ബി.ജെ.പി വർഗീയ ലഹള പ്രോത്​സാഹിപ്പിക്കുന്നുവെന്ന്​ കോൺഗ്രസ്​

ന്യൂഡൽഹി: ബംഗാൾ കലാപത്തിന്​ തിരിച്ചടി നൽകാൻ ആഹ്വാനം ചെയ്​ത  ഹൈദരാബാദിലെ ഗൊസാമഗൽ എം.എൽ.എ നരേന്ദ്ര മോദി സർക്കാർ നടത്തിയ ഗുജറാത്ത്​ വർഗീയ ലഹളയെ  ന്യായീകരിക്കുകയാണെന്ന്​ കോൺഗ്രസ്​. 

ബി.ജെ.പി വർഗീയ ലഹളയും അതിക്രമങ്ങളും പ്രോത്​സാഹിപ്പിക്കുകയാണ്​. എം.എൽ.എ രാജാ സിങ്ങി​​​െൻറ പ്രസ്​താവന ലജ്ജാകരമാണ്​. ഗുജറാത്തിലെ വർഗീയ ലഹളയെ പരാമർശിച്ചതിലൂടെ മോദി സർക്കാറി​​​െൻറ നരനായാട്ടിനെ ന്യായീകരിക്കുകയാണ്​ രാജ്​ സിങ്​ ചെയ്​തതെന്നും  കോൺഗ്രസ്​ നേതാവ്​ മീം അഫ്​സൽ പറഞ്ഞു. 

ബംഗാളിലെ അവസ്​ഥയെ രാഷ്​ട്രീയ വത്​കരിക്കുന്ന പ്രസ്​താവനകളാണ്​ ഇവയെന്ന്​​ ടോം വടക്കനും പറഞ്ഞു. ബി.ജെ.പിയുടെ വർഗീയ അജണ്ട തുറന്നു കാട്ടുകയാണ്​ ഇത്തരം പ്രസ്​താവനകൾ എന്നും അദ്ദേഹം കൂട്ടിേച്ചർത്തു. 

നോര്‍ത്ത് 24 പര്‍ഗനാസ് ജില്ലയില്‍ സംഘര്‍ഷം തുടരുന്നതിനിടെ, 2002ലെ കലാപത്തിൽ ഗുജറാത്തിലെ ഹിന്ദുക്കൾ നൽകിയതുപോലുള്ള മറുപടി ബംഗാളിലെ ഹിന്ദുക്കളും നൽകണമെന്ന് ബി.ജെ.പി എം.എൽ.എ രാജ് സിങ്​ വിഡിയോ സന്ദേശത്തിലൂടെ ആവശ്യപ്പെട്ടിരുന്നു.