ദീപാവലിക്ക്​ പടക്കംപൊട്ടിക്കുന്നതിനിടെ പൊള്ളലേറ്റു; എം.പിയുടെ കൊച്ചുമകൾ മരിച്ചു

ന്യൂഡൽഹി: ബി.ജെ.പി എം.പിയുടെ കൊച്ചുമകൾ പൊള്ളലേറ്റ്​ മരിച്ചു. ദീപാവലിക്ക്​ പടക്കം പൊട്ടിക്കുന്നതിനിടെയായിരുന്നു അപകടം. പൊള്ളലേറ്റ്​ ചികിത്സയിലായിരുന്നു ആറുവയസുകാരി. ബി.ജെ.പിയുടെ പ്രയാഗ്​രാജിലെ എം.പിയായ റീത്ത ബഹുഗുണ ജോഷിയുടെ കൊച്ചുമകളാണ്​ മരിച്ചത്​.

ദീപാവലിക്ക്​ കൂട്ടുകാരോടൊപ്പം വീടി​െൻറ ടെറസിൽനിന്ന്​ പടക്കം പൊട്ടിക്കുന്നതിനിടെ വസ്​ത്രത്തിന്​ തീപിടിക്കുകയായിരുന്നു. ഉടൻതന്നെ സമീപത്തെ സ്വകാര്യ ആശുപത്രിയിലെത്തിച്ചിരുന്നു. അവിടെനിന്ന്​ എയർ ആംബുലൻസ്​ വഴി ഡൽഹിയിലെ മിലിട്ടറി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കുട്ടിയുടെ ശരീരത്തിൽ 60 ശതമാനം പൊള്ളലേറ്റിരുന്നു.