകൾ ഉണ്ടായിരുന്നു. സംസ്ഥാന ആഭ്യന്തര മന്ത്രി അരഗ ജ്ഞാനേന്ദ്ര ചൊവ്വാഴ്ച ഇതുസംബന്ധിച്ച പ്രസ്​താവന ഇറക്കി​. മുൻ സ്​പീക്കറും നഗ്​തൻ എം.എൽ.എയുമായ ദേവാനന്ദും സംസ്ഥാനത്ത്​ വ്യാപക മതപരിവർത്തനം നടത്തുകയാണെന്ന്​ ആരോപിച്ചു. നേരത്തേ ഉത്തർ പ്രദേശ്​, മധ്യപ്രദേശ്, ഗുജറാത്ത്​ അടക്കമുള്ള സംസ്ഥാനങ്ങൾ മതപരിവർത്തനത്തിനെതിരെ നിയമം പാസാക്കിയിരുന്നു.