ബി.ജെ.പി​ രാജ്യസഭയിൽ ഏറ്റവും വലിയ ഒറ്റകക്ഷി; സഹായിച്ചത് സമ്പാതിയ 

ന്യുഡൽഹി: മധ്യപ്രദേശിൽ നിന്നുള്ള പുതിയ എം.പി സമ്പാതിയ ഉകെ ബി.ജെ.പിക്ക്​ പുതിയ ചരിത്രം സൃഷ്ടിച്ചിരിക്കുകയാണ്​. 65 വർഷമായി രാജ്യസഭയിൽ കോൺഗ്രസിനുള്ള മേൽക്കൈ തകർത്തെറിഞ്ഞ്​ ബി.ജെ.പി​െയ ഏറ്റവും വലിയ ഒറ്റകക്ഷിയാക്കാൻ സഹായിച്ചു​െവന്നതാണ്​ ആ ദൗത്യം. ബി.​െജ.പിക്ക് നിലവിൽ 58 അംഗങ്ങളാണ്​ രാജ്യസഭയിൽ ഉള്ളത്​. കോൺഗ്രസിന്​ 57 പേരെ ഉള്ളൂ. എന്നാല​ും 245 സീറ്റുകളിൽ ഭൂരിപക്ഷം ലഭിക്കാൻ ബി.ജെ.പിക്ക്​ ഇനിയും എം.പിമാർ വേണം. 

2018 വരെ കോൺഗ്രസായിരുന്നു രാജ്യസഭയിലെ ഏറ്റവും വലിയ ഒറ്റ കക്ഷിയാകേണ്ടിയിരുന്നത്​. എന്നാൽ, രണ്ട്​ എം.പിമാരുടെ മരണം അവരെ പിന്നോട്ടടിപ്പിച്ചു. കേന്ദ്രമന്ത്രിയും രാജ്യസഭാംഗവുമായിരുന്ന അനിൽ മാധവ്​ ധവെയുടെ മരണത്തെ തുടർന്ന്​ ഒഴിഞ്ഞ സീറ്റിലാണ്​ സമ്പാതിയ ഉകെ മത്​സരിച്ചത്​. 

അടുത്ത ചൊവ്വാഴ്​ച ഒമ്പത്​ രാജ്യസഭാ സീറ്റുകളിലേക്ക്​ തെരഞ്ഞെടുപ്പ്​ നടക്കും, ആറെണം പശ്​ചിമ ബംഗാളിലും മൂന്നെണം ഗുജറാത്തിലും. അമിത്​ഷായും സ്​മൃതി ഇറാനിയും മത്​സരിക്കുന്ന ഗുജറാത്തി​െല രണ്ടു സീറ്റുകളിൽ വിജയം ബി.​ജെ.പി ഉറപ്പിച്ചിരിക്കുകയാണ്​. ഗുജറാത്തിൽ മത്​സരിക്കുന്ന കോൺഗ്രസി​​​​െൻറ അഹമ്മദ്​ പ​​േട്ടലിനെ തോൽപ്പിക്കുവാൻ വേണ്ട​െതല്ലാം ബി.ജെ.പി ചെയ്യുന്നുമുണ്ട്​. 

ബംഗാളിൽ രണ്ടു കോൺഗ്രസ്​ എം.പിമാരു​െട കാലാവധി അവസാനിച്ചിരിക്കുന്നു. എന്നാൽ, ഒരു സീറ്റിൽ മാത്രമേ പാർട്ടിക്ക്​ വിജയം ഉറപ്പുള്ളൂ. സംസഥാന നിയമസഭാ തെരഞ്ഞെടുപ്പിൽ വൻ വിജയം നേടിയ തൃണമൂൽ കോൺഗ്രസ്​ അഞ്ചു സീറ്റുകളിൽ  മത്​സരിക്കുന്നുണ്ട്​. ഉത്തർ പ്രദേശ്​ നിയമസഭാ തെരഞ്ഞെടുപ്പിൽ വൻ വിജയം ബി.ജെ.പി നേടിയതോടെ അവിടെ നിന്നുള്ള ഒമ്പത്​ രാജ്യസഭാ സീറ്റിൽ എ​െട്ടണ്ണത്തിലും വിജയം വരിക്കാൻ ബി.ജെ.പിക്കായി. ഇതാണ്​ രാജ്യസഭയിൽ ഏറ്റവും വലിയ ഒറ്റ കക്ഷിയാകാൻ ബി.ജെ.പിയെ സഹായിച്ചത്​. 

സംസ്​ഥാന നിയമസഭകളിലെ അംഗങ്ങളാണ്​ രാജ്യസഭാ എം.പിമാരെ തെരഞ്ഞെടുക്കുന്നത്​. ​ആറു വർഷമാണ് രാജ്യസഭാ അംഗത്തിന്‍റെ കാലാവധി.