ഡൽഹിയിൽ ബി.ജെ.പി നേതാവിനെയും സുരക്ഷ ഉദ്യോഗസ്ഥനെയും വെടിവെച്ച്​ കൊന്നു

ന്യൂഡൽഹി: ഡൽഹിയിലെ ഗ്രേറ്റർ നോയിഡയിൽ ബി.ജെ.പി നേതാവിനെയും അദ്ദേഹത്തി​​​െൻറ സുരക്ഷ ഉദ്യോഗസ്ഥനെയും അജ്ഞാതർ വെടിവെച്ച്​ കൊന്നു. ബി.ജെ.പി നേതാവ്​ ശിവകുമാറും സുരക്ഷ ഉദ്യോഗസ്ഥനുമാണ്​ കൊല ചെയ്യപ്പെട്ടത്​. നോയിഡയിലെ ബിസാരാഗ്​ എരിയയിലാണ്​ വെടിവെപ്പുണ്ടായത്​​. 

ഫോർച്യൂണറിൽ സഞ്ചരിക്കുയായിരുന്ന ശിവ​കുമാറിന്​ നേരെ ബൈക്കിലെത്തിയ അജ്ഞാത സംഘം വെടിയുതിർക്കുകയായിരുന്നു. വെടിവെപ്പിനെ തുടർന്ന്​ കാർ അടുത്തുള്ള ഡിവൈഡറിൽ ഇടിച്ചു.

ശിവകുമാറിനൊപ്പം കാറിലുണ്ടായിരുന്ന മറ്റ്​ രണ്ട്​ പേർക്ക്​ പരിക്കേറ്റിട്ടുണ്ട്​. ഇവരെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തെ കുറിച്ച്​ അന്വേഷണം ആരംഭിച്ചതായി പൊലീസ്​ അറിയിച്ചു.