ബിഹാറിൽ ബി.ജെ.പി പ്രാദേശിക നേതാവ്​ വെടിയേറ്റ്​ മരിച്ചു

മുസാഫര്‍പുര്‍: ബിഹാറിലെ മുസാഫര്‍പുരില്‍ ബി.ജെ.പിയുടെ പ്രാദേശിക നേതാവ് വെടിയേറ്റ്​ മരിച്ചു. ബൈജു പ്രസാദ് ഗുപ് തയാണ് അജ്ഞാത​​​​െൻറ വെടിയേറ്റ് മരിച്ചത്.

മെഡിക്കല്‍ സ്‌റ്റോര്‍ നടത്തി വരികയായിരുന്ന ബൈജു പ്രസാദി​​​​െൻറ കടയില്‍ മരുന്ന് വാങ്ങാനെന്ന വ്യാജേന എത്തിയതായിരുന്നു അക്രമി. മരുന്ന് ആവശ്യപ്പെട്ടതിനു ശേഷം ഇയാള്‍ ബൈജുവിനെ നേരെ നിറയൊഴിക്കുകയായിരുന്നു. ആശുപത്രിയിലെത്തിച്ചെങ്കിലും ബൈജു പ്രസാദ് മരിച്ചു.

സംഭവസ്ഥലത്തു നിന്നും ബുള്ളറ്റ്​ ഷെൽ ലഭിച്ചതായി പൊലീസ്​ പറഞ്ഞു. വെടിവെച്ചയാളെ തിരിച്ചറിഞ്ഞിട്ടില്ല. ഒരാള്‍ക്ക് വെടിയേറ്റു എന്ന വിവരം ലഭിച്ചതിനെ തുടര്‍ന്നാണ് സ്ഥലത്തെത്തിയതെന്നും ബൈജു പ്രസാദിനെ അക്രമിക്കാനുള്ള കാരണമെന്താണെന്ന് അന്വേഷിച്ചു വരികയാണെന്നും പൊലീസ് അറിയിച്ചു. പ്രതിക്കായുള്ള തെരച്ചിൽ ഉൗർജിതമാക്കിയിട്ടുണ്ട്​.