ലക്ഷദ്വീപ്​ ജനതയെ വി​ശ്വാസത്തിലെടുക്കുമെന്ന് ബി.ജെ.പി

ന്യൂഡൽഹി: ലക്ഷദ്വീപിലെ ജനങ്ങളെ വിശ്വാസത്തിലെടുത്ത്​ മുന്നോട്ട്​ പോകുമെന്ന്​ ബി.ജെ.പി ദേശീയ നേതൃത്വം. ദ്വീപ്​ ജനതയുടെ ആശങ്കകൾ പരിഹരിക്കുമെന്ന്​ ബി.ജെ.പി ഉപാധ്യക്ഷനും ലക്ഷദ്വീപിന്‍റെ ചുമതലയുള്ള നേതാവുമായ​ എ.പി അബ്​ദുല്ലകുട്ടി പറഞ്ഞു. രാജിവെച്ച ബി.ജെ.പി നേതാക്കൾ മുമ്പും രാജിവെച്ചവരാണെന്നും അദ്ദേഹം വ്യക്​തമാക്കി. ലക്ഷദ്വീപിൽ നിന്നുള്ള ബി.ജെ.പി നേതാക്കൾ പാർട്ടി ദേശീയനേതൃത്വവുമായി ചർച്ച നടത്തിയിരുന്നു. ഇതിന്​ പിന്നാലെയാണ്​ അബ്​ദുല്ലകുട്ടി നിലപാട്​ അറിയിച്ചത്​.

അതേസമയം, ലക്ഷദ്വീപിൽ കൂടുതൽ കടുത്ത നടപടികളുമായി അഡ്​മിനിസ്​ട്രേറ്റർ മുന്നോട്ട്​ പോവുകയാണ്​. 200ഓളം താൽകാലിക ജീവനക്കാരെ അഡ്​മിനിസ്​ട്രേറ്റർ പിരിച്ചുവിട്ടു. മ​ൈറൻ വാച്ചർമാരേയാണ്​ പിരിച്ച്​ വിട്ടത്​. മൂന്ന്​ മാസത്തേക്ക്​ ഇവരുടെ സേവനം വേണ്ടെന്നാണ്​ അറിയിച്ചിരിക്കുന്നത്​.

ലക്ഷദ്വീപിൽ​ ലോക്​ഡൗൺ നിയന്ത്രണങ്ങളും രാത്രി കർഫ്യുവും നീട്ടിയിട്ടുണ്ട്​. കോവിഡ്​ രോഗബാധിതരുടെ എണ്ണം കുറയാത്തതിനാലാണ്​ നിയന്ത്രണങ്ങൾ നീട്ടിയതെന്നാണ്​ ദ്വീപ്​ അഡ്​മിനിസ്​ട്രേഷൻ വിശദീകരിക്കുന്നത്​.