ഡൽഹി മുൻസിപ്പൽ തെരഞ്ഞെടുപ്പ്: ബി.ജെ.പി കുതിരക്കച്ചവടത്തിനുള്ള ശ്രമം തുടങ്ങിയെന്ന് മനീഷ് സിസോദിയ

ന്യൂഡൽഹി: ഡൽഹിയിൽ മുൻസിപ്പൽ തെരഞ്ഞെടുപ്പ് ഫലത്തിന് പിന്നാലെ ബി.ജെ.പി കുതിരക്കച്ചവടത്തിനുള്ള ശ്രമം തുടങ്ങിയെന്ന ആരോപണവുമായി മനീഷ് സിസോദിയ. ബി.ജെ.പി കളി തുടങ്ങിയിരുന്നു. പുതുതായി തെരഞ്ഞെടുക്കപ്പെട്ട കൗൺസിലർമാരെ ബി.ജെ.പി ഫോണിൽ വിളിക്കാൻ ആരംഭിച്ചിരിക്കുന്നു. ഞങ്ങളുടെ ഒരു കൗൺസിലറേയും വിൽക്കില്ല. ആരെങ്കിലും വിളിച്ചാൽ അവരുടെ ഫോൺകോൾ റെക്കോർഡ് ചെയ്യാൻ കൗൺസിലർമാരോട് ആവശ്യപ്പെട്ടിട്ടുണ്ടെന്ന് അദ്ദേഹം ട്വീറ്റ് ചെയ്തു.

തു​ട​ർ​ച്ച​യാ​യ 15 വ​ർ​ഷ​ത്തെ ബി.​ജെ.​പി ഭ​ര​ണം അ​ട്ടി​മ​റി​ച്ച്​ രാ​ജ്യ​ത​ല​സ്ഥാ​ന​ത്തെ ന​ഗ​ര​സ​ഭ ഭ​ര​ണം ആം ​ആ​ദ്​​മി പാ​ർ​ട്ടി ​കൈ​യ​ട​ക്കിയത്. 250ൽ 134 ​സീ​റ്റും ആ​പി​ന്. നി​യ​മ​സ​ഭ​ക്കൊ​പ്പം ഡ​ൽ​ഹി മു​നി​സി​പ്പ​ൽ കോ​ർ​പ​റേ​ഷ​നി​ലും ആ​പ്​ വി​ജ​യ​ക്കൊ​ടി പാ​റി​ച്ച​ത്​ ബി.​ജെ.​പി​ക്കും കോ​ൺ​ഗ്ര​സി​നും ക​ന​ത്ത തി​രി​ച്ച​ടി​യാ​യി.

മൂ​ന്ന്​ മു​നി​സി​പ്പ​ൽ കോ​ർ​പ​റേ​ഷ​നു​ക​ൾ ല​യി​പ്പി​ച്ച്​​ ഒ​റ്റ കോ​ർ​പ​റേ​ഷ​ൻ ആ​ക്കി​യ​തി​നു​ശേ​ഷം ന​ട​ക്കു​ന്ന ആ​ദ്യം തെ​ര​ഞ്ഞെ​ടു​പ്പി​ലാ​ണ്​ ആ​പി​ന്‍റെ​ ച​രി​ത്ര​വി​ജ​യം. ക​ഴി​ഞ്ഞ കോ​ർ​പ​റേ​ഷ​ൻ തെ​ര​ഞ്ഞെ​ടു​പ്പി​നേ​ക്കാ​ൾ 90 സീ​റ്റു​ക​ൾ അ​ധി​കം ആ​പ്​ ​നേ​ടി. 103 സീ​റ്റു​ക​ളാ​ണ്​ ബി.​ജെ.​പി​ക്ക്​ ല​ഭി​ച്ച​ത്. ദു​ർ​ബ​ല​രാ​യ കോ​ൺ​ഗ്ര​സി​ന്​ കൂ​ടു​ത​ൽ സീ​റ്റു​ക​ൾ വീ​ണ്ടും ന​ഷ്ട​മാ​യി. 19 സീ​റ്റു​ക​ളി​ൽ​നി​ന്ന്​ ഒ​മ്പ​തി​ലേ​ക്ക്​ ചു​രു​ങ്ങി. സ്വ​ത​ന്ത്ര​ർ മൂ​ന്ന്​ സീ​റ്റ് നേ​ടി.