മോദി ഇന്ത്യയി​െലത്തി; വരവേൽപ്പുമായി ബി.ജെ.പി

ന്യൂഡൽഹി: പഞ്ചദിന യു.എസ്​ സന്ദർശനത്തിന്​ ശേഷം ന​രേന്ദ്ര മോദി ഇന്ത്യയിലെത്തി. ബി.ജെ.പി ​അധ്യക്ഷൻ ജെ.പി നദ്ദയുടെ നേതൃത്വത്തിൽ മോദിക്ക്​ ഡൽഹി വിമാനത്താവളത്തിൽ വരവേൽപ്പ്​ നൽകി. ജോ ബൈഡൻ അമേരിക്കൻ പ്രസിഡന്‍റായി അധികാരമേറ്റ ശേഷമുള്ള മോദിയുടെ ആദ്യ സന്ദർശനമാണ്​ അവസാനിച്ചത്​.

മോദിയുടെ അഞ്ചുദിവസത്തെ യു.എസ്​ സന്ദർശനം ലോകത്തിന്​ മുന്നിൽ ഇന്ത്യയുടെ കാഴ്ചപ്പാട്​ മാറ്റിയെന്ന്​ ജെ.പി നദ്ദ അഭിപ്രായപ്പെട്ടു. കോടിക്കണക്കിന്​ ഇന്ത്യക്കാർക്കായി ഞങ്ങ​ൾ അദ്ദേഹത്തെ സ്വാഗതം ചെയ്യുന്നുവെന്നും നദ്ദ കൂട്ടിച്ചേർത്തു.

ഐ​ക്യ​രാ​ഷ്​​ട്ര​സ​ഭ ര​ക്ഷാ​സ​മി​തി​യി​ൽ ഇ​ന്ത്യ​യു​ടെ സ്ഥി​രാം​ഗ​ത്വ​ത്തി​ന്​ അ​മേ​രി​ക്ക​ പി​ന്തു​ണ നൽകാമെന്ന്​ പ്ര​സി​ഡ​ന്‍റ്​ ജോ​ബൈ​ഡ​ൻ അറിയിച്ചിരുന്നു. ന്യൂ​ക്ലി​യ​ർ സ​പ്ലൈ ഗ്രൂ​പ്പി​ൽ പ്ര​വേ​ശ​ന​ത്തി​ന്​ ഇ​ന്ത്യ​ക്കു​ള്ള പി​ന്തു​ണ​യും, വൈ​റ്റ്​​ഹൗ​സി​ൽ ന​ട​ന്ന ഉ​ഭ​യ​ക​ക്ഷി ച​ർ​ച്ച​യി​ൽ അ​മേ​രി​ക്ക​ൻ പ്ര​സി​ഡ​ന്‍റ്​ പ്ര​ഖ്യാ​പി​ച്ചു. വി​പു​ലീ​ക​രി​ക്കു​ന്ന യു.​എ​ൻ ര​ക്ഷാ​സ​മി​തി​യി​ൽ ഇ​ന്ത്യ​ക്കും ബ​ഹു​ക​ക്ഷി സ​ഹ​ക​ര​ണ​ത്തി​ൽ മു​ന്നി​ലു​ള്ള മ​റ്റു രാ​ജ്യ​ങ്ങ​ൾ​ക്കും അം​ഗ​ത്വ​ത്തി​ന്​ അ​മേ​രി​ക്ക പി​ന്തു​ണ ന​ൽ​കു​ന്ന​താ​യി ഇ​ന്ത്യ-​യു.​എ​സ്​ സം​യു​ക്ത പ്ര​സ്​​താ​വ​ന പ​റ​ഞ്ഞു.

വീ​റ്റോ അ​ധി​കാ​ര​മ​ട​ക്കം ശ​ക്ത​മാ​യ പ​ദ​വി​യു​ള്ള സ്ഥി​രാം​ഗ​ത്വ​ത്തി​നു വേ​ണ്ടി ഇ​ന്ത്യ ന​ട​ത്തു​ന്ന ശ്ര​മ​ങ്ങ​ൾ​ക്ക്​ ക​രു​ത്തു പ​ക​രു​ന്ന​താ​ണ്​ ബൈ​ഡ‍െൻറ പി​ന്തു​ണ. ര​ക്ഷാ​സ​മി​തി വി​പു​ലീ​ക​രി​ക്ക​ണ​മെ​ന്ന ഇ​ന്ത്യ​യു​ടെ കാ​ല​ങ്ങ​ളാ​യു​ള്ള ആ​വ​ശ്യ​ത്തി​നും ഇ​തു ശ​ക്തി പ​ക​രും. റ​ഷ്യ, അ​മേ​രി​ക്ക, ബ്രി​ട്ട​ൻ, ചൈ​ന, ഫ്രാ​ൻ​സ്​ എ​ന്നി​വ​ക്കാ​ണ്​ നി​ല​വി​ൽ ര​ക്ഷാ​സ​മി​തി അം​ഗ​ത്വ​മു​ള്ള​ത്. നി​ല​വി​ലെ ലോ​ക സാ​ഹ​ച​ര്യം ക​ണ​ക്കി​ലെ​ടു​ത്ത്​ സ​മി​തി അം​ഗ​ങ്ങ​ളു​ടെ എ​ണ്ണം വ​ർ​ധി​പ്പി​ക്ക​ണ​മെ​ന്നാ​ണ്​ ഇ​ന്ത്യ​യ​ട​ക്ക​മു​ള്ള രാ​ജ്യ​ങ്ങ​ളു​ടെ കാ​ല​ങ്ങ​ളാ​യു​ള്ള ആ​വ​ശ്യം.