കൂടുമാറാനൊരുങ്ങി പ്രതിപക്ഷ നേതാക്കൾ; സ്വീകരിക്കാൻ ബി.ജെ.പിയുടെ ‘മെഗാ ഷോ’

മുംബൈ: മഹാരാഷ്​ട്രയിലെ കോൺഗ്രസ്​, എൻ.സി.പി നേതാക്കളെ പാർട്ടിയിലേക്ക്​ സ്വീകരിക്കാൻ ‘മെഗാ ഷോ’ക്ക്​ ഒരുങ്ങി ബി.ജെ.പി. ബുധനാഴ്​ച നഗരത്തിലെ ഗർവാരെ ക്​ളബിലാണ്​ ‘മെഗാ ഷോ’. ചടങ്ങിൽ ‘രാഷ്​ട്രീയ ഭൂകമ്പം’ കാണാമെന്ന്​ ബി.ജെ.പി മ ഹാരാഷ്​ട്ര അധ്യക്ഷൻ ചന്ദ്രകാന്ത്​ പാട്ടീൽ പറഞ്ഞു.

എൻ.സി.പി സതാര എം.എൽ.എയും മറാത്ത ചക്രവർത്തി ശിവജിയുടെ പിൻമുറക്കാരനുമായ ശിവേന്ദ്ര രാജെ ഭോസ്​ലെ ചൊവ്വാഴ്​ച സ്​പീക്കർക്ക്​ രാജികത്തു നൽകിയത്​ ബി.ജെ.പിയുടെ അവകാശവാദങ്ങൾ ശരിവെക്കുന്നു. ഇതിന്​ പുറമെ കഴിഞ്ഞ ദിവസം മുൻ മന്ത്രിയും എൻ.സി.പിയിലെ പ്രമുഖനുമായ ഗണേഷ്​ നായിക്​ തന്‍റെ അനുയായികളായ 52 നവിമുംബൈ നഗരസഭാംഗങ്ങളുമായി കൂടിക്കാഴ്​ച നടത്തിയിരുന്നു. നായികിന്‍റെ ഒരു മകൻ നവിമുംബൈ നഗരസഭ മേയറും മറ്റൊരു മകൻ എം.എൽ.എയുമാണ്​. മറ്റൊരു എൻ.സി.പി എം.എൽ.എ വൈഭവ്​ പിച്ചഡ്​, എൻ.സി.പിയുടെ മഹിളാ വിഭാഗം അധ്യക്ഷ പദവി രാജിവെച്ച ചിത്ര വാഗ്​ തുടങ്ങിയവരും ബുധനാഴ്​ച ബി.ജെ.പിയിൽ ചേരുമെന്നാണ്​ സൂചന.

ഇതിനിടയിൽ, എൻ.സി.പി നേതാവും മുൻ മന്ത്രിയുമായിരുന്ന മനോഹർ നായികും മകൻ ഇന്ദ്രനീൽ നായികും ശിവസേനയിൽ ചോരാൻ ഒരുങ്ങുകയാണ്​. ദിവസങ്ങൾക്ക്​ മുമ്പ്​ എൻ.സി.പി മുംബൈ അധ്യക്ഷൻ സച്ചിൻ ആഹിർ ശിവസേനയിൽ ചേർന്നിരുന്നു. സി.ബി.െഎ, എൻഫോഴ്​സ്​മ​െൻറ്​ ഏജൻസികളെ ദുരുപയോഗം ചെയ്​ത്​ തോക്കളെ ഭീഷണിപെടുത്തി ബി.ജെ.പിയിൽ ചേർക്കുകയാണെന്ന്​ എൻ.സി.പി അധ്യക്ഷൻ ശരദ്​ പവാർ ആരോപിച്ചു. അടുത്ത 20 വർഷം ബി.ജെ.പിയുടെ ഭരണമാകുമെന്ന തിരിച്ചറിവാണ്​ നേതാക്കളുടെ കൂട്ടകാലുമാറ്റത്തിന്​ പിന്നിലെന്ന്​ ചന്ദ്രകാന്ത്​ പാർട്ടീൽ പറഞ്ഞു