വെന്‍റിലേറ്ററിലുള്ള കോവിഡ്​ രോഗിക്ക്​ ഗോമൂത്രം ഒഴിച്ചുനൽകി ബി.ജെ.പി പ്രവർത്തകൻ VIDEO

ന്യൂഡൽഹി: വെന്‍റിലേറ്ററിൽ അത്യാസന്ന നിലയിൽ കിടക്കുന്ന രോഗിക്ക്​ ഗോമൂത്രം ഒഴിച്ചു നൽകുന്ന ബി.ജെ.പി പ്രവർത്തകന്‍റെ വിഡിയോ വൈറലാകുന്നു. പി.പി.ഇ കിറ്റിനൊപ്പം ബി.ജെ.പി ചിഹ്നം പതിപ്പിച്ച ഷാൾ ധരിച്ചാണ്​ പ്രവർത്തകൻഗോമൂത്രം നൽകുന്നത്.

സംഭവം നാണക്കേടാണെന്നും ഈ സർക്കാറിനെതിരെ പറയാൻ ഇനി വാക്കുകൾ ഒന്നു​മില്ലെന്നുമുള്ള അടിക്കുറിപ്പോടെ യൂത്ത്​ കോൺഗ്രസ്​ ഔദ്യോഗിക പേജാണ്​ വിഡിയോ പങ്കുവെച്ചത്​. എന്നാൽ സംഭവം വലിയ പ്രധാന്യത്തോടെ പങ്കുവെച്ച സൂറത്തിലെ ബി.ജെ.പി ലീഡർ കിഷോർ ബിൻഡാൽ വ്യാപക പരിഹാസങ്ങളുയർ​ന്നതോടെ വിഡിയോ ഡിലീറ്റ്​ ചെയ്​ത്​ രക്ഷപ്പെട്ടു.