ബി.ജെ.പി എം.പി സുരേഷ്​ പ്രഭു വീട്ടുനിരീക്ഷണത്തിൽ

ന്യൂഡൽഹി: കോവിഡ് 19 ഭീതിയുടെ പശ്ചാത്തലത്തിൽ ബി.ജെ.പി എം.പി സുരേഷ്​ പ്രഭു നിരീക്ഷണത്തിൽ. സൗദിയില്‍ നിന്ന് മടങ്ങിവന്ന അദ്ദേഹം 14 ദിവസത്തേക്ക് വീട്ടിൽ സ്വയം ഐസൊലേഷനിലേക്ക് പ്രവേശിക്കുകയായിരുന്നു.

മാർച്ച്​ പത്തിനാണ്​ സുരേഷ്​ പ്രഭു സൗദി അറേബ്യയിൽനിന്ന് തിരിച്ചെത്തിയത്. 'ജി 20 സൗദി അറേബ്യ' പരിപാടിക്ക് പോകുന്നതിന് മുമ്പും ശേഷവും കോവിഡ് പരിശോധന നടത്തിയിരുന്നുവെങ്കിലും നെഗറ്റീവാണ് ഫലം. എന്നിരുന്നാലും ഐസൊലേഷനിൽ തുടരാൻ തീരുമാനിക്കുകയായിരുന്നു -സുരേഷ്​ പ്രഭു ട്വീറ്റ് ചെയ്തു.