സാക്ഷി മഹാരാജി​െൻറ വിവാദ പരാമർശത്തിൽ തെരഞ്ഞെടുപ്പ്​ കമ്മീഷൻ റിപ്പോർട്ട്​ ആവശ്യപ്പെട്ടു

ന്യൂഡൽഹി: ബി.ജെ.പി എം.പി  സാക്ഷി മഹാരാജി​​െൻറ വിവാദ പരാമർശത്തിൽ തെരഞ്ഞെടുപ്പ്​ കമ്മീഷൻ റിപ്പോർട്ട്​ ആവശ്യപ്പെട്ടു. ജില്ല മജിസ്​ട്രേറ്റിനോടാണ്​ തെരഞ്ഞെടുപ്പ്​ കമ്മീഷൻ റിപ്പോർട്ട്​ ആവശ്യപ്പെട്ടിരിക്കുന്നത്​. വിദ്വേഷ പ്രസംഗം നടത്തിയെന്ന പരാതി പ്രകാരം എം.പിക്കെതിരെയും മീററ്റിലെ പൊതുപരിപാടിയുടെ സംഘാടകർക്കെതിരെയും പൊലീസ് കേസ് ഫയൽ ചെയ്തിരുന്നു. ഇൗ സാഹചര്യത്തിലാണ്​ തെരഞ്ഞെടുപ്പ്​ കമ്മീഷ​​െൻറ നടപടി. സംഭവത്തി​​െൻറ വിഡിയോ ഉൾപ്പെടെയുള്ള തെളിവുകൾ ഹാജരാക്കാൻ തെരഞ്ഞെടുപ്പ്​ കമ്മീഷൻ ആവശ്യപ്പെട്ടിട്ടുണ്ട്​. 

സാക്ഷി മഹാരാജ്​ വിവാദ പരാമർശം നടത്തിയ പരിപാടിക്ക്​ പൊലീസി​​െൻറ അനുമതി വാങ്ങിയില്ലെന്ന വാർത്തകളും ഇപ്പോൾ പുറത്ത്​ വരുന്നുണ്ട്​. രാജ്യത്ത്​ ജനസംഖ്യ വർധിച്ചുകൊണ്ടിരിക്കുന്നത്​ നാലു ഭാര്യമാരും നാൽപതു കുട്ടികളും വേണമെന്ന ആശയത്തെ പിന്തുണക്കുന്നവർ ഉള്ളതുകൊണ്ടാണ്​​. ഇതിനാൽ ഏക സിവിൽ കോഡ്​ സർക്കാർ  ഉടൻ നടപ്പാക്കണം എന്നായിരുന്നു സാക്ഷിയുടെ പ്രസ്താവന. ഉത്തർപ്രദേശ്​ ഉൾപ്പെടെ അഞ്ചു സംസ്ഥാനങ്ങളിലെ തെരഞ്ഞെടുപ്പ്​ നടക്കാനിരിക്കെയാണ്​ എം.പി വിദ്വേഷ പരാമർശവുമായി രംഗത്തെത്തിയത്​. 

പരാമർശത്തിനെതിരെ വിവിധ കോണുകളിൽ നിന്ന്​​ പ്രതിഷേധമുയർന്നിരുന്നു. പ്രധാനമന്ത്രി നരേന്ദ്രമോദി ജനങ്ങൾക്ക്​ നൽകിയ പൊള്ളയായ വാഗ്​ദാനങ്ങളിൽ നിന്നും ശ്രദ്ധ മാറ്റുന്നതിന്​ വേണ്ടിയാണ്​ ബി.ജെ.പി എം.പി മതവിദ്വേഷമുണ്ടാക്കുന്ന പരാമർശങ്ങൾ നടത്തിയിരിക്കുന്നതെന്ന്​ ഉത്തർപ്രദേശിലെ കോൺഗ്രസ്​ നേതാവ്​ അഖിലേഷ്​ സിങ്​ പറഞ്ഞു. നിരന്തരം മതവിദ്വേഷ പരാമർശങ്ങൾ നടത്തുന്ന മഹാരാജിനെ പാർലമ​െൻറിൽ നിന്നും പാർട്ടിയിൽ നിന്നും പുറത്താക്കണമെന്നും അദ്ദേഹം പ്രതികരിച്ചു.

മഹാരാജ്​ ഇതിനു മുമ്പും മുസ്​ലിംകൾക്കെതിരെ വിവാദ പരാമർശങ്ങൾ നടത്തിയിട്ടുണ്ട്​. മുസ്​ലിം സ്​ത്രീകളുടെ അവസ്ഥ ചെരിപ്പിനേക്കാൾ ദയനീയമാണെന്ന പരാമർശവും രണ്ട്​ കുട്ടികളിൽ കൂടുതലുള്ള ദമ്പതിമാരുടെ വോട്ടവകാശം റദ്ദാക്കണമെന്നും മദ്രസകൾ തീവ്രവാദ കേന്ദ്രങ്ങളാണെന്നുമുള്ള പരാമർശങ്ങളും വിവാദമായിരുന്നു.